“Imma baling ovvo nege uuta maal dukana, i̱ki̱ya̱ zin rucaiti. Oot zin dooli balik e̱re̱ye̱ nginati ke̱ i̱tto̱zzo̱ ki nonno ce̱e̱z ci a̱ru̱we̱ ol eezen. Kar zin tatug kunyuge.
Ka̱nne̱kku̱ng ne, a̱vvu̱ atin ol cik meelek o̱to̱ne̱ ci je̱e̱ni̱ ki nyigja, ovvo atin nege adak kwo̱o̱r ozol ki ciko Aburaham ki I̱sa̱ko̱ ki Ya̱ko̱bo̱ ba̱a̱li̱nte̱ ci ta̱mu̱-kengo.
Abunna atin ngati du̱cca̱k cik okko ddi̱ki̱ryo̱i̱ti̱ amuda nogo ming acine ebekce ming okko enne a̱kku̱. Ka̱du̱wa̱kku̱ng anna zoz ci een de̱de̱, aimiz atin enne ele cinne kar ki̱li̱ngli̱ng, okko atin enne aanyik nogo kadakto ki nonno nga̱to̱de̱ kar atin enne ki̱ti̱ri̱z nogo.
kar atin niga wo̱ye̱ adakku da̱i̱ne̱t bak audenu ngati kaave anna ba̱a̱li̱nte̱ cinanni kar a̱vvu̱t lecerete, ettedu lo̱ki̱ko̱ ci booryyok cik Israilo e̱e̱ggi̱n omoto ki rama.
A̱nne̱ka̱ zin anjilo ci Ta̱mu̱ta̱dde̱no̱ annit ne: “Teher zoz cu: ‘A̱mu̱yu̱k Ta̱mu̱ta̱dde̱n ol ne̱k aawak enne rucenet ci a̱ddi̱ki̱re̱ Nyoono!’” Kar bo̱do̱k enne kotorek, “E̱e̱ggi̱n ne̱ko̱ zo̱zzo̱k cik Ta̱mu̱ta̱dde̱no̱ de̱de̱.”