Lu̱ka̱ 16:15 - Tennet

¹⁵ Kar zin enne kizek nogo ne, “Orongnyu niga i̱ye̱lta̱ e̱le̱tti̱ cuggo̱k izet ol cik abunnanu eberene cik ollu, ma̱i̱je̱ Ta̱mu̱ta̱dde̱n a̱gga̱ zi̱nze̱tti̱ ciggo̱k. Imma kaala cik irez ol cik lo̱o̱tu̱ oroot, e̱e̱ggi̱n kaal cik gerzek ngu̱me̱ ci Ta̱mu̱ta̱dde̱no̱.”

Lu̱ka̱ 16:15 ပူးပေါင်းရင်းမြစ်များ

Ma̱te̱yo̱ 23:5

“Imma kaala ne̱k ogon nege ko̱, ogone abunna ming acin ol. Aburccek gon nege ru̱u̱ma̱ni̱ cik u̱u̱ntti̱k lawinto, ecebek e̱le̱tti̱ kaal cikidik ogon ki a̱mi̱le̱ eheronik zo̱zo̱wa̱ cik Ta̱mu̱ta̱dde̱no̱, kar ol kicinnet;

Ma̱te̱yo̱ 6:16

“Ming i̱ya̱yi̱nnu̱ niga, ma ogonnu ki ol wak a̱ru̱k talaben eci i̱ye̱li̱ne̱ nege ngu̱mti̱ cigge̱k ming i̱ya̱ye̱. Ka̱du̱wa̱kku̱ng zoz wa een de̱de̱, u̱mu̱dda̱ nege kaal cik orong nege lo̱o̱ta̱ ngatu do̱o̱k, iróng een ta̱mu̱-kenga.

Ma̱te̱yo̱ 6:2

“Ming amuci i̱nna̱ e̱e̱t ci amati, ma ogonnu ki ol wak een nyamuttok ogon kiwagon ol wak a̱ru̱k talaben Ce̱e̱zi̱nne̱ wak Lawinto ko̱, ki bo̱do̱k go̱o̱lo̱we̱ abunna o̱ngo̱o̱le̱ ol nogo. Ka̱du̱wa̱kku̱ng zoz ci een de̱de̱, amuda atin nege rezinet ci ollu, iróng atin nege ngen amuda muci ci Ta̱mu̱ta̱dde̱no̱.

Ma̱te̱yo̱ 6:5

“Ming alayu niga Ta̱mu̱ta̱dde̱n, ma ogonnu kiwagon ol wak a̱ru̱k talaben, eci nege atali lawinet ci alawe Ta̱mu̱ta̱dde̱n ngati abilne Ce̱e̱zi̱nne̱ wak Lawinto kar bo̱do̱k go̱o̱lo̱we̱, kar ol kicinnet nogo. Ka̱du̱wa̱kku̱ng zoz wa een de̱de̱, irez wo̱ye̱ ol nogo lo̱o̱ta̱ ngatu, ma̱i̱je̱ ta̱mu̱-kenga, iróng zin atin nege amuda bunnat ci Ta̱mu̱ta̱dde̱no̱.

Lu̱ka̱ 10:29

Abarik orong enne ki̱ye̱la̱ ele cinne kubunna, kar zin enne ki̱jji̱n Ye̱su̱, “Ngene ci een locari cinanni?”

Lu̱ka̱ 11:39

Izek zin Manyi nonno ne, “I̱yo̱ko̱ zin, niga Varacisi u̱u̱nyyu̱ niga uduce cik maamu ki uduce cik adainu eci bo̱i̱co̱ do̱, imma ecito abbize zoz ci anyakku zi̱nze̱tti̱ cik a̱ppi̱nte̱k ki zoz ci a̱li̱ya̱kze̱ti̱nu̱.

Lu̱ka̱ 18:11

Itinga zin Varacisi neci kar kala Ta̱mu̱ta̱dde̱n zo̱ze̱ ci ele cinne: ‘Ta̱mu̱ta̱dde̱n, kaanyi anna i̱nne̱t zany iróng kogonni kiwagon ol wak e̱e̱ggi̱n ogoryak, olli mu̱nye̱nu̱, ol wak owo ki ngaai cik ollu, icima ki i̱yo̱ko̱ e̱e̱ti̱ cu, gon aluta mucuru olle ko̱.

Lu̱ka̱ 18:14

“Ka̱du̱wa̱kku̱ng anna i̱ge̱ta̱ okko e̱e̱ti̱ cu ce̱e̱za̱ labak, alalek Ta̱mu̱ta̱dde̱n ba̱ci̱nno̱k ciginnek. Eci ming odong e̱e̱ti̱ imma ele cinne, okko atin enne een gunun, kar e̱e̱ti̱ ci gununi, okko atin enne odongnye.”

Lu̱ka̱ 18:21

Kar zin e̱e̱ti̱ ci een i̱to̱i̱t kize ne, “Kazunne anna lo̱ti̱nno̱k ne̱ko̱ baling ngen anna ke̱e̱ni̱ idica rok i̱yo̱ko̱.”

Lu̱ka̱ 18:9

Anyak ol wak i̱no̱n a̱gga̱ nege e̱le̱tti̱ cigge̱k azi ne kabunanna kar zin ki̱bbe̱zi̱t ol do̱o̱k, u̱du̱wa̱k zin Ye̱su̱ nogo yabzinet cu:

Lu̱ka̱ 20:20

Acin nege nonno oroot, kar ki̱tto̱ntta̱ volongnyok wak alaba talaben azi ne ke̱e̱ggi̱nna̱ ol cik kabunanna. Orong nege ka̱gga̱mi̱t Ye̱su̱ zo̱ze̱ ci ozoz enne kar kaanycik nonno ddi̱ki̱ryo̱i̱t ci gaalau.

Lu̱ka̱ 20:47

Egerzan nege ce̱e̱zi̱ cik ngaai cik boyek, kar gon i̱ye̱li̱ne̱ e̱le̱tti̱ kalac Ta̱mu̱ta̱dde̱n u̱u̱mu̱c. Ovvo ol cik ogon niko edez atin Ta̱mu̱ta̱dde̱n nogo oroot.”

Kaviyak wak Abunna Ta̱mu̱ta̱dde̱no̱ eher Joni 2:25

Iróng enne orong zoz ci okko a̱du̱wa̱k nonno e̱e̱ti̱ gi̱i̱ ci obod ki e̱e̱t imma, ma̱rri̱t enne Ye̱su̱ eliya a̱gga̱ kaal wak anyak e̱e̱ti̱ ci diiri zinina.

Kaviyak wak Abunna Ta̱mu̱ta̱dde̱no̱ eher Joni 21:17

I̱jji̱n zin bo̱do̱k Ye̱su̱ Si̱mo̱ne̱ lak i̱i̱yo̱ dee, izek ne, “Si̱mo̱ne̱ ngerrti Joni, ireza i̱ye̱ i̱nna̱ annita?” Omoze Peturu oroot eci i̱jji̱n Ye̱su̱ nonno lak i̱i̱yo̱ ming irez enne nonno. Izek zin enne Ye̱su̱ ne, “Manyi, a̱gga̱ i̱nna̱ kaal do̱o̱k. A̱gga̱ i̱nna̱ ming kirezin.” Izek zin Ye̱su̱ nonno ne, “Tam zin nyoo cigannik ko̱ ju̱rru̱m.

Buk wa To̱ni̱a̱u̱ 1:18

Kar ki muci bali aruba Judasi go̱o̱le̱ ci gerze ke̱, ataltai zin ol ma̱na̱; kar zin enne ku̱yu̱we̱ keṯezante uluktena kiyokta re̱e̱nu̱n.

Buk wa To̱ni̱a̱u̱ 1:24

Kar zin nege kalayo, kizeto ne, “Manyi, a̱gga̱ i̱nna̱ zi̱nze̱tti̱ cik ollu do̱o̱k. Ngene olle cik een rama ko̱ ci atahala i̱nna̱,

Buk wa To̱ni̱a̱u̱ 15:8

Imma Ta̱mu̱ta̱dde̱n wa a̱gga̱ zi̱nze̱tti̱ cik ollu do̱o̱k, i̱ye̱le̱kke̱t agit ngati bali anyike enne ol wak iróng e̱e̱ggi̱n Ya̱u̱d Vongiz ci A̱li̱le̱, ki baling aanyet enne agit ke̱.

Roma 3:20

Iróng Ta̱mu̱ta̱dde̱n elemi e̱e̱t imma eci azunne lo̱ti̱nno̱k. Anyak gi̱i̱ co̱de̱ ṯok ci ogon lo̱ti̱nno̱wa̱, i̱ye̱le̱k ol ming abaccit zoz ci ogone nege mu̱nye̱n.

Roma 8:27

A̱gga̱ Ta̱mu̱ta̱dde̱n kaal cik ki̱no̱n naga do̱o̱k, a̱gga̱ bo̱do̱k zoz ci a̱du̱wa̱ Vongizi, eci Vongizi alawek ol cik Ta̱mu̱ta̱dde̱no̱ go̱o̱le̱ ci orong Manyi.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

1 Peturu 3:4

Abarik zin abunna ming a̱kku̱ zi̱zi̱wo̱ni̱ cunne zinina, zi̱zi̱wo̱n ci iróng aditai ki zinin ci abunna, een necu zoz ci riili ngu̱me̱ ci Ta̱mu̱ta̱dde̱no̱.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.