Lu̱ka̱ 15:28 - Tennet

²⁸ “Utubur zin gotoniya wa a̱ddi̱ki̱re̱ nong kar kutubur ki̱tto̱ ce̱e̱z. Kar baatinne kuk reena kuk kilalek nonno.

Lu̱ka̱ 15:28 ပူးပေါင်းရင်းမြစ်များ

Jonah 4:9

Ma̱i̱je̱ Ta̱mu̱ta̱dde̱n iizek Jonah ne, “Ngene ci aanyi moze zo̱ze̱ ci keet cu ko̱?” Azi Jonah ne, “Annita, komoze anna oroot korongi abarik ka̱da̱u̱.”

Ma̱te̱yo̱ 20:11

Baling engertta nege o̱ro̱bi̱ya̱ cigge̱k, utuburet zin nong ngati manyi ma̱na̱.

Marko 1:40

I̱ki̱ya̱k e̱e̱ti̱ ci adak dhovo Ye̱su̱ kar zin kakatek u̱zu̱ngti̱nne̱ kala nonno kizek ne, “Ming orongi i̱nna̱ de̱de̱, angaruya wo̱ye̱ i̱nna̱ annit kubunna.”

Lu̱ka̱ 13:34

“Olli Jerusalemi, olli Jerusalemi, niga ol wak i̱di̱tta̱ a̱ri̱tto̱k cik zoz ci Ta̱mu̱ta̱dde̱no̱, kar kovoccit biyene ol wak i̱tto̱na̱kku̱ng Ta̱mu̱ta̱dde̱n i̱ge̱ta̱, korongi gon anna kuluta dooli ciggo̱k ngi̱nto̱de̱, ki ming alutak tuulici jooro ṯaaba ciginnek, abarik niga aburnnu!

Lu̱ka̱ 15:2

Ma̱i̱je̱ olli Varacisi ki de̱me̱zzo̱k wak lo̱ti̱nno̱u̱ utuburet nong, izeto ne, “Awa e̱e̱ti̱ cu olli mu̱nye̱nu̱ kar enne kadakto ki nogo.”

Lu̱ka̱ 15:27

O̱bo̱de̱k zin du̱ca̱i̱ti̱ nonno, a̱nne̱k ne, ‘Oboda gotonnu, kar baatunne kotodongek nonno mo̱o̱le̱t ci adiye eci oboda enne ce̱e̱z labak.’

Lu̱ka̱ 15:29

Ma̱i̱je̱ enne abarizek baatinne, a̱nne̱k ne, ‘Cinno! E̱rki̱nya̱ ciko do̱o̱k ka̱li̱ngli̱ngngo̱ni̱ki̱ anna i̱nne̱ta̱ kiwagon du̱ca̱i̱ti̱, ngen i̱i̱te̱n imma anna kutubur zoz cunne. Ngen zin i̱nna̱ inya annit rok nyoon cidici kar anna kadakta ki gonogga.

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Lu̱ka̱ 5:30

Imma Varacisi ki de̱me̱zzo̱k wak lo̱ti̱nno̱u̱ balik arume ki nogo ko̱ ku̱du̱kta̱k demezyak ciginnek, “Nya ming ozolu niga da̱i̱ne̱t ki ol wak aluta mucuru ki ol cik mu̱nye̱nu̱ ko̱?”

Lu̱ka̱ 7:39

Baling icin Varacisi bali awa nonno ke̱ zoz necu, a̱nne̱k zin ele cinne ne, “Ming een e̱e̱ti̱ cu a̱ri̱to̱i̱t ci zoz ci Ta̱mu̱ta̱dde̱no̱ de̱de̱, a̱gga̱ wo̱ye̱ enne ngene ci u̱u̱m nonno ko̱, kar bo̱do̱k ka̱gga̱ ngaa ci ogon ku̱ cu, een enne ngaa ci mu̱nye̱nu̱.”

Buk wa To̱ni̱a̱u̱ 13:45

Baling ovvo Ya̱u̱di̱ acin koole, anyait meder kar zin kozozit gerzet zo̱ze̱ ci ozoz Pa̱u̱lo̱.

Buk wa To̱ni̱a̱u̱ 13:50

Ma̱i̱je̱ olli Ya̱u̱do̱ oot ulutet odot wak riilik ki ngaai wak riilik o̱ngo̱o̱le̱ Ta̱mu̱ta̱dde̱n. Elemtta nege kar ki̱gi̱de̱t Pa̱u̱lo̱ ki Barnabas, kar zin kotoit nogo lo̱o̱ce̱ cinne̱ng.

Buk wa To̱ni̱a̱u̱ 14:19

Ulutet lo̱ddi̱ki̱re̱ uggak cik een Ya̱u̱d a̱vvu̱ o̱ro̱gjo̱we̱ cik een Antiyok ki Iconium kar ku̱tu̱yya̱ o̱o̱tti̱ cik ollu. Ovvocit zin ol Pa̱u̱lo̱ biyene kar ku̱tu̱gu̱rte̱k orog abanyca, i̱no̱n nege azi ne, a̱da̱ha̱.

Buk wa To̱ni̱a̱u̱ 14:2

Ma̱i̱je̱ Ya̱u̱d wak iróng a̱tu̱we̱, alabta ol cik iróng e̱e̱ggi̱n Ya̱u̱d kitingta kavaraccit ngati ol wak a̱tu̱we̱.

Roma 10:19

Ka̱jji̱ne̱ anna bo̱do̱k: Iróng olli Israilo azikne? Arrak eher Musesi zoz ci Ta̱mu̱ta̱dde̱no̱, azi ne, “Ka̱a̱nyu̱ng anyait meder zo̱ze̱ ci ol cik iróng anyak lo̱o̱c. Ka̱a̱nyu̱ng omozte ngati lo̱o̱c ci iróng azikne.”

2 Ko̱ri̱nto̱ 5:20

Ke̱e̱ggi̱nna̱ naga ol cik ka̱li̱ngli̱nge̱kka̱ Ki̱ri̱sto̱ lo̱o̱ta̱ ngatu. Ming kuwahekka ol kaviyak cik Ki̱ri̱sto̱, Ta̱mu̱ta̱dde̱n ele ci anyike ol kiziyet zoz cinna̱ng. Kilalekkung zin anna i̱ge̱t de̱de̱ zo̱ze̱ ci Ki̱ri̱sto̱, abunna ming anyakku gano ki Ta̱mu̱ta̱dde̱n.

1 Te̱se̱lo̱ni̱ka̱ 2:16

ngati alamnyet ming iróng kuwaheka ol wak iróng een Ya̱u̱d kaviyak wak Ta̱mu̱ta̱dde̱no̱ abunna, wak atin eela nogo. Imma go̱o̱le̱ necu, otorte ba̱ci̱no̱wa̱ cigge̱k, utubur Ta̱mu̱ta̱dde̱n nong. Edez atin Ta̱mu̱ta̱dde̱n nogo zo̱ze̱ necu vu̱rrta̱.