Lu̱ge̱z 9:16 - Tennet

¹⁶ Abarik anna kidimani i̱nne̱t ize alaan kar doiz cinanni ki̱ye̱le̱i̱ kar ol ko̱to̱ngo̱o̱lte̱ya̱ annit lo̱o̱co̱we̱ do̱o̱k.

Lu̱ge̱z 9:16 ပူးပေါင်းရင်းမြစ်များ

Lu̱ge̱z 14:17

Kanyike atin anna o̱o̱tti̱ cik olli Masiro kokkomit kak kar kunuwet olli Israilo vu̱rrta̱. Kar atin zara cigannik ku̱bu̱lte̱ zo̱ze̱ ci alaan ci Masiro ki aciir ciginnek, ngati i̱zo̱we̱ liil ki vartange ki toromilet cigge̱k do̱o̱k.

Lu̱ge̱z 14:4

Kanyike atin anna oo ci alaano kokkom, kar atin enne kunu nogo. Kar atin anna kumuda gool ci a̱di̱ngdi̱nga̱na̱ ol zo̱ze̱ ci alaano ki aciir ciginnek, kar olli Masiro ka̱gga̱ ke̱e̱ni̱ anna de̱de̱ Ta̱mu̱ta̱dde̱n.” U̱tu̱gu̱zzo̱ zin olli Israilo zoz bali u̱du̱wa̱k Manyi nogo ke̱ kar zin ki̱ye̱be̱zi̱t ngin bali a̱du̱wa̱k Manyi nogo ke̱.

Lu̱ge̱z 18:11

I̱yo̱ko̱, ka̱gga̱ a̱ddi̱ki̱re̱ Manyi kommog ta̱mu̱ta̱dde̱ne̱t do̱o̱k, eci u̱tu̱gu̱we̱k enne zoz neci ol balik aminye olli Israilo.”

Lu̱ge̱z 9:15

Imma i̱yo̱ko̱ ki̱tto̱na̱ wo̱ye̱ anna zeret ci a̱ddi̱ki̱re̱ kar ki̱ti̱vi̱la̱u̱ng i̱nne̱t ki ol cigunnek lo̱o̱ce̱ cu veelek.

Lu̱ge̱z 9:17

Ngen i̱nna̱ odongi ele cunne aburi iróng orongi anyike olli Israilo ku̱lu̱ge̱t.

Roma 9:17

E̱he̱rye̱ Warage ci Ta̱mu̱ta̱dde̱no̱ zoz ci obod ki alaan ci Masiro, azi ne, “Kidimani anna i̱nne̱t ize alaan kar ki̱ye̱le̱i̱ doiz cinanni kar ol ko̱to̱ngo̱o̱lte̱ya̱ annit lo̱o̱co̱we̱ do̱o̱k.”

Roma 9:22

Orong Ta̱mu̱ta̱dde̱n ki̱ye̱la̱ mozinet ki doiz cinne ka̱gga̱we̱, ngati ol wak gerzek agano ki ru̱we̱ne̱t. Abarik enne alalnek ol ne̱ko̱ dee.

1 Peturu 2:19

A̱ma̱yu̱kku̱ng atin Ta̱mu̱ta̱dde̱n ming nu̱nu̱n a̱gi̱ddu̱ng ol gaganiko eci o̱ngo̱o̱li̱nnu̱ niga Ta̱mu̱ta̱dde̱n.

1 Peturu 2:8

Azi bo̱do̱k ne, “Een enne bee ci adir ol kamarmarit, bee ci aanyik nogo ku̱yu̱kte̱.” Alam bee nogo eci iróng nege o̱ngo̱o̱le̱ kaviyak cik Ta̱mu̱ta̱dde̱no̱ bali odola enne kize cinne̱ng.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.