Lu̱ge̱z 4:1 - Tennet

¹ O̱bo̱de̱k zin Musesi Manyi a̱nne̱k ne, “Ma atidic ming iróng olli Israilo aziknan, icima iróng elemi ming i̱ye̱la̱ Manyi annit ele de̱de̱?”

Lu̱ge̱z 4:1 ပူးပေါင်းရင်းမြစ်များ

Lu̱ge̱z 2:14

Izek zin e̱e̱ti̱ neci nonno ne, “Ngene ci aanyi i̱nne̱t ize alaan ci ettedi zoz cinna̱ng? Orongi i̱yo̱ko̱ ru̱wa̱ ki bali ming a̱ru̱i̱ i̱nna̱ e̱e̱t bali Masiro ke̱?” O̱to̱ngo̱o̱le̱ zin Musesi kar ki̱no̱n, “A̱gga̱c ol zoz bali kogonni anna ke̱.”

Lu̱ge̱z 3:15

A̱nne̱k Ta̱mu̱ta̱dde̱n Muses ne, “Du̱wa̱k olli Israilo, ‘I̱tto̱na̱ Manyi kar ki̱ki̱ya̱u̱ng, Ta̱mu̱ta̱dde̱n ci be̱e̱ti̱ggo̱k, Ta̱mu̱ta̱dde̱n ci Aburahami, ki Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.’ Een necu zar cigannik udut, zar cik a̱a̱dda̱na̱ bu̱u̱llo̱wa̱ ki bu̱u̱llo̱k.

Lu̱ge̱z 3:16

“Bit, lut lo̱ddi̱ki̱re̱ cik Israilo kar izek nogo ne, ‘A̱nne̱ka̱ Manyi, Ta̱mu̱ta̱dde̱n ci be̱e̱ti̱ggo̱k ki Aburaham, I̱sa̱ko̱ ki Ya̱ko̱bo̱ ne: Koroota baiz ci a̱gi̱ddu̱ng ol Masire.

Lu̱ge̱z 3:18

“Aziye atin lo̱ddi̱ki̱re̱ cik Israilo zoz cunne. Kar oot ngati alaan ci Masiro i̱nna̱ ki lo̱ddi̱ki̱re̱ do̱o̱k izektek nonno ne, ‘I̱ki̱ya̱k Manyi Ta̱mu̱ta̱dde̱n ci olli I̱bu̱ru̱ u̱ru̱mto̱ ki agita. Kotoz i̱i̱nya̱ i̱i̱yo̱ balala kar kapaktek wawa Manyi Ta̱mu̱ta̱dde̱n cinna.’

Lu̱ge̱z 4:10

Iizek Musesi Manyi ne, “Eeh Manyi, iróng anna kaganik zoz baize cinanni ba̱li̱ye̱ rok i̱yo̱ko̱ baling i̱ye̱le̱ya̱ i̱nna̱ annit du̱ca̱i̱t cunne ele nu̱nu̱n. Adala gon annit zoz iróng ka̱gga̱ zoz ci kozozi.”

Lu̱ge̱z 4:30

a̱du̱wa̱k zin Aaroni nogo do̱o̱k zoz ci u̱du̱wa̱k Manyi Muses. U̱tu̱gu̱ zin enne bu̱k baayen cik a̱vu̱la̱ kicinnet ol do̱o̱k,

Lu̱ge̱z 4:31

elemtta zin nege zoz neci. Baling iziyyet nege zoz neci, icin Manyi matiz cinne̱ng orong enne kidiman nogo kubunnta, a̱ka̱tte̱k zin nege u̱zu̱ngtti̱ lo̱o̱c kar kalac Ta̱mu̱ta̱dde̱n.

Lu̱ge̱z 6:12

Ma̱i̱je̱ Musesi o̱bo̱de̱k Manyi a̱nne̱k ne, “Ming iróng olli Israilo aziye zoz cinanni ko̱, nya wo̱ye̱ alaani ci Masiro kuk kizik zoz cinanni ko̱? Iróng anna kaganik zoz.”

Lu̱ge̱z 6:30

Abarik Musesi a̱nne̱k Manyi ne, “A̱gga̱ i̱nna̱ ju̱rru̱m adala gon annit zoz, iróng wo̱ye̱ alaani ci Masiro aziye zoz cinanni.”

Buk wa To̱ni̱a̱u̱ 7:25

I̱no̱n Musesi azi ne ovvo atin ol ciginnek a̱gga̱ ming anyaha Ta̱mu̱ta̱dde̱n nonno kar ki̱ki̱ya̱ kangara nogo, abarik nege iróng a̱gga̱ gi̱i̱ imma.