Lu̱ka̱ 12:19 - Tennet

¹⁹ Kar atin anna kizek ele cinanni ne, “Anyai i̱nna̱ kaal cik abunna meelek giir eleno ki e̱rki̱nya̱ cik meelek. A̱vvu̱ labak baiza; daho, uude kar talo.”’

Lu̱ka̱ 12:19 ပူးပေါင်းရင်းမြစ်များ

Lu̱ka̱ 12:18

“Kar enne kize ne, ‘Icu gi̱i̱ ci kar atin anna ku̱tu̱gu̱. Ka̱li̱bi̱ atin anna de̱he̱rwa̱ cigannik kar kidiman u̱gge̱ cik a̱ddi̱ki̱re̱, kar atin nginati anna kaarik labi ki kaal cigannik do̱o̱k.

Lu̱ka̱ 16:19

“Anyak da̱ ba̱li̱ye̱ e̱e̱t imma ci een i̱to̱i̱t aburuc ru̱u̱m ci een lo̱ddi̱ng adak o̱ro̱bi̱ya̱ cik meelek, abak enne odohize baiz ci e̱e̱t ci een bo̱to̱ro̱c.

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

1 Ko̱ri̱nto̱ 15:32

Kamuda anna nya baling kirinya koyok olli Ephesus ogon ki elegje wak mootik ko̱ ngati kuwaheke zoz ci Ta̱mu̱ta̱dde̱no̱? Ming iróng ol balik a̱da̱i̱to̱ ko̱ ingazi daiza kuruget, “Kadakto bak kaude, eci loza kovvo naga daiza.”

Vilipia 3:19

Ovvo ol ne̱k iróng azikne ko̱ een baizi cinne̱ng li̱be̱ne̱t, irez nege ke̱ngti̱ cigge̱k, odong abarik e̱le̱tti̱ ci iróng adak a̱li̱ya̱ni̱ nogo, i̱no̱n nege kaal cik lo̱o̱c cu do̱ niko.

1 Ti̱mo̱te̱yo̱ 5:6

Imma ngaa ci boye aminye ele cinne, ogon ki ci a̱da̱ha̱ ming ngen aruge nu̱nu̱n.

1 Ti̱mo̱te̱yo̱ 6:17

Ti̱lo̱ ol wak e̱e̱ggi̱n bo̱to̱ro̱ lo̱o̱ta̱ ko̱, gerza ming aarik zi̱nze̱tti̱ kaal ne̱k anyak nege ke̱. Abarik du̱wa̱k nogo kartik zi̱nze̱tti̱ Ta̱mu̱ta̱dde̱n wa een bo̱to̱ro̱c aanyyet kaal do̱o̱k kar naga katalte baiz.

2 Ti̱mo̱te̱yo̱ 3:4

Ovolonge atin nege gonoggi, kar zin ku̱tu̱gu̱zzo̱ kaal cik e̱e̱ggi̱n darace, odong e̱le̱tti̱. Irez kaal cik lo̱o̱tu̱, abarik uunge Ta̱mu̱ta̱dde̱n.

Je̱mi̱s 5:5

Abakttu niga lo̱o̱ta̱ ngatu baiz ci adakkung botorzet kar a̱gga̱c e̱le̱tti̱ cuggo̱k do̱ niko. I̱di̱ktu̱ zin u̱tu̱gu̱zzu̱ kiwagon tiina wak ovvo ol otodongi.

1 Peturu 4:3

Abakttu niga lo̱o̱ta̱ ngatu oroot, ogonnu ki ol wak iróng a̱gga̱ Ta̱mu̱ta̱dde̱n, ogonnu kaal cik gerzek amin zi̱nze̱tti̱ ciggo̱k, e̱e̱ggi̱nnu̱ a̱li̱ya̱k, e̱e̱ggi̱nnu̱ bba̱kco̱k, ogonnu bo̱do̱k to̱do̱yyo̱k kize ta̱mu̱ta̱dde̱ne̱t.

O̱no̱zzo̱k 18:7

Aanycik nonno pirnanet ci a̱ppwe̱ ki matiz ki baling aanyik enne ele cinne di̱ngdi̱ngo̱n ki botorzet. Imma zinine cinne odong enne ele, ‘Kaave anna kize alaan; iróng anna ke̱e̱ni̱ ngaa ci boye, kar iróng atin anna ka̱lu̱ u̱lu̱wa̱.’