Lu̱ge̱z 4:5 - Tennet

⁵ Ize zin Manyi ne, “Tu̱gu̱ zoz necu ki i̱yo̱ko̱ kar olli Israilo kelemtta zoz ci Manyi Ta̱mu̱ta̱dde̱n ci be̱e̱ti̱gge̱k ki Aburaham ki I̱sa̱ko̱ ki Ya̱ko̱bo̱, i̱ye̱le̱i̱ Manyi i̱nne̱t ele de̱de̱.”

Lu̱ge̱z 4:5 ပူးပေါင်းရင်းမြစ်များ

Kananet 12:7

I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 18:1

I̱ye̱le̱k Manyi Aburaham ele ngati anyak keen cik a̱ddi̱ki̱re̱ cik Mamre, aave enne ojongzo ki tatug ci ti̱ti̱ cinne koore ci a̱bu̱re̱ wazin kenga.

Kananet 26:2

Ozozek zin Manyi I̱sa̱ko̱ o̱no̱zo̱we̱, “Ma aluce okko Masire; bak lo̱o̱ce̱ ci ka̱du̱wa̱ki̱ abunna ming abahe ko̱.

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Kananet 48:15

U̱mu̱yu̱k zin enne Yosevo kar kize ne, “Anyik bai Ta̱mu̱ta̱dde̱n ci be̱e̱ti̱ga̱ni̱k Aburaham ki I̱sa̱ko̱ bali owo ki nonno ke̱, Ta̱mu̱ta̱dde̱n wa een bali tuwayoit cinanni i̱i̱nya̱ do̱o̱k baize cinanni rok i̱i̱te̱n cu,

Kananet 48:3

Izek zin Ya̱ko̱bo̱ Yosevo ne, “I̱ye̱le̱ya̱ Ta̱mu̱ta̱dde̱n wa anyak Komiz do̱o̱k ele cinne ngati een Luz, lo̱o̱ce̱ ci Kanaani, kar enne ku̱mu̱yu̱wa̱ annit nginati,

Lu̱ge̱z 19:9

A̱nne̱k zin Manyi Muses ne, “Kokko anna ka̱kku̱nna̱ki̱ di̱i̱zo̱ce̱ ci a̱ri̱re̱, kar ol kizikta annit ming kozozo ki i̱nne̱ta̱ kar nege gon odohize kaarttek zi̱nze̱tti̱ cigge̱k zoz cunne.” Kar zin Musesi ku̱du̱wa̱k Ta̱mu̱ta̱dde̱n zoz bali u̱du̱wa̱k enne ol ke̱.

Lu̱ge̱z 3:15

A̱nne̱k Ta̱mu̱ta̱dde̱n Muses ne, “Du̱wa̱k olli Israilo, ‘I̱tto̱na̱ Manyi kar ki̱ki̱ya̱u̱ng, Ta̱mu̱ta̱dde̱n ci be̱e̱ti̱ggo̱k, Ta̱mu̱ta̱dde̱n ci Aburahami, ki Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.’ Een necu zar cigannik udut, zar cik a̱a̱dda̱na̱ bu̱u̱llo̱wa̱ ki bu̱u̱llo̱k.

Lu̱ge̱z 3:16

“Bit, lut lo̱ddi̱ki̱re̱ cik Israilo kar izek nogo ne, ‘A̱nne̱ka̱ Manyi, Ta̱mu̱ta̱dde̱n ci be̱e̱ti̱ggo̱k ki Aburaham, I̱sa̱ko̱ ki Ya̱ko̱bo̱ ne: Koroota baiz ci a̱gi̱ddu̱ng ol Masire.

Lu̱ge̱z 3:18

“Aziye atin lo̱ddi̱ki̱re̱ cik Israilo zoz cunne. Kar oot ngati alaan ci Masiro i̱nna̱ ki lo̱ddi̱ki̱re̱ do̱o̱k izektek nonno ne, ‘I̱ki̱ya̱k Manyi Ta̱mu̱ta̱dde̱n ci olli I̱bu̱ru̱ u̱ru̱mto̱ ki agita. Kotoz i̱i̱nya̱ i̱i̱yo̱ balala kar kapaktek wawa Manyi Ta̱mu̱ta̱dde̱n cinna.’

Lu̱ge̱z 3:4

Baling icin Manyi uk Musesi orong kar kuk kicin gwo̱o̱ neci, utu zin Ta̱mu̱ta̱dde̱n nonno garuwe, “Muses! Muses!” Ize zin Musesi ne, “Wou, annita icu.”

Lu̱ge̱z 3:6

Kar zin enne kize ne, “Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.” Imma zin zo̱ze̱ necu, u̱lu̱gu̱ny Musesi ngu̱m cinne, eci enne o̱ngo̱o̱le̱ kar kicin Ta̱mu̱ta̱dde̱n.

Lu̱ge̱z 4:1

O̱bo̱de̱k zin Musesi Manyi a̱nne̱k ne, “Ma atidic ming iróng olli Israilo aziknan, icima iróng elemi ming i̱ye̱la̱ Manyi annit ele de̱de̱?”

Lu̱ge̱z 4:31

elemtta zin nege zoz neci. Baling iziyyet nege zoz neci, icin Manyi matiz cinne̱ng orong enne kidiman nogo kubunnta, a̱ka̱tte̱k zin nege u̱zu̱ngtti̱ lo̱o̱c kar kalac Ta̱mu̱ta̱dde̱n.

Lu̱ge̱z 4:4

Izek zin Manyi nonno ne, “Gga̱m uwat neci ku̱u̱la̱.” A̱gga̱m zin Musesi uwat neci kar kutuhuwe kize keet a̱tte̱ cinne.

Kaviyak wak Abunna Ta̱mu̱ta̱dde̱no̱ eher Joni 11:15

Katalne zin zo̱ze̱ cunno̱ng eci iróng anna karumena ki nonno, kar atin abunna ming a̱tu̱yyu̱. Abarik koot zin i̱yo̱ko̱ rok nonno.”

Kaviyak wak Abunna Ta̱mu̱ta̱dde̱no̱ eher Joni 11:42

Ka̱gga̱ gon niko ming aziknan, ka̱du̱wa̱ zin zoz necu kar kiziyet ol cik abile ngatu ko̱, kar kelemtta ming een i̱nne̱t ci i̱tto̱na̱na̱n.”

Kaviyak wak Abunna Ta̱mu̱ta̱dde̱no̱ eher Joni 20:27

Izek zin Ye̱su̱ Tomas ne, “Arik da̱ vallak cigunnek ngintu, kar cin azzin cigannik; nyaha bo̱do̱k azzin u̱u̱m ma̱ryo̱i̱t cinanni. Ma anyike zinin kodok, abunna ming a̱tu̱we̱.”

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 5:36

Ize zin bo̱do̱k Ye̱su̱ ne, “Ke̱e̱ni̱ anna bba̱co̱i̱t ci a̱ddi̱ki̱re̱ kommogi Jon. Aanya Baba li̱ngli̱ngo̱n ci a̱ddi̱ki̱re̱ kar kedecak lo̱o̱ta̱ ngatu, een li̱ngli̱ngo̱n ci kogonni anna ko̱, ci i̱ye̱la̱ zoz ci een de̱de̱ da̱ i̱tto̱na̱na̱ Baba.

Buk wa To̱ni̱a̱u̱ 7:2

O̱bo̱de̱k zin Stepheni izek nogo ne, “Gotonogga ki be̱e̱ti̱ga̱ni̱k, izikttang annit ju̱rru̱m! I̱ye̱le̱k Ta̱mu̱ta̱dde̱n bunnat cinne ji̱ji̱ti̱nna̱ Aburaham bali ngen enne aave lo̱o̱ce̱ ci Mesopotamia, ngati ngen kuk o̱rge̱ ci een Haran.

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.