Lu̱ka̱ 10:17 - Tennet

¹⁷ O̱bo̱dda̱ zin ol balik een moten turgerem ki rama ko̱ talninta kar kizeto ne, “Manyi, o̱ngo̱o̱li̱nne̱t rok kuulo cik lo̱rye̱nta̱k agit ming kabungnya zar cigunnek!”

Lu̱ka̱ 10:17 ပူးပေါင်းရင်းမြစ်များ

Ma̱te̱yo̱ 4:24

Imma nginatu, uzuca zoz ci angaruwe Ye̱su̱ ol ko̱, lo̱o̱c ci ol wak iróng een Ya̱u̱d, Syria, anyakttak zin ol nonno ol wak anyak mo̱ri̱zzo̱k cik aavtte do̱ do̱. Anyak ol cik omori mo̱ri̱zzo̱k cik a̱u̱ce̱ oroot, ma̱i̱je̱ uggak anyak kuulo cik lo̱rye̱nta̱k, omori uggak lohunuhunu, anyak u̱gge̱ bu̱k cik nganynganyik zoona, anyahak ol do̱o̱k Ye̱su̱, kar enne kangaru nogo.

Marko 16:17

I̱ye̱la̱i̱ atin kaala ciko ngati ol wak elemna zoz cinne: Ottok atin nege kuulo cik lo̱rye̱nta̱k zare cigannik; ozoz atin nege zoz u̱tu̱ge̱tti̱ne̱ cik een jor aavtte do̱ do̱;

Lu̱ka̱ 10:1

Imma bali vu̱rrta̱, atahala zin Manyi nuyak u̱gge̱ moten turgerem ki rama kar ki̱tto̱n nogo kotozzo rama rama koot oowe cinne o̱ro̱gjo̱we̱ cik okko atin enne okkoye.

Lu̱ka̱ 10:20

Ma zin atalninnu zo̱ze̱ ci o̱ngo̱o̱li̱nnu̱ng kuulo i̱ge̱ta̱, abarik atalit zo̱ze̱ ci eteherte zara ciggo̱k ta̱mu̱-kenga.”

Lu̱ka̱ 10:9

Eelta ol cik omori aavtte nginati kar u̱du̱kta̱k izettek ne, ‘Ize ojon ba̱a̱li̱ne̱t ci Ta̱mu̱ta̱dde̱no̱ ngatinno̱ng.’

Lu̱ka̱ 9:1

Baling utu Ye̱su̱ to̱ni̱a̱k omoto ki rama ka̱vvu̱to̱ nga̱to̱de̱, aanyik zin enne nogo doiz ki katkaton kar kottoit kuulo cik lo̱rye̱nta̱k do̱o̱k kar kangaruwet ol mo̱ri̱zo̱we̱,

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

Evesos 5:24

Anyik ngaa kizik zoz ci e̱e̱t cinne arrak oowa odohize, ki i̱yo̱ko̱ ol wak a̱tu̱we̱ ming aziye zoz ci Ki̱ri̱sto̱ arrak oowa odohize.