Lu̱ge̱z 4:21 - Tennet

²¹ Izek Manyi Muses ne, “Ming i̱mi̱re̱ uuwu Masire, abunna ming ogoni kaal cik a̱vu̱la̱ kicin alaani ci Masiro kaal balik aanyi komiz kar tu̱gu̱ ke̱. Ma̱i̱je̱ ngatu kokko anna kanyike zinin cinne kokkom, kar iróng enne aanyik ol kiyokta Masire.

Lu̱ge̱z 4:21 ပူးပေါင်းရင်းမြစ်များ

Kananet 6:3

Ize zin Manyi ne, “Iróng Vongizi cinanne atin adang e̱e̱t ci diiri udut, eci enne een daizoit; abak atin enne e̱rki̱nya̱ o̱bo̱n co̱de̱ ki moten ram (120).”

Lu̱ge̱z 10:1

Iizek zin Manyi Muses ne, “Bit ngati alaan ci Masiro ki ol wak a̱li̱ngli̱ng ki nonno ko̱, eci kanyiya anna o̱o̱tti̱ cigge̱k kokkomit, kar atin anna ku̱tu̱gu̱ kaal cik a̱vu̱la̱ orgene cinne̱ng.

Lu̱ge̱z 10:20

Ma̱i̱je̱ Manyi aanyik oo ci alaan ci Masiro kokkom kak, iróng aanyik olli Israilo ku̱lu̱ge̱t.

Lu̱ge̱z 10:27

Ma̱i̱je̱ Manyi aanyik oo ci alaan ci Masiro kokkom, iróng enne orong kar ku̱lu̱ge̱t olli Israilo.

Lu̱ge̱z 11:10

U̱tu̱gu̱zzo̱ zin Musesi ki Aaron kaal cik a̱vu̱la̱ kicin enne, ma̱i̱je̱ ngatu Manyi aanyik oo cinne kokkom, ci iróng enne aanyik olli Israilo ku̱lu̱ge̱t lo̱o̱ce̱ ci Masiro.

Lu̱ge̱z 11:9

Izek zin Manyi Muses ne, “Emena atin alaani iróng aziye zoz cunne, kar ku̱tu̱gu̱ kaal cik a̱vu̱la̱ a̱vi̱r ol bi̱ye̱ta̱ Masire.”

Lu̱ge̱z 14:17

Kanyike atin anna o̱o̱tti̱ cik olli Masiro kokkomit kak kar kunuwet olli Israilo vu̱rrta̱. Kar atin zara cigannik ku̱bu̱lte̱ zo̱ze̱ ci alaan ci Masiro ki aciir ciginnek, ngati i̱zo̱we̱ liil ki vartange ki toromilet cigge̱k do̱o̱k.

Lu̱ge̱z 14:4

Kanyike atin anna oo ci alaano kokkom, kar atin enne kunu nogo. Kar atin anna kumuda gool ci a̱di̱ngdi̱nga̱na̱ ol zo̱ze̱ ci alaano ki aciir ciginnek, kar olli Masiro ka̱gga̱ ke̱e̱ni̱ anna de̱de̱ Ta̱mu̱ta̱dde̱n.” U̱tu̱gu̱zzo̱ zin olli Israilo zoz bali u̱du̱wa̱k Manyi nogo ke̱ kar zin ki̱ye̱be̱zi̱t ngin bali a̱du̱wa̱k Manyi nogo ke̱.

Lu̱ge̱z 14:8

Aanyik zin Manyi oo ci alaan ci Masiro kokkom kak, kar enne kunu olli Israilo balala, wak iiriny we̱t cinne̱ng mazeta.

Lu̱ge̱z 3:19

Abarik ka̱gga̱ iróng alaani ci Masiro a̱a̱nyu̱ng u̱lu̱ge̱t ming ngen Manyi ki̱tto̱na̱ doiz cinne.

Lu̱ge̱z 3:20

Ki̱tto̱ni̱ atin a̱zzi̱t cinanni kar ku̱ru̱k olli Masiro kaale cik a̱vu̱la̱. Imma vu̱rrta̱ a̱a̱nyu̱ng atin enne i̱ge̱t gool.

Lu̱ge̱z 7:13

Ngen zinin ci alaan ci Masiro odoi dee, kar iróng zin enne aziye zoz co Muses ki Aaron ki baling u̱du̱wa̱ Manyi ke̱.

Lu̱ge̱z 7:3

Ma̱i̱je̱ zin ngatu kokko atin anna kanyike oo ci alaan ci Masiro kokkom, ming nu̱nu̱n kogonni anna kaal cik a̱vu̱la̱ ki cik anin ol cik meelek Masire,

Lu̱ge̱z 8:11

Ungneki atin nyeelwana i̱nne̱t lo̱o̱c ki ce̱e̱zi̱ cuggo̱k, ki lo̱ddi̱ki̱re̱ ki ol cigunnek; kar atin koot ka̱vvu̱to̱ more ci een Nail.”

Lu̱ge̱z 8:15

Baling icin alaani ci Masiro a̱da̱i̱to̱ nyeelwana balik a̱bu̱ng lo̱o̱c ci Masiro ko̱ do̱o̱k, oto bo̱do̱k kodok oo ne kak, iróng ngen orong kizik zoz ci Musesi ki Aaron ki bali ming u̱du̱wa̱ Manyi ke̱.

Lu̱ge̱z 8:32

Imma i̱i̱te̱n cu dee, odoi zinin cinne iróng ngen aanyik olli Israilo ku̱lu̱ge̱t koot balala ki baling elema enne ke̱.

Lu̱ge̱z 9:12

Ma̱i̱je̱ Manyi aanyik zinin cinne kodok kak, iróng aziye zoz ci Musesi ki Aaron, ki bali u̱du̱wa̱k Manyi Muses ke̱.

Lu̱ge̱z 9:35

Alammit olli Israilo ngati a̱lu̱ge̱ ki baling u̱du̱wa̱k Manyi Muses ke̱.

Kaviyak wak Abunna Ta̱mu̱ta̱dde̱no̱ eher Joni 12:40

“Utuz Ta̱mu̱ta̱dde̱n ebere cigge̱k, kar bo̱do̱k kidit zi̱nze̱tti̱ cigge̱k, iróng nege ngen acine icima i̱i̱zo̱ zoz neci zi̱nze̱tti̱ cigge̱k, iróng bo̱do̱k obodak Ta̱mu̱ta̱dde̱n kar wo̱ye̱ atin anna kangaru nogo.”

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

Roma 9:18

Aanyik Ta̱mu̱ta̱dde̱n deten e̱e̱t ci odola enne orong kaanyik, kar kidit o̱o̱tti̱ cik ol wak iróng aziye zoz cinne.

2 Ko̱ri̱nto̱ 2:16

Ogon de̱mzi̱ne̱t ci Ye̱su̱ ngati ol u̱gge̱ ki amanteci ci rugeto, ci anyahak nogo ruget; okko ngati ol u̱gge̱ een boror ci ongooli ṯa̱ṯi̱, anyaha daiz. I̱llo̱i̱ e̱e̱t imma ci anyak komiz do̱ kar ku̱tu̱gu̱we̱k Ta̱mu̱ta̱dde̱n li̱ngli̱ngo̱n cinne.

1 Peturu 2:8

Azi bo̱do̱k ne, “Een enne bee ci adir ol kamarmarit, bee ci aanyik nogo ku̱yu̱kte̱.” Alam bee nogo eci iróng nege o̱ngo̱o̱le̱ kaviyak cik Ta̱mu̱ta̱dde̱no̱ bali odola enne kize cinne̱ng.