Lu̱ge̱z 8:20 - Tennet

²⁰ A̱nne̱k zin Manyi Muses ne, “Tinga je̱e̱na̱ loza nge̱rre̱t ingani kar oot u̱ru̱mto̱ ki alaan ci Masiro go̱o̱le̱ ci okkoye enne liila, kar du̱wa̱k nonno zoz cu, ‘Icu zoz ci a̱du̱wa̱ Manyi: Anyik ol cigannik koot, kar atin koot nege kalayya annita.

Lu̱ge̱z 8:20 ပူးပေါင်းရင်းမြစ်များ

Lu̱ge̱z 2:5

Uk zin buweenyi alaan ci Masiro rok moro Naila raninet, imma ol wak ebek nonno ko̱ owo moro ti̱ti̱ma̱. Icin zin enne dho̱ngku̱ ci aave orgene ci tabarau kar zin enne ki̱tto̱n du̱ca̱i̱t wa nga̱a̱ye̱ kuk kanyaha dho̱ngku̱ neci.

Lu̱ge̱z 3:18

“Aziye atin lo̱ddi̱ki̱re̱ cik Israilo zoz cunne. Kar oot ngati alaan ci Masiro i̱nna̱ ki lo̱ddi̱ki̱re̱ do̱o̱k izektek nonno ne, ‘I̱ki̱ya̱k Manyi Ta̱mu̱ta̱dde̱n ci olli I̱bu̱ru̱ u̱ru̱mto̱ ki agita. Kotoz i̱i̱nya̱ i̱i̱yo̱ balala kar kapaktek wawa Manyi Ta̱mu̱ta̱dde̱n cinna.’

Lu̱ge̱z 4:23

kar anna ku̱du̱wa̱i̱n, “Anyik ngeranni kuk, kar enne atin kalawan.” Abarik i̱nna̱ a̱ju̱ra̱ne̱ iróng anyik nonno kuk; i̱yo̱ko̱ zin kokko atin anna ka̱ru̱i̱ a̱bu̱nya̱ cuggo̱k macik.’”

Lu̱ge̱z 5:1

Bali vu̱rrta̱ oot Musesi ki Aaron rok alaan ci Masiro kar kizettek ne, “Een necu zoz ci a̱du̱wa̱ Manyi, Ta̱mu̱ta̱dde̱n ci Israilo: ‘Anyik ol cigannik koot, kar zin atin kadait kwo̱o̱r cinanni balala.’”

Lu̱ge̱z 5:3

Izeto zin nege ne, “I̱ki̱ya̱ Manyi Ta̱mu̱ta̱dde̱n ci olli I̱bu̱ru̱ ku̱ru̱mto̱wa̱ ki agita. I̱yo̱ko̱ inyet keronta i̱i̱nya̱ i̱i̱yo̱ balala kar kapaktek wawa Manyi Ta̱mu̱ta̱dde̱n cinna. Ming iróng kogon niko, okko wo̱ye̱ atidic enne egerzanet zereta icima illawa.”

Lu̱ge̱z 7:15

Bit ngatinne nge̱rre̱t, ming okko enne okko mora. Rewo Nail ti̱ti̱ma̱ kar u̱ru̱mto̱ ki nonno, bite ki cool bali uukce kize uwat ke̱ bu̱k.

Lu̱ge̱z 8:1

A̱nne̱k zin bo̱do̱k Manyi Muses ne, “Bit ngati alaan ci Masiro, kar ize ne, ‘Icu zoz ci a̱du̱wa̱ Manyi: Anyik ol cigannik koot ku̱lu̱ge̱t lo̱o̱ce̱ cunne ko̱, kar atin nege kalayya annita.

Lu̱ge̱z 8:21

Ming iróng i̱nna̱ anyike ol cigannik ku̱lu̱ge̱t koot, ki̱tto̱na̱kku̱ng atin anna i̱ge̱t irong, i̱nne̱t ki ol cigunnek do̱o̱k. Abbize atin ce̱e̱zi̱ cik olli Masiro ironga do̱ niko rok lo̱o̱cco̱k do̱o̱k cik aavtte nege.

Lu̱ge̱z 9:13

A̱nne̱k zin Manyi Muses ne, “Tinga je̱e̱na̱ ingani nge̱rre̱t ri̱ri̱wo̱na̱, ditozik alaan ci Masiro kar izek nonno ne, ‘Icu zoz ci a̱du̱wa̱ Manyi, Ta̱mu̱ta̱dde̱n ci olli I̱bu̱ru̱: Anyik ol cigannik ku̱lu̱ge̱t koot, kar atin nege kalayya annita,