Lu̱ka̱ 15:24 - Tennet

²⁴ Eci ngeranni cu a̱da̱k ba̱li̱ye̱; imma i̱yo̱ko̱ urug bo̱do̱k.’ A̱ka̱tte̱ zin nege kwo̱o̱r.

Lu̱ka̱ 15:24 ပူးပေါင်းရင်းမြစ်များ

Kananet 45:28

Kar zin Israili kize ne, “Kelema anna zoz necu! Ngen ngeranni Yosevo aruge. Kokko atin anna kacinni nonno ming ngen ka̱da̱u̱.”

Ma̱te̱yo̱ 8:22

U̱du̱wa̱k zin Ye̱su̱ nonno a̱nne̱k ne, “I̱jja̱ nuwan, anyik ol wak a̱da̱i̱to̱ ka̱da̱c gonoggi cik a̱da̱i̱to̱.”

Marko 8:22

I̱vi̱tta̱k zin ciko Ye̱su̱ ki demezyak orog ci een Betsaida, anyakttak zin ol uggak Ye̱su̱ e̱e̱t ci ru̱be̱ni̱ abunna okko enne atadek nonno a̱zzi̱t kar kalawek Ta̱mu̱ta̱dde̱n kangaru nonno.

Lu̱ka̱ 10:19

Ka̱a̱nyu̱ng anna i̱ge̱t komiz ci orocu uwanya ki iten, kar ommogit doiz ci mo̱dde̱nnu̱ do̱o̱k; i̱llo̱i̱ atin gi̱i̱ ci adakkung.

Lu̱ka̱ 15:23

Anyaktta mo̱o̱le̱t ci adiye kar otodongit. Kadait kwo̱o̱r kar kurugumet.

Lu̱ka̱ 15:25

“Imma da̱ ngerinne wa a̱ddi̱ki̱re̱ ngen aave manato mu̱u̱ra̱. Baling i̱ki̱ya̱ enne kar kojongoz ce̱e̱z, aziye lo̱ng ki rugumon.

Lu̱ka̱ 15:32

Abarik abunna kadak naga kwo̱o̱r kar katalit, eci gotonnu icu a̱da̱k ba̱li̱ye̱ kar i̱yo̱ko̱ urug bo̱do̱k; i̱zzi̱ enne ba̱li̱ye̱ umudai zin.’”

Lu̱ka̱ 15:4

“Ming wo̱ye̱ anyak e̱e̱ti̱ imma ngatinno̱ng a̱zza̱ o̱bo̱n co̱de̱ kar zin co̱de̱ ki̱zzi̱ zara. Iróng wo̱ye̱ enne ungnek gonoggi bo̱ngi̱t kar zin kuk korong neci o̱de̱ ke̱ zee kuruba?

Lu̱ka̱ 19:10

Eci Ngerrti E̱e̱to̱ a̱kku̱ ki̱ki̱ya̱ koronga kar ki̱ti̱ri̱z ol balik i̱ti̱yye̱t tu̱.”

Lu̱ka̱ 9:60

A̱nne̱k Ye̱su̱ nonno ne, “Anyik ol wak e̱e̱ggi̱n daizzok ka̱da̱c e̱e̱t cinne̱ng, ma̱i̱je̱ i̱nna̱ bit uwahek ol ba̱a̱li̱ne̱t ci Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 11:25

Izek Ye̱su̱ nonno ne, “Annit ci kingane ol daiza kuruget. Ming a̱tu̱ya̱ e̱e̱ti̱ annita, ming a̱da̱k nu̱nu̱n, aruge atin.

Kaviyak wak Abunna Ta̱mu̱ta̱dde̱no̱ eher Joni 5:21

Ogon ki i̱yo̱ko̱ ming ingane Baba ol wak a̱tu̱we̱ daiza, kaanyik kuruget, imma zin go̱o̱le̱ necu, aanyik Ngerinne ruget ol wak orong enne kaanyik.

Roma 11:15

Ming utuburet olli Ya̱u̱do̱ Ta̱mu̱ta̱dde̱n ko̱, kize gi̱i̱ ci aganiz olli lo̱o̱tu̱ ki Ta̱mu̱ta̱dde̱n, ming elemtta olli Israilo Ta̱mu̱ta̱dde̱n, ogon atin ki ci itinga e̱e̱ti̱ ci a̱da̱ha̱ daiza kurug.

Roma 12:15

Ming atalne ol, ataltto niga bu̱k ki nogo. Ming anyak e̱e̱ti̱ u̱lu̱wa̱, u̱tu̱lu̱z niga bu̱k.

Roma 6:11

Abunna zin niga ming a̱gga̱yyu̱ niko, iróng mu̱nye̱na̱ ngen abalung bo̱do̱k, urumteu niga ki Ta̱mu̱ta̱dde̱n zo̱ze̱ ci Ye̱su̱ Ki̱ri̱sto̱.

Roma 6:13

Ma anyikku o̱o̱tti̱ ciggo̱k koottung go̱o̱le̱ ci gerze kar anyait mu̱nye̱n, abarik aanycik zi̱nze̱tti̱ ciggo̱k do̱o̱k Ta̱mu̱ta̱dde̱n ki i̱yo̱ko̱ ol wak balik ingane Ta̱mu̱ta̱dde̱n daiza ke̱. I̱yo̱ko̱ zin, u̱tu̱gu̱z kaal cik abunna.

Roma 8:2

Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

1 Ko̱ri̱nto̱ 12:26

Ming apirna o̱to̱ni̱ co̱de̱, apirna o̱to̱ do̱o̱k ki nonno, ming atalne o̱to̱ni̱ co̱de̱, atalne o̱to̱ do̱o̱k ki nonno.

Evesos 2:1

Ogonnu niga ba̱li̱ye̱ ki i̱yo̱ko̱ ol cik a̱da̱i̱to̱ eci niga u̱tu̱gu̱zzu̱ mu̱nye̱n kar utuburet zoz ci Ta̱mu̱ta̱dde̱no̱.

Evesos 5:14

Eci vooriteni aanyik kaal do̱o̱k ki̱ye̱lta̱i̱. Zoz zin ci u̱du̱ya̱i̱ azi ne: “Tinga je̱e̱na̱ i̱nna̱ e̱e̱ti̱ ci adungi ko̱, tinga daiza, kar atin vooriten ci Ki̱ri̱sto̱ kataranin.”

Kolosiya 2:13

U̱tu̱gu̱zzu̱ niga ba̱li̱ye̱ ki ol cik a̱da̱i̱to̱ mu̱nye̱ne̱ cuggo̱k, ogonnu niga ki ci ngen mu̱nye̱na̱ cuggo̱k kaartai, a̱a̱nyu̱ng zin Ta̱mu̱ta̱dde̱n ruget zo̱ze̱ ci Ki̱ri̱sto̱. Alalek enne mu̱nye̱n cigga̱c agit do̱o̱k.

1 Ti̱mo̱te̱yo̱ 5:6

Imma ngaa ci boye aminye ele cinne, ogon ki ci a̱da̱ha̱ ming ngen aruge nu̱nu̱n.

Ju̱da̱ 1:12

Imma ol ne̱k gon ogon kaal cik een a̱li̱ya̱n ngati ozolinu niga ki nogo kwo̱o̱ra̱, ming adainu bu̱k, adakce nege tolongou, orong kadaizet e̱le̱tti̱ cigge̱k do̱ niko. Ogon nege kiwagon di̱i̱zwa̱na̱ cik odonga ngooti, iróng zin aṯile; ogon bo̱do̱k ki keena cik tagizak, i̱llo̱i̱ rok varany ki o̱ya̱u̱, adayai egeroi do̱o̱k lai.

O̱no̱zzo̱k 3:1

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Sardis waraga cu: E̱e̱ggi̱n ne̱ko̱ zo̱zzo̱k cik E̱e̱t ci anyak vongizzok cik e̱e̱ggi̱n turgerem Ta̱mu̱ta̱dde̱no̱ ki munyuny cik e̱e̱ggi̱n turgerem. Ka̱gga̱ anna li̱ngli̱ngo̱n cunno̱ng. I̱no̱nnu̱ niga a̱nnu̱ ne arugnu, abarik a̱da̱kttu̱.