Lu̱ka̱ 12:20 - Tennet

²⁰ “Ma̱i̱je̱ Ta̱mu̱ta̱dde̱n a̱nne̱k nonno ne, ‘I̱nna̱ tarbaloiti! Okko ba̱a̱li̱n cu rugeti cunne a̱zze̱ ngatunne. Ngene zin ci atin amuda kaal balik adimanek i̱nna̱ ele cunne ko̱?’

Lu̱ka̱ 12:20 ပူးပေါင်းရင်းမြစ်များ

Lu̱ka̱ 11:40

E̱e̱ggi̱nnu̱ niga ol cik alitannung zoz! Amire ki e̱e̱t ci adiman uduc eci bo̱i̱co̱ ko̱ ci adiman bo̱do̱k ecito ko̱?

1 Te̱se̱lo̱ni̱ka̱ 5:3

I̱nna̱ atin wazini neci ngati aniwe ol ne, “Aave looci labak, i̱llo̱i̱ jo̱o̱re̱.” Kar zin li̱be̱ne̱t ci edeze Ta̱mu̱ta̱dde̱n lo̱o̱c ki̱tta̱ niko! Obokket ki u̱u̱ce̱zi̱ ci obok ngaa ci orong uukcai ki̱zze̱c rok ol cik a̱vi̱ri̱.

1 Ti̱mo̱te̱yo̱ 6:17

Ti̱lo̱ ol wak e̱e̱ggi̱n bo̱to̱ro̱ lo̱o̱ta̱ ko̱, gerza ming aarik zi̱nze̱tti̱ kaal ne̱k anyak nege ke̱. Abarik du̱wa̱k nogo kartik zi̱nze̱tti̱ Ta̱mu̱ta̱dde̱n wa een bo̱to̱ro̱c aanyyet kaal do̱o̱k kar naga katalte baiz.

1 Ti̱mo̱te̱yo̱ 6:7

Ka̱ri̱ta̱i̱ naga lo̱o̱c cu ollin, i̱llo̱i̱ gi̱i̱ ci kanyaha. Ka̱da̱i̱ atin bo̱do̱k ollin, i̱llo̱i̱ gi̱i̱ ci kovvoye bu̱k.

Je̱mi̱s 4:14

Nya, ming iróng niga bu̱k a̱gga̱yyu̱ gi̱i̱ ci a̱kku̱ loza. Nya ci een ruget cunno̱ng? Ogonnu niga kiwagon i̱do̱ye̱ ci a̱kku̱ do̱yo̱i̱t kar ki̱zzi̱ dakdak.