Lu̱ge̱z 4:18 - Tennet

¹⁸ Uk Musesi ngati i̱nyi̱k cinne maci Jethro kar ki̱jji̱n kize ne, “Ja kuk ngati ol cigannik Masire kuk kicin ming ngen e̱e̱ti̱ imma ngatinne̱ng aruge.” Ize Jethro ne, “Bito, abunna, to labak.”

Lu̱ge̱z 4:18 ပူးပေါင်းရင်းမြစ်များ

Kananet 45:3

Izek zin Yosevo gotonoggi ne, “Ke̱e̱ni̱ anna Yosevo! Ngen baba aruge?” Ma̱i̱je̱ gotonoggja iróng ngen obodik nonno, eci nege a̱bba̱ri̱te̱t zo̱ze̱ cinne.

Lu̱ge̱z 2:21

Elema zin Musesi ngati abahe enne ce̱e̱ze̱ ci e̱e̱t neci, kar kaanyik nonno ki̱ti̱k buweenyinne wa een zara Zipporah.

Lu̱ge̱z 3:1

Uuwa da̱ Musesi eeza ki a̱zza̱ cik i̱nyi̱k cinne Jethro, e̱e̱t ci wawaco lo̱o̱ce̱ ci Midiani, egewe zin da̱ enne kaal balala kar ki̱ki̱ya̱k Horeb bee ci Ta̱mu̱ta̱dde̱no̱.

Lu̱ka̱ 7:50

U̱du̱wa̱k zin Ye̱su̱ ngaa, “I̱ti̱ri̱zi̱ i̱nne̱t tu̱we̱ne̱t cunne; bit yahe.”

Buk wa To̱ni̱a̱u̱ 15:36

Imma bali i̱i̱nya̱ u̱gge̱, a̱nne̱k Pa̱u̱lo̱ Barnabas ne, “Ize we̱t ki̱mi̱rte̱ koo o̱ro̱gjo̱we̱ balik kuwahek ol kaviyak wak Manyi Ye̱su̱ abunna ke̱, koo kicinnet gotonogget ki ngonogget ming aavtte ucca nege tu̱we̱nta̱ ku̱.”

Buk wa To̱ni̱a̱u̱ 16:36

U̱du̱wa̱k ddi̱ki̱ryo̱i̱ti̱ Pa̱u̱lo̱, a̱nne̱k ne, “Oogttaung olli lo̱ki̱ko̱, i̱yo̱ko̱ oot labak.”

1 Ti̱mo̱te̱yo̱ 6:1

Anyik du̱cca̱k wak a̱tu̱ zoz ci Ta̱mu̱ta̱dde̱no̱ ko̱to̱ngo̱o̱ltte̱ ddi̱ki̱ryyo̱k wagge̱k, kar iróng e̱e̱ti̱ imma ozoz gerzet zare cik Ta̱mu̱ta̱dde̱no̱ ki de̱mzi̱ne̱t cinne.