Lu̱ge̱z 7:11 - Tennet

¹¹ Utu zin alaani ci Masiro ol wak anyak arizet zoza ki ngarret cik lo̱o̱c neci do̱o̱k, kar zin olli Masiro uggak ku̱tu̱gu̱zzo̱ gi̱i̱ ci a̱vu̱la̱ doize cinne̱ng ketted ol bi̱ye̱ ki bali wa Aaroni ke̱.

Lu̱ge̱z 7:11 ပူးပေါင်းရင်းမြစ်များ

Kananet 41:8

Imma nge̱rre̱ti̱n ci reng, a̱ma̱li̱le̱ oo cinne o̱no̱zo̱we̱ ne̱ko̱, i̱tto̱n zin enne zoz kuk ngati ngaretu ki ol cik anyak arizet Masire do̱o̱k. U̱du̱wa̱k zin alaani nogo o̱no̱zzo̱k ciginnek, ma̱i̱je̱ ngatu i̱llo̱i̱ e̱e̱t imma ci a̱du̱wa̱k nonno u̱nge̱tti̱ cik o̱no̱zzo̱k ne̱ko̱.

Lu̱ge̱z 7:12

A̱ju̱ke̱k gon e̱e̱ti̱ co̱de̱ cool cinne lo̱o̱c, uukce kize uwat. Ma̱i̱je̱ cool ci Aaroni a̱ku̱k co̱o̱li̱t cigge̱k do̱o̱k.

Lu̱ge̱z 7:22

Ma̱i̱je̱ ngarreta cik Masiro u̱tu̱gu̱zzo̱ gi̱i̱ ci a̱vu̱la̱ bu̱k doize cinne̱ng, odok zin zinin ci alaan ci Masiro; iróng zin enne ngen aziye zoz ci Musesi ki Aaron, ki bali u̱du̱wa̱ Manyi ke̱.

Lu̱ge̱z 8:18

Ma̱i̱je̱ baling orongit ngarreta kutuhuwec tu̱du̱wa̱c bu̱k kizeto viiny doize cinne̱ng, iróng nege ngen uule. Adalta zin viinya olli Masiro ki elegje.

Lu̱ge̱z 8:3

Okko moro ci a̱ddi̱ki̱re̱ Masire een zara Nail ko̱ abbize nyeelwana do̱ niko. A̱vvu̱ atin uggak rok ce̱e̱z cunne, rok kwe̱e̱n ci oonge i̱nna̱. Imma uggak ovvo rok ce̱e̱zi̱ cik lo̱ddi̱ki̱re̱ cigunnek, rok ce̱e̱zi̱ cik ol cigunnek do̱o̱k, ki ngintik aahe ol da̱i̱ne̱t.

Lu̱ge̱z 8:7

Ma̱i̱je̱ ngarreta cik Masiro, u̱tu̱gu̱zzo̱ bu̱k niko doize cinne̱ng, kar nyeelwana kiyokta morene do̱o̱k kibbitet lo̱o̱c ci Masiro do̱o̱k.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ga̱la̱ti̱a̱ 3:1

Eehi olli Ga̱la̱ti̱a̱, aditennung iina, nya ci ecebannung o̱o̱tti̱? I̱ye̱la̱i̱ keng ci daiz ci Ye̱su̱ Ki̱ri̱sto̱ ju̱rru̱m ngatinno̱ng, ogon ki ci icinntu nonno ming odode keete ci een ta̱la̱ke̱c ka̱da̱k.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

2 Te̱se̱lo̱ni̱ka̱ 2:9

A̱kku̱ atin e̱e̱ti̱ ci mu̱nye̱nu̱ ko̱ go̱o̱le̱ ci li̱ngli̱ngo̱n ci Sitano, i̱ye̱la̱i̱ kaale cik a̱vu̱la̱ iróng e̱e̱ggi̱n de̱de̱, ki baayen,

2 Ti̱mo̱te̱yo̱ 3:8

Abure ol ne̱ko̱ zoz ci Ta̱mu̱ta̱dde̱no̱ ki bali ming abure ol cik e̱e̱ggi̱n zara Jannes ki Jambares zoz ci Musesi ke̱. A̱ma̱li̱ltte̱ o̱o̱tti̱ cigge̱k, utuburet tu̱we̱ne̱t wa een de̱de̱.

2 Ti̱mo̱te̱yo̱ 3:9

Iróng zin atin zoz cinne̱ng okko u̱u̱mu̱c. A̱gga̱ atin ol do̱o̱k a̱li̱ya̱kze̱t cinne̱ng ke̱ ki bali ming a̱gga̱ ol zoz ciko Yanes ki Yambares.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.