Lu̱ka̱ 17:1 - Tennet

¹ A̱nne̱k Ye̱su̱ nuyak ciginnek i̱i̱te̱n imma ne, “Izeto ojontte kaala cik aanyik ol ku̱tu̱gu̱zzo̱ mu̱nye̱n ko̱ kar ki̱vi̱ta̱, abarik o̱lle̱ ci e̱e̱t ci atin ovvo kaala ne̱ko̱ a̱vvu̱ go̱o̱le̱ cinne.

Lu̱ka̱ 17:1 ပူးပေါင်းရင်းမြစ်များ

Ma̱te̱yo̱ 16:23

Egelem Ye̱su̱, Peturu kar kize ne, “A̱vvu̱ reena ngatinanni, Sitan! E̱e̱ni̱ i̱nna̱ e̱e̱t ci acazan zoza; iróng i̱nna̱ anyai zoz ci Ta̱mu̱ta̱dde̱no̱ zinina, abarik anyai i̱nna̱ zoz ci e̱e̱t ci diiri.”

Ma̱te̱yo̱ 18:7

Kar zin Ye̱su̱ bo̱do̱k kize ne, “O̱lle̱ cik lo̱o̱c cu eci anyike ol kabaccit. Aave ba̱ci̱ to, o̱lle̱ zin cik e̱e̱t wa anyaha ba̱ci̱.

Lu̱ka̱ 16:31

“A̱nne̱k zin enne nonno ne, ‘Ming iróng nege aziye zoz ci Musesi ki a̱ri̱tto̱k, iróng atin nege elemi zoz ci e̱e̱t imma ci ingazi daiza.’”

Roma 14:13

Orong ibilizet zoz ci apahekku ol u̱gge̱ lo̱ki̱ko̱ ko̱. Abarik, odolta zi̱nze̱tti̱nne̱ cuggo̱k, ma e̱e̱ggi̱nnu̱ ol cik adiryu gotonogget ki ngonogget cik a̱tu̱we̱ no̱ngi̱tto̱ne̱ baize cinne̱ng.

Roma 16:17

Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.

1 Ko̱ri̱nto̱ 10:32

Abait baiz ci abunna, ci iróng acazu e̱e̱t imma, icima olli Ya̱u̱do̱, icima olli Gi̱ri̱yo̱, icima ol wak a̱tu̱ Ta̱mu̱ta̱dde̱n.

1 Ko̱ri̱nto̱ 11:19

Abarik bo̱do̱k ngero cunno̱ng ko̱ iróng gerza, kar abunna ka̱gga̱ elemi Ta̱mu̱ta̱dde̱n ollik jang ngatinno̱ng.

1 Ko̱ri̱nto̱ 8:13

I̱yo̱ko̱ zin, ming kanyike anna gotona tu̱we̱nta̱ kadak gi̱i̱ ci iróng enne orong kar ku̱tu̱gu̱ mu̱nye̱n, iróng bo̱do̱k anna ngen kadai da̱i̱ne̱t ne̱ke̱ udut, gerza ming kanyike nonno ku̱tu̱gu̱ mu̱nye̱n.

1 Ti̱mo̱te̱yo̱ 4:1

U̱du̱wa̱ Vongizi ci A̱li̱le̱ zoz de̱de̱, anyak atin vu̱rrta̱ ol cik odotik lo̱o̱c de̱mzi̱ne̱t ci a̱tu̱we̱ ol Ye̱su̱ ki Ta̱mu̱ta̱dde̱n, abarik ovvo azunne de̱mzi̱ne̱t ci een volong anyaha kuulo cik lo̱rye̱nta̱k.

O̱no̱zzo̱k 2:14

I̱yo̱ko̱ zin kanyai anna kaal cikidik komozine ngatinno̱ng: Anyakku niga ol u̱gge̱ cik elemi de̱mzi̱ne̱t ci Balaami kar enne kedemez Balaki kalaba olli Israilo ki̱tto̱zo̱ mu̱nye̱n eci adahe da̱i̱ne̱t cik apahek ol to̱do̱yyo̱k, ki bo̱do̱k go̱o̱le̱ ci a̱li̱ya̱kze̱ti̱nu̱.

O̱no̱zzo̱k 2:20

Abarik kanyai zoz ki i̱ge̱ta̱ zo̱ze̱ ci ngaa ci een zara Jezebel, ci gon aanyik ele kize a̱ri̱to̱i̱t ko̱. I̱ti̱ye̱ zin enne du̱cca̱k cigannik tu̱ de̱mzi̱nte̱ cinne. Aanyik kizeto a̱li̱ya̱k kar kadait da̱i̱ne̱t cik apahek ol to̱do̱yyo̱k.