Lu̱ka̱ 10:28 - Tennet

²⁸ Ize zin Ye̱su̱ ne, “Abarizu i̱nna̱ ju̱rru̱m, tu̱gu̱ kaal ne̱ko̱ kar atin i̱nna̱ nyak ruget.”

Lu̱ka̱ 10:28 ပူးပေါင်းရင်းမြစ်များ

Ma̱te̱yo̱ 19:17

O̱bo̱de̱k zin Ye̱su̱ nonno, “Nya ming a̱jji̱nna̱ gi̱i̱ ci abunna ko̱? Anyak e̱e̱t Co̱de̱ ṯok ci abunna. Ming orong i̱nna̱ ruba baiz, to̱ngo̱o̱lle̱ lo̱ti̱nno̱k.”

Marko 12:34

Baling icin Ye̱su̱ e̱e̱t neci ming abarizek nonno zoz ci een de̱de̱, izek zin nonno ne, “Iróng i̱nna̱ e̱e̱ni̱ reen ba̱a̱li̱nte̱ ci Ta̱mu̱ta̱dde̱no̱.” Kar zin nginati, iróng e̱e̱ti̱ imma ngen orong ki̱jji̱n Ye̱su̱.

Lu̱ka̱ 7:43

O̱bo̱de̱k zin Si̱mo̱ne̱ nonno, “Ma wo̱ye̱ ming alalek enne e̱e̱t ci anyak nga̱bo̱lo̱ ci a̱ppwe̱ ko̱.” Ize zin Ye̱su̱ ne, “De̱de̱, ettedu i̱nna̱ ju̱rru̱m.”

Roma 10:4

Aṯurneke lo̱ti̱nno̱wa̱ baling i̱ki̱ya̱ Ki̱ri̱sto̱, kar ol do̱o̱k kurubta bunnat ci Ta̱mu̱ta̱dde̱no̱ eleme enne ol cik a̱tu̱we̱.

Roma 3:19

Ka̱gga̱yya̱ e̱he̱rye̱ lo̱ti̱nno̱wa̱ kar kozozik ol wak elemi ku̱zu̱tte̱. Kar ming ovvo lo̱ti̱nno̱wa̱ ettedik olli Ya̱u̱do̱ lo̱ki̱ko̱, ettedik atin Ta̱mu̱ta̱dde̱n ol do̱o̱k lo̱ki̱ko̱. I̱llo̱i̱ e̱e̱t co̱de̱ ṯok ci aliti.

Roma 7:10

Baling kokko kacinni niko, abarik lo̱ti̱nno̱wa̱ wak balik abunna weda kamudane ruget ke̱, anyaktta daiz.

Ga̱la̱ti̱a̱ 3:12

Iróng tu̱we̱ne̱t abile lo̱ti̱nno̱we̱ do̱, abarik azi ne, “Ming ogon e̱e̱ti̱ kaal ne̱ko̱, abak atin enne kaale ne̱ko̱.”