Lu̱ka̱ 13:29 - Tennet

²⁹ A̱vvu̱ zin atin ol o̱ro̱gjo̱we̱ cik lo̱o̱tu̱ ko̱ veelek, kar karakta ngintinne̱ng kwo̱o̱re̱ ci aave ba̱a̱li̱nte̱ ci Ta̱mu̱ta̱dde̱no̱.

Lu̱ka̱ 13:29 ပူးပေါင်းရင်းမြစ်များ

Kananet 28:14

Ovvo atin dooli cigunnek atubo ki azac ci lo̱o̱tu̱, azawonik atin dooli cigunnek lo̱o̱cco̱k cik aavtte nyigja ki je̱e̱na̱, ki bo̱do̱k i̱do̱wa̱ ki i̱do̱li̱ya̱. Ovvo olli lo̱o̱tu̱ do̱o̱k amuda ma̱yu̱we̱ne̱t ngatunne ki dooli cigunnek.

Ma̱te̱yo̱ 8:11

Ka̱nne̱kku̱ng ne, a̱vvu̱ atin ol cik meelek o̱to̱ne̱ ci je̱e̱ni̱ ki nyigja, ovvo atin nege adak kwo̱o̱r ozol ki ciko Aburaham ki I̱sa̱ko̱ ki Ya̱ko̱bo̱ ba̱a̱li̱nte̱ ci ta̱mu̱-kengo.

Marko 13:27

Kar enne ki̱tto̱n anjilonya ciginnek ku̱lu̱tta̱ ol balik atahala Ta̱mu̱ta̱dde̱n lo̱o̱co̱we̱ do̱o̱k, ngati aṯurneke looci kuk rok nginti aṯurneke ta̱mu̱-kengi.

Lu̱ka̱ 13:30

De̱de̱, anyak ol cik e̱e̱ggi̱n vu̱rrti̱ ovvo atin nege e̱e̱ggi̱n o̱o̱tti̱, kar cik e̱e̱ggi̱n o̱o̱tti̱ ovvo atin nege e̱e̱ggi̱n vu̱rrti̱.”

Buk wa To̱ni̱a̱u̱ 28:28

“I̱yo̱ko̱ zin korongi anna ku̱du̱wa̱u̱ng i̱ge̱t a̱gga̱c uk ti̱ri̱ze̱ne̱t ngati ol cik iróng e̱e̱ggi̱n Ya̱u̱d, ovvo atin nege aziye!”

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.