Lu̱ge̱z 6:7 - Tennet

⁷ Ka̱a̱nyu̱ng atin izet ol cigannik, ke̱e̱ni̱ atin anna Ta̱mu̱ta̱dde̱n cunno̱ng. Kar atin niga a̱gga̱c ke̱e̱ni̱ anna Manyi Ta̱mu̱ta̱dde̱n cunno̱ng, wa aarannung baize ci e̱e̱ggi̱nnu̱ du̱cca̱k azzine cik olli Masiro.

Lu̱ge̱z 6:7 ပူးပေါင်းရင်းမြစ်များ

Kananet 26:3

A̱vvu̱ lo̱o̱ce̱ necu do̱yo̱i̱t, kaave atin anna ki i̱nne̱ta̱ kar atin ka̱mu̱yu̱i̱ i̱nne̱ta̱. Eci kanyike atin anna i̱nne̱t ki dooli ki dooli cigunnek lo̱o̱cco̱k ne̱ko̱, kar atin nege ku̱zu̱tte̱ olom bali ku̱du̱wa̱ anna baatunne Aburaham ke̱.

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Lu̱ge̱z 13:14

“Kar ming okko ngerunne atin a̱jji̱ni̱n zoz cu azi ne, ‘Azi ungec ci zoz necu ne?’ Du̱wa̱k nonno zoz cu, ‘Anyahaet Manyi agit Masire komize cinne, ngati ke̱e̱ggi̱nna̱ ba̱li̱ye̱ du̱cca̱k lo̱o̱ce̱ neci.

Lu̱ge̱z 13:3

A̱nne̱k zin Musesi ol ne, “Abunna gon ming adakku kwo̱o̱r i̱i̱te̱ne̱ necu e̱rki̱ta̱, eci een i̱i̱te̱ni̱ bali iyowanu niga Masire lo̱o̱ce̱ bali a̱gi̱ddu̱ng ol kar izet du̱cca̱k ke̱, eci Manyi anyahaung komize cinne. Ma adakku da̱i̱ne̱t cik anyak nyigit cik meertak gon amukcari ko̱.

Lu̱ge̱z 14:18

Ovvo atin olli Masiro a̱gga̱ya̱ ke̱e̱ni̱ anna Manyi ming u̱bu̱lte̱ zara cigannik zo̱ze̱ ci alaan ci Masiro ki toromilet ki ol wak owo vartangine.”

Lu̱ge̱z 14:4

Kanyike atin anna oo ci alaano kokkom, kar atin enne kunu nogo. Kar atin anna kumuda gool ci a̱di̱ngdi̱nga̱na̱ ol zo̱ze̱ ci alaano ki aciir ciginnek, kar olli Masiro ka̱gga̱ ke̱e̱ni̱ anna de̱de̱ Ta̱mu̱ta̱dde̱n.” U̱tu̱gu̱zzo̱ zin olli Israilo zoz bali u̱du̱wa̱k Manyi nogo ke̱ kar zin ki̱ye̱be̱zi̱t ngin bali a̱du̱wa̱k Manyi nogo ke̱.

Lu̱ge̱z 15:16

okko atin bba̱ri̱to̱ni̱ i̱i̱na̱k nogo. Eci doize ci Ta̱mu̱ta̱dde̱no̱, okkomi atin nege kiwagon be, zee ki̱vi̱ta̱ ol cigunnek kozoroc, Manyi, zee kozoroc ol balik anyaha i̱nna̱ ke̱.

Lu̱ge̱z 15:2

Een Manyi doiz cinanni, kar bo̱do̱k kize lo̱ng cinanni, eci enne i̱ti̱ri̱za̱ annita. Een enne Ta̱mu̱ta̱dde̱n cinanni, kar atin anna ki̱di̱ngdi̱nga̱n nonno, ki Ta̱mu̱ta̱dde̱n ci baba, kinnati atin anna nonno.

Lu̱ge̱z 16:12

“Kiziya anna u̱lu̱wa̱ ci olli Israilo. Du̱wa̱k nogo zoz cu, ‘Ming okko een yo̱mo̱n adait i̱di̱ng, kar nge̱rre̱t anyakku atin da̱i̱ne̱t. Kar atin a̱gga̱c ke̱e̱ni̱ anna Manyi Ta̱mu̱ta̱dde̱n cunno̱ng.’”

Lu̱ge̱z 16:6

Izektek zin Musesi ki Aaron olli Israilo do̱o̱k ne, “Yo̱mo̱na̱, ovvo atin niga a̱gga̱yyu̱ Manyi ci iyowannung i̱ge̱t Masire,

Lu̱ge̱z 2:11

Baling okko a̱ddi̱ki̱re̱ Musesi, itinga uk icin ol ciginnek Israilo ngati a̱li̱ngli̱nge̱ nege li̱ngli̱ngo̱n ci a̱ppwe̱. Icin enne e̱e̱t imma ci Masiro ming a̱ru̱k e̱e̱t ci I̱bu̱ru̱, wak een ol ciginnek e̱le̱tti̱.

Lu̱ge̱z 6:6

“I̱yo̱ko̱ zin, du̱wa̱k olli Israilo: ‘Ke̱e̱ni̱ anna Manyi! Kaaranung atin anna komize cinanni piryanzetena ci anyikkung olli Masiro izet du̱cca̱k ko̱.

Lu̱ge̱z 7:17

Icu zoz ci a̱du̱wa̱ Manyi: Eci zo̱ze̱ necu okko atin i̱nna̱ a̱gga̱ ke̱e̱ni̱ anna Manyi: Imma cool ci kanyai anna azzine ko̱, ka̱ru̱we̱ atin maam cik moro ci een Nail; kar atin maama ne̱ke̱ kutuhuye kizeto bi̱ye̱.

Ma̱te̱yo̱ 22:32

‘Ke̱e̱ni̱ anna Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱’? Iróng enne een Ta̱mu̱ta̱dde̱n ci ol wak a̱da̱i̱to̱, een enne ci ol wak aruge.”

Roma 8:31

Kozoz wo̱ye̱ naga bo̱do̱k nya zo̱zzo̱we̱ ne̱k odola Manyi ko̱ do̱o̱k? Ming aave Ta̱mu̱ta̱dde̱n de̱de̱ o̱to̱ne̱ cinna, ngene wo̱ye̱ bo̱do̱k ci acinnet gerzet?

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

1 Peturu 2:10

“Iróng niga ba̱li̱ye̱ e̱e̱ggi̱nnu̱ ol cik Ta̱mu̱ta̱dde̱no̱. I̱yo̱ko̱ zin izetu niga ol ciginnek. Ba̱li̱ye̱ ngen niga urubta deten cinne, imma zin i̱yo̱ko̱ urubtau.”

O̱no̱zzo̱k 21:3

Kar anna kizik muluk ci a̱bu̱le̱ a̱kku̱ lecera, azi ne, “I̱yo̱ko̱ aave nginti abahe Ta̱mu̱ta̱dde̱n olle, kar atin enne kabak ki nogo. Ovvo atin nege e̱e̱ggi̱n ol ciginnek, okko atin Ta̱mu̱ta̱dde̱n eliya abak ki nogo kar enne kize Ta̱mu̱ta̱dde̱n cinne̱ng.

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.