Lu̱ka̱ 16:22 - Tennet

²² “I̱ki̱ya̱ zin i̱i̱te̱ni̱ imma, a̱da̱k zin e̱e̱ti̱ ci gon alaye ko̱ kar zin anjilonya cik Ta̱mu̱ta̱dde̱no̱ kodongit nonno koot kaarttek abanyit ci Aburahami ta̱mu̱-kenga. A̱da̱k zin bo̱do̱k e̱e̱ti̱ wa bali een i̱to̱i̱t ko̱, a̱da̱ye̱k zin ol nonno lo̱o̱k.

Lu̱ka̱ 16:22 ပူးပေါင်းရင်းမြစ်များ

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 24:31

Kar zin atin enne ki̱tto̱nna̱ anjilonya ciginnek kar nege ta̱mu̱-kenga kutubuwet tuuret, kar kulutet ol balik atahala Ta̱mu̱ta̱dde̱n lo̱o̱co̱we̱ do̱o̱k ki ta̱mu̱-kenga ke̱.”

Ma̱te̱yo̱ 8:11

Ka̱nne̱kku̱ng ne, a̱vvu̱ atin ol cik meelek o̱to̱ne̱ ci je̱e̱ni̱ ki nyigja, ovvo atin nege adak kwo̱o̱r ozol ki ciko Aburaham ki I̱sa̱ko̱ ki Ya̱ko̱bo̱ ba̱a̱li̱nte̱ ci ta̱mu̱-kengo.

Marko 8:36

Nya ci abunna ming amuda e̱e̱ti̱ kaal cik lo̱o̱tu̱ do̱o̱k imma ngatu okoloz ruget cinne?

Lu̱ka̱ 12:20

“Ma̱i̱je̱ Ta̱mu̱ta̱dde̱n a̱nne̱k nonno ne, ‘I̱nna̱ tarbaloiti! Okko ba̱a̱li̱n cu rugeti cunne a̱zze̱ ngatunne. Ngene zin ci atin amuda kaal balik adimanek i̱nna̱ ele cunne ko̱?’

Lu̱ka̱ 16:21

Orong enne kadak da̱i̱ne̱t ne̱k i̱i̱na̱ ngati e̱e̱t ci een i̱to̱i̱t ko̱. A̱vvu̱ gon rok urzi ovvo alakad ngoddocet ciginnek.

Kaviyak wak Abunna Ta̱mu̱ta̱dde̱no̱ eher Joni 1:18

Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

Kaviyak wak Abunna Ta̱mu̱ta̱dde̱no̱ eher Joni 13:23

Aave da̱ nuyaiti co̱de̱ wagon irez Ye̱su̱ oroot ko̱ ojonun ki nonno.

Kaviyak wak Abunna Ta̱mu̱ta̱dde̱no̱ eher Joni 21:20

Uukce Peturu ki vu̱rru̱t, edenya nuyait wa Ye̱su̱ zinino ming annu nogo. Een enne bali aavtte ki Ye̱su̱ ojonun da̱i̱nte̱, kar zin ki̱jji̱n Ye̱su̱, “Manyi, ngene ci okko utennin?”

I̱bu̱ru̱ 1:14

E̱e̱ggi̱n anjilonya cik Ta̱mu̱ta̱dde̱no̱ vongizzok cik i̱tto̱na̱ Ta̱mu̱ta̱dde̱n kar ki̱li̱ngli̱ngto̱zi̱k ol wak amuda ti̱ri̱ze̱ne̱t ci Ta̱mu̱ta̱dde̱no̱.

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

Je̱mi̱s 1:11

Aara koor ci a̱bu̱re̱ ovoc vu̱rre̱n kodoit ne kak, ki̱ta̱za̱k lo̱o̱c bak iróng ngen a̱zi̱ze̱ dee. Ogon bu̱k niko, a̱da̱i̱ zin atin ol wak een i̱tto̱k bu̱k ngati a̱li̱ngli̱nge̱ nege.

1 Peturu 2:24

Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”