Lu̱ge̱z 3:7 - Tennet

⁷ Ize Manyi ne, “Kicina anna de̱de̱ piryanzet ci ol cigannik Masire. Kiziya anna u̱lu̱wa̱ cinne̱ng zo̱ze̱ ci a̱gi̱dde̱ ol nogo kizeto du̱cca̱k, ka̱gga̱ anna piryanzet cinne̱ng.

Lu̱ge̱z 3:7 ပူးပေါင်းရင်းမြစ်များ

Kananet 16:11

Iizek bo̱do̱k anjilo ci Ta̱mu̱ta̱dde̱no̱ Hagar ne, “Een do̱le̱c ci anyai i̱nna̱ kenga ko̱ lo̱gu̱t ci maci. Ming utuyai, katek zar kize Ismail ma̱rri̱t Manyi izik matiz cunne.

Kananet 18:21

Korongi kuk lo̱o̱ta̱, kar kuk kicin zoz cinne̱ng gerze ci azucana annit ko̱. Ming i̱llo̱i̱, ka̱gga̱ atin anna.”

Kananet 21:17

Izik zin Ta̱mu̱ta̱dde̱n do̱le̱c ming a̱lu̱, kar anjilo ci Ta̱mu̱ta̱dde̱no̱ kutu Hagar ta̱mu̱-kenga kar kizek nonno ne, “Nya ci gerze, Hagar? Ma o̱ngo̱o̱le̱ gi̱i̱ imma; izik Ta̱mu̱ta̱dde̱n do̱le̱c ming a̱lu̱, adunge nginati ke̱.

Kananet 29:32

Anyaho zin Le̱ya̱ kar ki̱ti̱rra̱ do̱le̱c ci maci. Akatek zar ciginnek kize Reuben, eci enne azi ne, “Eci Manyi icin matiz cinanni. De̱de̱ okko atin e̱e̱ti̱ cinanne ireza annit i̱yo̱ko̱.”

Kananet 31:12

Kar enne kize ne, ‘Cin ta̱dde̱n, kar cin eeza cik macik ottodo ki eeza cik regek, ki cik bu̱ze̱ni̱k ki cik o̱lle̱k, eci kicina anna kaal cik ogoniki Labani i̱nne̱ta̱.

Kananet 31:42

Ming iróng ngo̱li̱ne̱t ci Ta̱mu̱ta̱dde̱n ci baba, Ta̱mu̱ta̱dde̱n ci Aburahami ki ngo̱li̱ne̱t ci I̱sa̱ko̱ aave ngatinanni, ottoka wo̱ye̱ da̱ i̱nna̱ annit kuk azzine ollin. Abarik zin Ta̱mu̱ta̱dde̱n icin li̱ngli̱ngo̱n ci kapirnane anna azzine cigannik ko̱ kar bali ba̱a̱l u̱du̱wa̱i̱ Ta̱mu̱ta̱dde̱n i̱nne̱ta̱.”

Lu̱ge̱z 1:11

I̱vi̱ta̱ zin lo̱ddi̱ki̱re̱ cik Masiro kar idimtta ol u̱gge̱ ngatinne̱ng kizeto lo̱ddi̱ki̱re̱ cik du̱cca̱k cik Israilo kar kadangtek nogo ki̱li̱ngli̱nge̱t oroot ngati eenyce nege orog ci een zara Pithom ki bo̱do̱k Rameses, kizeto de̱he̱rwa̱ cik alaan ci Masiro.

Lu̱ge̱z 1:8

I̱ki̱ya̱ zin alaani ci een jor a̱gga̱m lo̱o̱c ci Masiro, iróng zin da̱ enne a̱gga̱ kaal cik u̱tu̱gu̱ Yosevo.

Lu̱ge̱z 5:10

Kar zin lo̱ddi̱ki̱re̱ cik Masiro wak a̱gga̱m du̱cca̱k ki lo̱ddi̱ki̱re̱ cik olli Israilo wak a̱gga̱m e̱le̱tti̱ cigge̱k ko̱ koot reena ngatinne̱ng, kar kizettek du̱cca̱k ne, “Icu zoz ci a̱du̱wa̱ alaani ci Masiro: ‘Iróng ngen ka̱a̱nyu̱ng tabara cik adimannu niga tu̱u̱p.

Lu̱ge̱z 5:6

Imma i̱i̱te̱ne̱ neci ele, u̱du̱wa̱k zin alaani ci Masiro olli Masiro wak a̱gga̱m du̱cca̱k ki lo̱ddi̱ki̱re̱ cik Israilo ne,

Buk wa To̱ni̱a̱u̱ 7:34

Kicina anna de̱de̱ piryanzet ci ol cigannik Masire. Kiziya anna u̱lu̱wa̱ cinne̱ng, ka̱kku̱na̱k anna lo̱o̱c kar ki̱ki̱ya̱ keela nogo. I̱yo̱ko̱ zin, i̱jja̱, ki̱tto̱nni̱ atin anna i̱nne̱t mi̱re̱ bit Masire.’

I̱bu̱ru̱ 4:15

Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.