Lu̱ge̱z 7:4 - Tennet

⁴ iróng atin enne aziye zoz cunno̱ng. Ka̱du̱li̱ atin olli Masiro komize cinanni, kar kettedek nogo lo̱ki̱ko̱ oroot, kar zin ku̱lu̱ga̱i̱ ol cigannik Israilo Masira.

Lu̱ge̱z 7:4 ပူးပေါင်းရင်းမြစ်များ

Lu̱ge̱z 10:1

Iizek zin Manyi Muses ne, “Bit ngati alaan ci Masiro ki ol wak a̱li̱ngli̱ng ki nonno ko̱, eci kanyiya anna o̱o̱tti̱ cigge̱k kokkomit, kar atin anna ku̱tu̱gu̱ kaal cik a̱vu̱la̱ orgene cinne̱ng.

Lu̱ge̱z 11:9

Izek zin Manyi Muses ne, “Emena atin alaani iróng aziye zoz cunne, kar ku̱tu̱gu̱ kaal cik a̱vu̱la̱ a̱vi̱r ol bi̱ye̱ta̱ Masire.”

Lu̱ge̱z 12:51

Imma i̱i̱te̱n neci ele, aanyik zin Manyi olli Israilo ku̱lu̱ge̱t Masire ngati owoye nege booryowe.

Lu̱ge̱z 13:3

A̱nne̱k zin Musesi ol ne, “Abunna gon ming adakku kwo̱o̱r i̱i̱te̱ne̱ necu e̱rki̱ta̱, eci een i̱i̱te̱ni̱ bali iyowanu niga Masire lo̱o̱ce̱ bali a̱gi̱ddu̱ng ol kar izet du̱cca̱k ke̱, eci Manyi anyahaung komize cinne. Ma adakku da̱i̱ne̱t cik anyak nyigit cik meertak gon amukcari ko̱.

Lu̱ge̱z 13:9

Een neci kwo̱o̱r ci kadak e̱rki̱ta̱ u̱tu̱gu̱ ki baayenti ci aave azzine cuggo̱k ki bo̱do̱k ci aave o̱o̱tti̱ne̱ kize ti̱lo̱wi̱ne̱t ci Manyi u̱tu̱ge̱tti̱ne̱ cuggo̱k. Eci Ta̱mu̱ta̱dde̱n komize cinne anyahaung i̱ge̱t Masire.

Lu̱ge̱z 18:8

U̱du̱wa̱k zin Musesi i̱nyi̱k kaal cik ogonik Manyi alaan ki olli Masiro do̱o̱k zo̱ze̱ ci olli Israilo, ki pirnanet ci amuda olli Israilo goola ki eelannet ci eelanne Ta̱mu̱ta̱dde̱n nogo.

Lu̱ge̱z 3:19

Abarik ka̱gga̱ iróng alaani ci Masiro a̱a̱nyu̱ng u̱lu̱ge̱t ming ngen Manyi ki̱tto̱na̱ doiz cinne.

Lu̱ge̱z 3:20

Ki̱tto̱ni̱ atin a̱zzi̱t cinanni kar ku̱ru̱k olli Masiro kaale cik a̱vu̱la̱. Imma vu̱rrta̱ a̱a̱nyu̱ng atin enne i̱ge̱t gool.

Lu̱ge̱z 6:1

A̱nne̱k zin Manyi Muses ne, “I̱yo̱ko̱ okko atin i̱nna̱ acinni gi̱i̱ ci kogonik anna alaan ci Masiro: Eci komize cinanni, aanyik atin enne nogo koot; eci komize cinanni ottok atin enne nogo lo̱o̱ce̱ cinne.”

Lu̱ge̱z 6:26

Een Aaroni ki Muses ol balik a̱nne̱k Manyi nogo ne, “Aarta olli Israilo booryyok ki booryyok do̱o̱k lo̱o̱ce̱ ci Masiro.”

Lu̱ge̱z 6:6

“I̱yo̱ko̱ zin, du̱wa̱k olli Israilo: ‘Ke̱e̱ni̱ anna Manyi! Kaaranung atin anna komize cinanni piryanzetena ci anyikkung olli Masiro izet du̱cca̱k ko̱.

Lu̱ge̱z 7:13

Ngen zinin ci alaan ci Masiro odoi dee, kar iróng zin enne aziye zoz co Muses ki Aaron ki baling u̱du̱wa̱ Manyi ke̱.

Lu̱ge̱z 7:16

Kar izek nonno ne, ‘I̱tto̱na̱na̱ Manyi Ta̱mu̱ta̱dde̱n ci olli I̱bu̱ru̱ rok i̱nne̱ta̱ abunna ming kazi ne: Anyik ol cigannik ku̱lu̱ge̱t koot, kar abunna ovvo alaya annit balala. Abarik rok i̱yo̱ko̱ niko ko̱, iróng i̱nna̱ orongi zik zoz necu.

Lu̱ge̱z 8:15

Baling icin alaani ci Masiro a̱da̱i̱to̱ nyeelwana balik a̱bu̱ng lo̱o̱c ci Masiro ko̱ do̱o̱k, oto bo̱do̱k kodok oo ne kak, iróng ngen orong kizik zoz ci Musesi ki Aaron ki bali ming u̱du̱wa̱ Manyi ke̱.

Lu̱ge̱z 8:19

A̱nne̱k zin ngarreta alaan ci Masiro ne, “Ta̱mu̱ta̱dde̱n ci ogon zoz necu de̱de̱.” Imma zinin ci alaano ngen odoi niko, iróng enne azikne, ki ba̱li̱ye̱ u̱du̱wa̱ Manyi ke̱.

Lu̱ge̱z 9:12

Ma̱i̱je̱ Manyi aanyik zinin cinne kodok kak, iróng aziye zoz ci Musesi ki Aaron, ki bali u̱du̱wa̱k Manyi Muses ke̱.

Lu̱ge̱z 9:3

anyahak atin komizi ci Manyi zeret ci gerze kaal cuggo̱k boorete, vartange ki zi̱gi̱re̱, ki naganaganya, ki tiin, ki a̱zza̱, ki eeza.

O̱no̱zzo̱k 15:4

Ngene atin ci iróng o̱ngo̱o̱li̱nni̱ i̱nne̱ta̱, Manyi, kar kanyahak di̱ngdi̱ngo̱n zar cigunnek? Eci i̱nne̱t do̱ ci a̱li̱li̱. A̱vvu̱ atin ol lo̱o̱co̱we̱ do̱o̱k kar ki̱vi̱ta̱ ki̱di̱ngdi̱nga̱nti̱ i̱nne̱ta̱, eci ol do̱o̱k icinnet zoz cunne abunna ko̱.”

O̱no̱zzo̱k 16:7

Kar zin anna kizik muluk ci iyowa i̱te̱la̱ ming abariz zoz neci: “I̱i̱ny, Manyi, Ta̱mu̱ta̱dde̱n ci anyak Komiz do̱o̱k, een lo̱ki̱ko̱ cunne de̱de̱, ettedi i̱nna̱ zoz ju̱rru̱m.”

O̱no̱zzo̱k 19:2

eci te̱di̱ne̱t lo̱ki̱ko̱ cinne een zoz ci abunna kar bo̱do̱k kize de̱de̱. Edez enne ngaa ci een a̱li̱ya̱i̱t wa a̱ddi̱ki̱re̱ bali egerzan lo̱o̱c a̱li̱ya̱kze̱te̱ cinne. Acaca zin Ta̱mu̱ta̱dde̱n ngatinne bi̱ye̱ cik du̱cca̱k ciginnek balik a̱ru̱we̱ ke̱.”