Lu̱ka̱ 11:9 - Tennet

⁹ “Kar zin anna ka̱nne̱kku̱ng ne: I̱jji̱nne̱t kar atin kanyoziung; orongit, ovvo atin niga amudannu; oṯokṯowanit tatug, okko atin o̱o̱ye̱ ngatinno̱ng.

Lu̱ka̱ 11:9 ပူးပေါင်းရင်းမြစ်များ

Ma̱te̱yo̱ 21:22

Ming elemnyyu niga, a̱a̱nyu̱ng atin Ta̱mu̱ta̱dde̱n kaal cik a̱jji̱na̱nu̱ niga lawinta.”

Ma̱te̱yo̱ 21:31

I̱jji̱n Ye̱su̱ nogo, azi ne, “I̱yo̱ko̱ zin, do̱le̱c jang ci ogon zoz ci a̱du̱wa̱ baatinne?” O̱bo̱dde̱k zin nege, “Do̱le̱c wa oowu.” Oobek zin Ye̱su̱ nogo ungec ci zozo: Azi ne, “Ka̱du̱wa̱kku̱ng zoz ci een de̱de̱, i̱i̱zo̱ atin ol wak a̱gga̱ma̱ ol mucuru o̱ro̱gjo̱we̱ ki a̱li̱ya̱k, ba̱a̱li̱ne̱t ci Ta̱mu̱ta̱dde̱no̱ o̱o̱we̱ cunno̱ng.

Ma̱te̱yo̱ 6:29

Ja zin ku̱du̱wa̱u̱ng, iróng alaani Solomoni aime ki̱zi̱zi̱ alaanzete cinne do̱o̱k ki i̱yo̱ko̱.

Marko 11:24

I̱yo̱ko̱ zin, ka̱du̱wa̱kku̱ng, ming a̱jji̱nni̱ Ta̱mu̱ta̱dde̱n gi̱i̱ lawinta, abunna ming elemna, umuda i̱nna̱ gi̱i̱ neci, een atin gi̱i̱ neci cunne.

Marko 13:37

Nya ci ka̱du̱wa̱kku̱ng anna i̱ge̱ta̱, ka̱du̱wa̱k ol do̱o̱k: ‘U̱zu̱tte̱ e̱le̱tti̱!’”

Lu̱ka̱ 11:10

Eci ming a̱jji̱nne̱ e̱e̱ti̱ imma, anyonik nonno; okko e̱e̱ti̱ ci orongi, amuda; kar e̱e̱ti̱ ci oṯokṯowan tatug, okko tatug o̱o̱ye̱.

Kaviyak wak Abunna Ta̱mu̱ta̱dde̱no̱ eher Joni 14:13

Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 15:16

Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 15:7

Ming karume ko̱do̱ye̱ kar zin niga u̱zu̱tte̱ zoz cinanni, i̱jji̱nne̱t gi̱i̱ ci ette orongnyu niga kar Ta̱mu̱ta̱dde̱n ka̱a̱nyu̱ng.

Kaviyak wak Abunna Ta̱mu̱ta̱dde̱no̱ eher Joni 4:10

O̱bo̱de̱k zin Ye̱su̱ nonno, izek ne, “Ming aanyi gi̱i̱ gga̱ mucenet ci Ta̱mu̱ta̱dde̱no̱ ki e̱e̱t ci a̱jji̱nni̱ maam ko̱, a̱jji̱nni̱ wo̱ye̱ i̱nna̱ nonno kar kaanyi maam cik rugeto.”

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

2 Ko̱ri̱nto̱ 6:2

Azi Ta̱mu̱ta̱dde̱n ba̱li̱ye̱ Warage cinne ne, “Baling i̱ki̱ya̱ i̱i̱te̱ni̱ ci keelannung, kiziwung de̱de̱, imma i̱i̱te̱ne̱ ci ti̱ri̱ze̱nto̱, keelaung.” Ka̱du̱wa̱kku̱ng, i̱yo̱ko̱ een i̱i̱te̱n ci eelanne Ta̱mu̱ta̱dde̱n ol, een i̱i̱te̱ni̱ necu i̱yo̱ko̱ ci ti̱ri̱ze̱nto̱.

I̱bu̱ru̱ 11:6

Iróng wo̱ye̱ Ta̱mu̱ta̱dde̱n irez e̱e̱t ci diiri ming iróng elemi zoz cinne. Ming orong e̱e̱ti̱ a̱kku̱nna̱k Ta̱mu̱ta̱dde̱n, abunna ming elemi kar ka̱gga̱ aave Manyi to, kar zin Ta̱mu̱ta̱dde̱n kumuc e̱e̱t eci oronge nonno de̱de̱.

I̱bu̱ru̱ 4:16

Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

Je̱mi̱s 1:5

Ming anyak e̱e̱t imma ngatinno̱ng ci iróng anyak genyiz, anyik nonno ki̱jji̱n Ta̱mu̱ta̱dde̱n wa i̱i̱rke̱, aanyik enne ol do̱o̱k genyiz ci iróng enne bu̱k a̱jji̱nni̱ i̱nne̱t ming a̱jji̱nni̱ i̱nna̱ nonno.

Je̱mi̱s 5:15

Eci lawinet ci alaye tu̱we̱nta̱ ko̱, aanyik atin e̱e̱t ci omori kubunna; eela atin Manyi nonno kitinga moriza. Ming anyak enne da̱ mu̱nye̱n, alalnek atin Manyi nonno.

1 Jon 3:22

kar kurubta kaal do̱o̱k cik ka̱jji̱n naga ngatinne, eci naga kazunne lo̱ti̱nno̱k ciginnek kar ku̱tu̱gu̱z kaal cik orong enne.

O̱no̱zzo̱k 2:24

I̱yo̱ko̱ ka̱du̱wa̱kku̱ng, niga ol ne̱k aavtte Thyatira ko̱, niga ol wak iróng a̱gga̱m de̱mzi̱ne̱t ci ngaa ci aanyik ele kize a̱ri̱to̱i̱t ko̱, kar bo̱do̱k iróng niga a̱gga̱mnyu̱ kaal cik Sitano, iróng atin anna kedezzung.