Lu̱ge̱z 3:20 - Tennet

²⁰ Ki̱tto̱ni̱ atin a̱zzi̱t cinanni kar ku̱ru̱k olli Masiro kaale cik a̱vu̱la̱. Imma vu̱rrta̱ a̱a̱nyu̱ng atin enne i̱ge̱t gool.

Lu̱ge̱z 3:20 ပူးပေါင်းရင်းမြစ်များ

Kananet 15:14

Ma̱i̱je̱ atin anna ke̱de̱zi̱ ol cik aanyik nogo kizeto du̱cca̱k ke̱, imma vu̱rrta̱, ovvo atin nege iyowa lo̱o̱ce̱ necu ki kaal cik meelek giir.

Lu̱ge̱z 11:1

A̱nne̱k zin Manyi Muses i̱yo̱ko̱ ne, “Kokko anna ke̱de̱zi̱ alaan ci Masiro ki ol ciginnek kanyike zeret imma co̱de̱. Imma vu̱rrta̱, okko atin enne a̱a̱nyu̱ng i̱ge̱t u̱lu̱ge̱t, ming okko enne elemi, ottokung atin kar u̱lu̱ge̱t niga do̱o̱k.

Lu̱ge̱z 12:39

A̱lu̱g nege Masire ataman ci iróng adiman da̱i̱ne̱t u̱gge̱, kar zin kupuranit umunet cik iróng adimanai kumukcarit do̱ niko, eci ottok ol nogo Masire, iróng anyak gool ci wo̱ye̱ adimane nege da̱i̱ne̱t cigge̱k.

Lu̱ge̱z 13:3

A̱nne̱k zin Musesi ol ne, “Abunna gon ming adakku kwo̱o̱r i̱i̱te̱ne̱ necu e̱rki̱ta̱, eci een i̱i̱te̱ni̱ bali iyowanu niga Masire lo̱o̱ce̱ bali a̱gi̱ddu̱ng ol kar izet du̱cca̱k ke̱, eci Manyi anyahaung komize cinne. Ma adakku da̱i̱ne̱t cik anyak nyigit cik meertak gon amukcari ko̱.

Lu̱ge̱z 13:9

Een neci kwo̱o̱r ci kadak e̱rki̱ta̱ u̱tu̱gu̱ ki baayenti ci aave azzine cuggo̱k ki bo̱do̱k ci aave o̱o̱tti̱ne̱ kize ti̱lo̱wi̱ne̱t ci Manyi u̱tu̱ge̱tti̱ne̱ cuggo̱k. Eci Ta̱mu̱ta̱dde̱n komize cinne anyahaung i̱ge̱t Masire.

Lu̱ge̱z 15:11

Manyi, i̱llo̱i̱ ta̱mu̱ta̱dde̱n imma lo̱o̱ta̱ ngatu ci wo̱ye̱ katubuz ki i̱nne̱ta̱. Anyai i̱nna̱ di̱ngdi̱ngo̱n, a̱li̱li̱ bo̱do̱k, o̱ngo̱o̱li̱nni̱ ol i̱nne̱ta̱ do̱o̱k, kar bo̱do̱k ogoni kaal cik a̱vu̱la̱.

Lu̱ge̱z 15:6

Okko a̱zzi̱ti̱ cunne a̱zzo̱, Oh Manyi, wa anyak doiz. Okko a̱zzi̱ti̱ cunne a̱zzo̱ Manyi, idita mo̱ddo̱ cigunnek.

Lu̱ge̱z 4:21

Izek Manyi Muses ne, “Ming i̱mi̱re̱ uuwu Masire, abunna ming ogoni kaal cik a̱vu̱la̱ kicin alaani ci Masiro kaal balik aanyi komiz kar tu̱gu̱ ke̱. Ma̱i̱je̱ ngatu kokko anna kanyike zinin cinne kokkom, kar iróng enne aanyik ol kiyokta Masire.

Lu̱ge̱z 6:1

A̱nne̱k zin Manyi Muses ne, “I̱yo̱ko̱ okko atin i̱nna̱ acinni gi̱i̱ ci kogonik anna alaan ci Masiro: Eci komize cinanni, aanyik atin enne nogo koot; eci komize cinanni ottok atin enne nogo lo̱o̱ce̱ cinne.”

Lu̱ge̱z 6:6

“I̱yo̱ko̱ zin, du̱wa̱k olli Israilo: ‘Ke̱e̱ni̱ anna Manyi! Kaaranung atin anna komize cinanni piryanzetena ci anyikkung olli Masiro izet du̱cca̱k ko̱.

Lu̱ge̱z 9:15

Imma i̱yo̱ko̱ ki̱tto̱na̱ wo̱ye̱ anna zeret ci a̱ddi̱ki̱re̱ kar ki̱ti̱vi̱la̱u̱ng i̱nne̱t ki ol cigunnek lo̱o̱ce̱ cu veelek.

Buk wa To̱ni̱a̱u̱ 7:36

U̱lu̱ga̱i̱ enne nogo Masira kar ku̱tu̱gu̱ kaal cik a̱ma̱li̱le̱ ol o̱o̱tti̱ ki kaal cik a̱vu̱la̱ Masire, kar bo̱do̱k Nyatapare ci Ma̱ri̱, kar balala e̱rki̱nya̱ cik een moten we̱c.