Lu̱ka̱ 12:15 - Tennet

¹⁵ Kar enne kizek nogo ne, “Icinnet ju̱rru̱m! U̱zu̱tte̱ e̱le̱tti̱ ciggo̱k kar abunna iróng niga anyakku zi̱nze̱tti̱ cik a̱ppi̱nte̱k; riil rugeti ci e̱e̱t ci diiri kommog kaal cik meelek.”

Lu̱ka̱ 12:15 ပူးပေါင်းရင်းမြစ်များ

Marko 7:22

elem ci a̱ppwe̱, marnonet ol, lu̱te̱ne̱t ol, dominet, ṯeel, ruwenet ki donginet ele ki tarbalzet.

Lu̱ka̱ 12:16

Kar zin enne ku̱du̱wa̱ tubzenet cu: “Anyak ma̱na̱ ci e̱e̱t imma ci een jaitot a̱bbi̱re̱ oroot.

Lu̱ka̱ 16:14

Baling iziyyet ol cik een Varacis wak gon irez o̱ro̱bi̱ya̱ oroot ko̱ zoz neci, kar zin nege kangarunyanit ngu̱mti̱ ngati Ye̱su̱.

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

Lu̱ka̱ 8:14

Imma i̱nyo̱mo̱na̱ ne̱k i̱i̱na̱k biila ko̱, atubo ki ol wak aziye zoz ci Ta̱mu̱ta̱dde̱no̱ kar ming ovvo nege ovvo gool cinne̱ng, adal nogo no̱ngi̱tto̱na̱ cik baizo, i̱tto̱kze̱t ki zoz ci adahe ol botorzet, iróng nege ngen anyaha o̱ya̱u̱ cik abunna.

1 Ko̱ri̱nto̱ 6:10

icima ol cik een ogoryak, icima ol cik anyak zi̱nze̱tti̱ cik a̱ppi̱nte̱k kaale cik ollu, icima bba̱kco̱k, icima ol wak akati gonoggi volonga, ki ol wak adawa gonoggi lo̱o̱ta̱, iróng nege do̱o̱k amuda ba̱a̱li̱ne̱t ci Ta̱mu̱ta̱dde̱no̱.

Kolosiya 3:5

Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.

2 Ti̱mo̱te̱yo̱ 3:2

Orong atin ol kaal do̱o̱k kizeto cigge̱k, kar bo̱do̱k kirezit o̱ro̱bi̱ya̱, a̱ppi̱k atin ol e̱le̱tti̱, odom ol e̱le̱tti̱ oroot, ogon kaal cik gerzek i̱ba̱ti̱ne̱, iróng ol ngen o̱ngo̱o̱le̱ be̱e̱ti̱gge̱k ki e̱e̱ti̱gge̱k. Iróng anyik ol zany icima o̱ngo̱o̱le̱ Ta̱mu̱ta̱dde̱n, abak baiz ci gerze.

I̱bu̱ru̱ 13:5

Ma amanikku o̱ro̱bi̱ya̱ cik ollu, e̱le̱zzo̱ ki cik aanyai i̱nna̱ ko̱. Eci ize Ta̱mu̱ta̱dde̱n ne, “Iróng atin anna ko̱do̱te̱kku̱ng i̱ge̱t lo̱o̱c, iróng atin anna kungnekkung lo̱o̱c.”

2 Peturu 2:14

I̱no̱n nege zoz ci gerze orongit kimice ngaai, ovvo ngaai orong ol cik macik. Orong ku̱lu̱ta̱ ol cik amuje o̱o̱tti̱. Abbize zi̱nze̱tti̱ cigge̱k gerziten do̱ niko.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.