Lu̱ge̱z 6:3 - Tennet

³ Ki̱ye̱le̱ya̱ anna ba̱li̱ye̱ ele Aburaham, ki I̱sa̱ko̱ ki Ya̱ko̱bo̱, ke̱e̱ni̱ Ta̱mu̱ta̱dde̱n wa anyak Komiz do̱o̱k, ma̱i̱je̱ zara cigannik een Manyi. Ngen anna ku̱du̱wa̱k nogo zar cigannik.

Lu̱ge̱z 6:3 ပူးပေါင်းရင်းမြစ်များ

Kananet 13:18

Uduca zin Aburami ti̱ti̱ cinne kar kuk ku̱lu̱k kabak keene cik a̱ddi̱ki̱re̱ lo̱o̱ce̱ ci e̱e̱t ci een zara Mamre ojongzo ki orog ci een Hebron, kar zin enne kidimanek i̱te̱le̱ Manyi.

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 22:14

Akatek zin Aburahami ngin neci kize zara aanyet atin Manyi gi̱i̱ imma. Rok i̱yo̱ko̱ bu̱k ngen ol awu ngin neci kize “Biye cu, aanyet atin Manyi gi̱i̱ imma.”

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 48:3

Izek zin Ya̱ko̱bo̱ Yosevo ne, “I̱ye̱le̱ya̱ Ta̱mu̱ta̱dde̱n wa anyak Komiz do̱o̱k ele cinne ngati een Luz, lo̱o̱ce̱ ci Kanaani, kar enne ku̱mu̱yu̱wa̱ annit nginati,

Lu̱ge̱z 15:3

Manyi ci oor illa oroot; een zara ciginnek Manyi.

Lu̱ge̱z 3:14

Izek Ta̱mu̱ta̱dde̱n Muses ne, “Du̱wa̱k nogo ke̱e̱ni̱ anna Ta̱mu̱ta̱dde̱n wa een zara annita. Icu zoz ci a̱du̱wa̱k i̱nna̱ olli Israilo, ‘Annit ci i̱tto̱na̱na̱ annit rok i̱ge̱ta̱.’”

Kaviyak wak Abunna Ta̱mu̱ta̱dde̱no̱ eher Joni 8:58

A̱nne̱k Ye̱su̱ nogo ne, “Ka̱du̱wa̱kku̱ng zoz ci een de̱de̱, baling ngen Aburahami ki̱ti̱rra̱i̱, ka̱vvu̱ anna to la̱du̱n.”

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

Buk ci ozoz zoz ci ngaa ci een Ruz 1:20

Izek zin enne nogo ne, “Ma awuyang zare cik een Naomi, abarik u̱tu̱ya̱ng zare cik een Mara, ma̱rri̱t Ta̱mu̱ta̱dde̱n anyak Komiz do̱o̱k ming utuhu baiz cinanni kize gerza.