Lu̱ka̱ 11:15 - Tennet

¹⁵ Ma̱i̱je̱ ol uggak ngatinne̱ng izeto ne, “Ottok enne kuulo zare cik Beelzebub alaan ci kuulou.”

Lu̱ka̱ 11:15 ပူးပေါင်းရင်းမြစ်များ

Ma̱te̱yo̱ 10:25

Ovvo zin atin demezyaha icima nuyaha wak edemez ol ko̱ ogon ki de̱me̱zo̱i̱ti̱. Ovvo bo̱do̱k du̱cca̱ha̱ ogon ki ddi̱ki̱ryo̱i̱ti̱. Ming a̱nne̱k ol manyi ce̱e̱z ne Beelzebub, a̱nne̱k wo̱ye̱ olli ce̱e̱z cinne do̱o̱k ne?

Ma̱te̱yo̱ 12:22

Imma i̱i̱te̱n imma anyakttak ol Ye̱su̱ e̱e̱t ci anyak kuulo cik lo̱rye̱nta̱k kar bo̱do̱k kize ru̱be̱n, adite iina, angaru zin Ye̱su̱ nonno, kar enne kicine bak ozozi.

Ma̱te̱yo̱ 4:24

Imma nginatu, uzuca zoz ci angaruwe Ye̱su̱ ol ko̱, lo̱o̱c ci ol wak iróng een Ya̱u̱d, Syria, anyakttak zin ol nonno ol wak anyak mo̱ri̱zzo̱k cik aavtte do̱ do̱. Anyak ol cik omori mo̱ri̱zzo̱k cik a̱u̱ce̱ oroot, ma̱i̱je̱ uggak anyak kuulo cik lo̱rye̱nta̱k, omori uggak lohunuhunu, anyak u̱gge̱ bu̱k cik nganynganyik zoona, anyahak ol do̱o̱k Ye̱su̱, kar enne kangaru nogo.

Ma̱te̱yo̱ 9:34

Imma olli Varacisi izeto ne, “Ottok Ye̱su̱ kuulo cik lo̱rye̱nta̱k katkatone ci alaan ci kuulou.”

Kaviyak wak Abunna Ta̱mu̱ta̱dde̱no̱ eher Joni 10:20

Izeto ol cik meelek ngatinne̱ng ne, “Anyak e̱e̱ti̱ necu kuuloc ci lo̱rye̱nto̱, kar bo̱do̱k kadak ngamoni. Ma bai aziknnu zoz cinne ke̱.”

Kaviyak wak Abunna Ta̱mu̱ta̱dde̱no̱ eher Joni 7:20

O̱bo̱dde̱k zin koole ne̱ke̱ nonno, a̱nne̱k ne, “Anyai i̱nna̱ kuulo cik lo̱rye̱nta̱k, ngene ci orong ku̱ru̱wi̱n?”

Kaviyak wak Abunna Ta̱mu̱ta̱dde̱no̱ eher Joni 8:48

Izettek zin ol cik een Ya̱u̱d ko̱ nonno ne, “Kabbacca naga ming ka̱du̱wa̱nna̱ zoz ci azi ne e̱e̱ni̱ i̱nna̱ i̱do̱nge̱ni̱t ci ol cik een Samariya, kar bo̱do̱k nyak kuuloc ci lo̱rye̱nto̱?”

Kaviyak wak Abunna Ta̱mu̱ta̱dde̱no̱ eher Joni 8:52

Baling iziyyet ol cik e̱e̱ggi̱n Ya̱u̱d zoz neci a̱du̱wa̱ Ye̱su̱ ke̱, u̱ku̱lte̱k je̱e̱n, kar zin kizettek nonno ne, “I̱yo̱ko̱, ka̱gga̱yi̱ niko ming anyai i̱nna̱ kuuloc ci lo̱rye̱nto̱! A̱da̱i̱to̱ ba̱li̱ye̱ ciko Aburaham ki a̱ri̱tto̱k wak zoz ci Ta̱mu̱ta̱dde̱no̱, kar zin abarik i̱nna̱ azi ne ‘Ming azunne e̱e̱ti̱ zoz cunne, iróng atin atari daiz udut?’