Lu̱ge̱z 7:19 - Tennet

¹⁹ A̱nne̱k Manyi Muses ne, “Du̱wa̱k Aaron, ‘Dima cool cunne kar uuvek maam cik Masiro do̱o̱k, ki ca̱a̱ba̱ni̱, ki ṯuwani do̱o̱k, kar atin kutuhuye kizeto bi̱ye̱. Okko atin looci ci Masiro do̱o̱k een bi̱ye̱ rok maam cik aavtte i̱jjo̱nya̱i̱ ki uducene veelek.’”

Lu̱ge̱z 7:19 ပူးပေါင်းရင်းမြစ်များ

Kananet 1:10

Akatek zin Ta̱mu̱ta̱dde̱n ngin neci odoi ke̱ kize “lo̱o̱c,” kar maama ne̱k alute ke̱ kizeto “li̱i̱llo̱k cik a̱ddi̱ki̱re̱.” Kar Ta̱mu̱ta̱dde̱n kicin niko ming abunna.

Lu̱ge̱z 10:12

Kar Manyi kizek Muses ne, “Dong a̱zzi̱t cunne uuv lo̱o̱c ci Masiro kar torak giroc ki̱vi̱ta̱ kadait labi balik anyigza ta̱mu̱ ke̱.”

Lu̱ge̱z 10:21

A̱nne̱k zin Manyi Muses ne, “Dong keet waunne ko̱ kar uuvek ta̱mu̱-keng kar atin mu̱hu̱ri̱ kiddera lo̱o̱c ci Masiro do̱o̱k, a̱ri̱re̱ mu̱hu̱ri̱ neci oroot.”

Lu̱ge̱z 14:16

Dong cool wainne anyai a̱tta̱ ko̱, ru̱k maam kar kengerto maama orgena, kodok nyatapari ne kak, kar olli Israilo kettedit nyatapar koot ti̱ti̱me̱ co̱de̱ ke̱.

Lu̱ge̱z 14:21

Odong zin Musesi keet cinne anyak a̱tta̱ ko̱ kuvek nyatapar, anyaha zin Manyi ngoot ci a̱ppwe̱ o̱to̱ne̱ ci je̱e̱ni̱ ku̱vu̱wa̱no̱ kaal, kar nyatapari kodok niko orgena, engerto maama.

Lu̱ge̱z 14:26

A̱nne̱k zin Manyi Muses ne, “Dong a̱zzi̱t cunne ki keet uuv nyatapar kar tawani ki̱ri̱k ki̱ti̱k olli Masiro ki toromilet cigge̱k ki aciir wak owo vartangine.”

Lu̱ge̱z 4:9

Ma̱i̱je̱ ming iróng nege elemi baayen cik e̱e̱ggi̱n rama a̱vu̱la̱ ko̱, icima iróng aziye zoz cunne, ṯila maam u̱gge̱ more ci een Nail kar du̱te̱k lo̱o̱c ci odoi ko̱. Ovvo maama ne̱k a̱ddu̱te̱k i̱nna̱ lo̱o̱c ko̱ ukce kizeto bi̱ye̱ lo̱o̱ta̱.”

Lu̱ge̱z 8:16

A̱nne̱k bo̱do̱k Manyi Muses ne, “Du̱wa̱k Aaron ‘Kidima cool wainne ko̱ kar ku̱ru̱we̱ tu̱du̱wa̱c ci lo̱o̱tu̱,’ kar tu̱du̱wa̱ci̱ lo̱o̱ce̱ ci Masiro do̱o̱k kutuhuye kizeto viiny.”

Lu̱ge̱z 9:33

Utungek zin Musesi alaan ci Masiro lo̱o̱c kar kuk orgato. Abanyek zin a̱zzi̱t Manyi ta̱mu̱-kenga; ibilet zin borowoci ki teltelen, ibil zin bo̱do̱k ta̱mu̱.