Lu̱ka̱ 11:32 - Tennet

³² Abile atin olli Nineveh je̱e̱na̱ ming okko Ta̱mu̱ta̱dde̱n ettedik bu̱u̱l cu lo̱ki̱ko̱ kar kegerenycek bu̱u̱l cu; eci nege utungtek ba̱ci̱nno̱k cigge̱k lo̱o̱c baling uwahek Jonah nogo kaviyak ke̱, kar i̱yo̱ko̱ a̱vvu̱ e̱e̱ti̱ ci ommog Jonah ngatu.

Lu̱ka̱ 11:32 ပူးပေါင်းရင်းမြစ်များ

Jonah 3:4

Okko i̱i̱te̱ne̱ ci een oo, akate Jonah uwahek ol cik Nineveh zoz ci Ta̱mu̱ta̱dde̱no̱, azi ne, “Eeh! Olli Nineveh, i̱i̱nya̱we̱ cik een moten we̱c ko̱, adittai atin ol ne pid!”

Jonah 3:5

Elemtta ol cik Nineveh zoz ci Ta̱mu̱ta̱dde̱no̱. Kar zin ol do̱o̱k ki̱ya̱yo̱, olle cik a̱ddi̱ki̱re̱ rok cikidik kar ki̱ye̱lta̱ gerziten cinne̱ng. I̱ti̱i̱me̱t nege aburkece cik matizak.

Jonah 4:9

Ma̱i̱je̱ Ta̱mu̱ta̱dde̱n iizek Jonah ne, “Ngene ci aanyi moze zo̱ze̱ ci keet cu ko̱?” Azi Jonah ne, “Annita, komoze anna oroot korongi abarik ka̱da̱u̱.”

Ma̱te̱yo̱ 12:39

O̱bo̱de̱k zin Ye̱su̱ nogo, a̱nne̱k ne, “A̱jji̱n ol wak mu̱nye̱nu̱ ming kogonni anna kaal cik a̱vu̱la̱! I̱llo̱i̱ atin gi̱i̱ imma ci ki̱ye̱le̱ke̱ nogo kize gi̱i̱ ci ogon a̱ri̱to̱i̱ti̱ ci een Jonah do̱ niko.

Ma̱te̱yo̱ 12:41

Ma zin atin i̱i̱te̱ne̱ ci okko Ta̱mu̱ta̱dde̱n ettedik ol lo̱ki̱ko̱ ke̱, ovvo zin atin ol cik een Nineveh abile lo̱ki̱ka̱ ki bu̱u̱l necu, eci ol wak Nineveh utungtek ba̱ci̱nno̱k lo̱o̱c zo̱ze̱ bali uwahek Jonah nogo ke̱. Een zin bali Jonah e̱e̱t ci riili, aave zin e̱e̱ti̱ ci riili oroot kommog Jonah ngatu.

Lu̱ka̱ 11:31

Ingazi atin alaani ci nga̱a̱ye̱ a̱kku̱ I̱do̱li̱ya̱ ko̱ lo̱ki̱ka̱ ki ol cik bu̱u̱l cu kar kettedek nogo ba̱ci̱; eci bali enne a̱kku̱ ngati aṯurneke looci ki̱ki̱ya̱ kizik genyiz ci Solomoni, kar zin i̱yo̱ko̱ a̱vvu̱ e̱e̱ti̱ ci ommog Solomon ngatu.

I̱bu̱ru̱ 7:26

Een Ye̱su̱ alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ci korong naga. A̱li̱le̱ enne iróng anyak ba̱ci̱ kar kize voor zinin, aave enne do̱ ngati e̱e̱t ci diiri mu̱nye̱nu̱. Irez Ta̱mu̱ta̱dde̱n nonno kize alaan ci a̱ddi̱ki̱re̱ wawaco ci ommog kaal do̱o̱k, aave ta̱mu̱-kenga.