Lu̱ka̱ 13:34 - Tennet

³⁴ “Olli Jerusalemi, olli Jerusalemi, niga ol wak i̱di̱tta̱ a̱ri̱tto̱k cik zoz ci Ta̱mu̱ta̱dde̱no̱, kar kovoccit biyene ol wak i̱tto̱na̱kku̱ng Ta̱mu̱ta̱dde̱n i̱ge̱ta̱, korongi gon anna kuluta dooli ciggo̱k ngi̱nto̱de̱, ki ming alutak tuulici jooro ṯaaba ciginnek, abarik niga aburnnu!

Lu̱ka̱ 13:34 ပူးပေါင်းရင်းမြစ်များ

Ma̱te̱yo̱ 22:3

I̱tto̱n alaani du̱cca̱k ciginnek abunna ovvo awa ol balik u̱du̱wa̱k enne nogo ke̱, ubunntta da̱i̱ne̱t. Utuburet zin ol ne̱ke̱, iróng ngen a̱vvu̱.

Ma̱te̱yo̱ 22:6

A̱gga̱mi̱t zin ol ne̱ke̱ uggak du̱cca̱k kar kodomit nogo bak a̱ru̱k ka̱da̱i̱to̱.

Lu̱ka̱ 15:28

“Utubur zin gotoniya wa a̱ddi̱ki̱re̱ nong kar kutubur ki̱tto̱ ce̱e̱z. Kar baatinne kuk reena kuk kilalek nonno.

Lu̱ka̱ 19:44

Orocekung atin nege i̱ge̱ta̱ ki dooli do̱o̱k di̱la̱twa̱ cuggo̱k ecito. Iróng atin nege ungnek bee co̱de̱ ka̱vvu̱ o̱o̱we̱ ci gononi, eci iróng niga ba̱li̱ye̱ elemnyyu i̱i̱te̱n ci a̱kku̱na̱kku̱ng Ta̱mu̱ta̱dde̱n i̱ge̱ta̱.”

Lu̱ka̱ 23:28

Ukce Ye̱su̱ kar kizek nogo ne, “Buuwecci cik Jerusalemo, ma a̱lu̱ya̱ng annita; u̱tu̱lu̱z e̱le̱tti̱ ciggo̱k ki dooli ciggo̱k.

Buk wa To̱ni̱a̱u̱ 7:52

Anyak de̱de̱ da̱ a̱ri̱to̱i̱t ci ngen ji̱ji̱tu̱ggo̱k ki̱gi̱de̱t? U̱ru̱we̱t abarik nege a̱ri̱tto̱k wak a̱du̱wa̱ zoz ci a̱kku̱nne̱ E̱e̱ti̱ wa Abunna O̱de̱ ṯok. I̱yo̱ko̱ zin adayau niga nonno kar bo̱do̱k u̱ru̱we̱t nonno ka̱da̱k,

Buk wa To̱ni̱a̱u̱ 7:59

Baling ovvocit nege Stephen, alawo zin enne, azi ne, “Manyi Ye̱su̱, bite vongiz cinanni.”

Buk wa To̱ni̱a̱u̱ 8:1

Aave bali Sauli nginati, kar kelema zoz ci a̱ru̱we̱ ol Stephen ka̱da̱k. Imma i̱i̱te̱ne̱ neci ize gi̱de̱ne̱t a̱ppwa̱ ke̱le̱ci̱e̱ ci aave Jerusalema, azzante zin ol do̱o̱k lo̱o̱ce̱ ci Ju̱de̱ya̱ ki Samariya, kize to̱ni̱a̱k do̱ cik ngen aavtte.

O̱no̱zzo̱k 11:8

Ovvo atin e̱le̱tti̱ cigge̱k i̱pa̱rye̱ go̱o̱le̱ ci orog ci a̱ddi̱ki̱re̱, ci imek ol Sodom ki Masir, nginti bali bo̱do̱k ododike ol Manyi cinne̱ng ta̱la̱ke̱c.

Buk ci ozoz zoz ci ngaa ci een Ruz 2:12

Anyik bai Manyi Ta̱mu̱ta̱dde̱n keelawi kaale cik u̱tu̱gu̱ i̱nna̱ ko̱. Anyik Manyi Ta̱mu̱ta̱dde̱n ci Israilo ka̱ma̱yu̱wi̱n eci i̱nna̱ i̱ki̱ya̱u̱ nonno kar kuzutin.”