Lu̱ka̱ 14:24 - Tennet

²⁴ Ka̱du̱wa̱kku̱ng anna i̱ge̱ta̱, iróng atin ol balik kawa anna oowa ke̱ atari da̱i̱ne̱t cik kwo̱o̱r cinanni ko̱.’”

Lu̱ka̱ 14:24 ပူးပေါင်းရင်းမြစ်များ

Ma̱te̱yo̱ 21:43

“Ka̱du̱wa̱kku̱ng anna, a̱gga̱ma̱ atin Ta̱mu̱ta̱dde̱n ba̱a̱li̱ne̱t cinne ngatinno̱ng, kar zin kanyik ol wak atin a̱li̱ngli̱ng zoz ci abunna oroot.

Ma̱te̱yo̱ 22:8

“Izek zin alaani du̱cca̱k ciginnek ne, ‘Ubunntta da̱i̱ne̱t cik ogone ol eezen ko̱, iróng zin ol balik kawa anna ke̱ agano ming a̱vvu̱ rucenet cu.

Lu̱ka̱ 14:23

“Izek zin ddi̱ki̱ryo̱i̱ti̱ du̱ca̱i̱t cinne ne, ‘Bit reena go̱o̱lo̱we̱ ki loritwane anyik ol ki̱vi̱ta̱, kar atin ce̱e̱z cinanne kibbit ol.

Lu̱ka̱ 14:25

Anyak da̱ kollen cik meelek eron ki Ye̱su̱, kar enne kutuhuwe kizek nogo ne:

Kaviyak wak Abunna Ta̱mu̱ta̱dde̱no̱ eher Joni 3:19

Een icu zoz ci ettede enne lo̱ki̱ko̱: I̱tto̱na̱k Ta̱mu̱ta̱dde̱n Ye̱su̱ lo̱o̱c kize tukulec, imma e̱e̱ti̱ ci diiri abure, irez mu̱hu̱ri̱te̱n kommog tukulec, eci nege ogon kaal cik gerzek.

Kaviyak wak Abunna Ta̱mu̱ta̱dde̱no̱ eher Joni 3:36

Ming anyak e̱e̱t ci a̱tu̱ Ngeranni, amuda atin enne ruget wa aave udut, imma e̱e̱ti̱ wa abure Ngeranni iróng acin ruget, eci Ta̱mu̱ta̱dde̱n aburnek nonno nong.”

Kaviyak wak Abunna Ta̱mu̱ta̱dde̱no̱ eher Joni 8:21

Izek bo̱do̱k Ye̱su̱ nogo ne, “Kuwa anna, orongnyang atin, iróng amudannang, a̱da̱knnu̱ atin mu̱nye̱ne̱ cuggo̱k, imma nginti kokkoye anna, iróng niga a̱vvu̱nnu̱ rok.”

Kaviyak wak Abunna Ta̱mu̱ta̱dde̱no̱ eher Joni 8:24

Ku̱du̱wa̱u̱ng anna i̱ge̱ta̱ ka̱nne̱kku̱ng ne, a̱da̱knnu̱ atin mu̱nye̱ne̱ cuggo̱k. Ming iróng a̱tu̱yya̱ng annit, a̱da̱knnu̱ atin mu̱nye̱ne̱ cuggo̱k.”

Buk wa To̱ni̱a̱u̱ 13:46

O̱bo̱dde̱k zin bo̱do̱k Pa̱u̱lo̱ ki Barnabas mazeta: Korongnya arrak naga ku̱du̱ktta̱u̱ng i̱ge̱t zoz ci Ta̱mu̱ta̱dde̱no̱. Ma i̱yo̱ko̱ ming aburnnu ko̱, i̱ye̱la̱ zoz necu azi ne, iróng niga orongnyu baiz wa aave udut, kovvo zin naga kuwaheka ol cik iróng e̱e̱ggi̱n Ya̱u̱d.