Lu̱ge̱z 3:6 - Tennet

⁶ Kar zin enne kize ne, “Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.” Imma zin zo̱ze̱ necu, u̱lu̱gu̱ny Musesi ngu̱m cinne, eci enne o̱ngo̱o̱le̱ kar kicin Ta̱mu̱ta̱dde̱n.

Lu̱ge̱z 3:6 ပူးပေါင်းရင်းမြစ်များ

Kananet 12:1

Iizek zin Manyi Aburam ne, “Tungek orog cunne lo̱o̱c, ki boor cigunnek ki olli baatunne, kar bit lo̱o̱ce̱ ci kokko atin anna ki̱ye̱le̱ki̱n.

Kananet 12:7

I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 17:3

Atangu zin Aburami kicin ngu̱m cinne lo̱o̱c, kar Ta̱mu̱ta̱dde̱n kizek nonno ne,

Kananet 24:12

Alawo zin du̱ca̱i̱ti̱, “Oh Manyi, Ta̱mu̱ta̱dde̱n ci ddi̱ki̱ryo̱i̱t cinanni Aburaham, inya annit ku̱tu̱gu̱ ju̱rru̱m wazin necu, kar ye̱le̱k bunnat ddi̱ki̱ryo̱i̱t cinanni Aburaham.

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Kananet 28:17

O̱to̱ngo̱o̱le̱ zin enne lo̱o̱c kar kize ne, “A̱vi̱r bi̱ye̱ta̱ ngintu! Ogon ngintu ki ce̱e̱z ci Ta̱mu̱ta̱dde̱no̱; een necu aran ci ta̱mu̱-kengo.”

Kananet 31:42

Ming iróng ngo̱li̱ne̱t ci Ta̱mu̱ta̱dde̱n ci baba, Ta̱mu̱ta̱dde̱n ci Aburahami ki ngo̱li̱ne̱t ci I̱sa̱ko̱ aave ngatinanni, ottoka wo̱ye̱ da̱ i̱nna̱ annit kuk azzine ollin. Abarik zin Ta̱mu̱ta̱dde̱n icin li̱ngli̱ngo̱n ci kapirnane anna azzine cigannik ko̱ kar bali ba̱a̱l u̱du̱wa̱i̱ Ta̱mu̱ta̱dde̱n i̱nne̱ta̱.”

Kananet 32:9

Ala zin Ya̱ko̱bo̱ Manyi, “Ta̱mu̱ta̱dde̱n ci baba Aburaham ki ci baba I̱sa̱ko̱, Manyi bai, ngene ci bali a̱nne̱ka̱ annit ne, ‘Mi̱re̱ bit o̱rge̱ cunne ki boor cunne, kar atin kaanyi i̱nne̱t kaal cik meelek,’

Lu̱ge̱z 15:2

Een Manyi doiz cinanni, kar bo̱do̱k kize lo̱ng cinanni, eci enne i̱ti̱ri̱za̱ annita. Een enne Ta̱mu̱ta̱dde̱n cinanni, kar atin anna ki̱di̱ngdi̱nga̱n nonno, ki Ta̱mu̱ta̱dde̱n ci baba, kinnati atin anna nonno.

Lu̱ge̱z 3:16

“Bit, lut lo̱ddi̱ki̱re̱ cik Israilo kar izek nogo ne, ‘A̱nne̱ka̱ Manyi, Ta̱mu̱ta̱dde̱n ci be̱e̱ti̱ggo̱k ki Aburaham, I̱sa̱ko̱ ki Ya̱ko̱bo̱ ne: Koroota baiz ci a̱gi̱ddu̱ng ol Masire.

Lu̱ge̱z 4:5

Ize zin Manyi ne, “Tu̱gu̱ zoz necu ki i̱yo̱ko̱ kar olli Israilo kelemtta zoz ci Manyi Ta̱mu̱ta̱dde̱n ci be̱e̱ti̱gge̱k ki Aburaham ki I̱sa̱ko̱ ki Ya̱ko̱bo̱, i̱ye̱le̱i̱ Manyi i̱nne̱t ele de̱de̱.”

Ma̱te̱yo̱ 17:6

Baling iziyyet nuyaha zoz ci a̱kku̱ di̱i̱za̱ ko̱, o̱to̱ngo̱o̱ltte̱ zin nege oroot kar zin ku̱lu̱lle̱t o̱o̱tti̱.

Ma̱te̱yo̱ 22:32

‘Ke̱e̱ni̱ anna Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱’? Iróng enne een Ta̱mu̱ta̱dde̱n ci ol wak a̱da̱i̱to̱, een enne ci ol wak aruge.”

Marko 12:26

Ma̱i̱je̱ zin zo̱ze̱ ci ingazi ol daiza, ngen niga ikebit buwe ci Musesi, baling atuz gwa̱a̱ zari ngu̱me̱ ci Musesi, a̱nne̱k Ta̱mu̱ta̱dde̱n nonno ne, ‘Ke̱e̱ni̱ anna Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱’?

Lu̱ka̱ 20:37

Ma̱i̱je̱ zo̱ze̱ ci zari bali atuze ke̱, i̱ye̱la̱ zin bali Musesi bu̱k ingazi atin ol daiza, eci enne awu Manyi azi ne, ‘Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.’

Lu̱ka̱ 5:8

Baling icin Si̱mo̱ne̱ Peturu zoz neci, akatek zin enne u̱zu̱ngti̱nne̱ ngati Ye̱su̱ kar kize ne, “Bit reena ngatinanni, Manyi; ke̱e̱ni̱ anna e̱e̱t ci mu̱nye̱nu̱!”

Buk wa To̱ni̱a̱u̱ 7:32

‘Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki ci Ya̱ko̱bo̱.’ O̱to̱ngo̱o̱le̱ zin Musesi iróng ngen orong kar kicin gwo̱o̱ neci.

Buk wa To̱ni̱a̱u̱ 7:34

Kicina anna de̱de̱ piryanzet ci ol cigannik Masire. Kiziya anna u̱lu̱wa̱ cinne̱ng, ka̱kku̱na̱k anna lo̱o̱c kar ki̱ki̱ya̱ keela nogo. I̱yo̱ko̱ zin, i̱jja̱, ki̱tto̱nni̱ atin anna i̱nne̱t mi̱re̱ bit Masire.’

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

I̱bu̱ru̱ 12:21

O̱to̱ngo̱o̱le̱ Musesi bu̱k zoz neci kar kize ne, “Ko̱ngo̱o̱le̱ anna ka̱bba̱ri̱to̱.”

O̱no̱zzo̱k 1:17

Baling kicina anna nonno, kuduwa lo̱o̱c zoone ciginnek kiwagon e̱e̱ti̱ ci a̱da̱ha̱. Kar zin enne katadeya annit a̱zzi̱t cinne a̱zzo̱ kar kize ne: “Ma o̱ngo̱o̱le̱ gi̱i̱ imma. Annit ci ke̱e̱ni̱ Oo ki Vu̱rru̱t.