Lu̱ge̱z 3:2 - Tennet

² Imma nginati, i̱ye̱la̱k zin anjilo ci Manyi nonno ele ki i̱yo̱ko̱ gwa̱a̱ gon garuwe ko̱. Icin Musesi zari ci anyak gwo̱o̱ ming alanyiti iróng zin garuwoci neci atuze.

Lu̱ge̱z 3:2 ပူးပေါင်းရင်းမြစ်များ

Kananet 21:17

Izik zin Ta̱mu̱ta̱dde̱n do̱le̱c ming a̱lu̱, kar anjilo ci Ta̱mu̱ta̱dde̱no̱ kutu Hagar ta̱mu̱-kenga kar kizek nonno ne, “Nya ci gerze, Hagar? Ma o̱ngo̱o̱le̱ gi̱i̱ imma; izik Ta̱mu̱ta̱dde̱n do̱le̱c ming a̱lu̱, adunge nginati ke̱.

Kananet 22:11

Ma̱i̱je̱ anjilo ci Manyi utu nonno ta̱mu̱-kenga izek ne, “Aburaham! Aburaham!” Awe zin enne azi ne, “Wou! Annit icu ngatu ko̱.”

Kananet 48:16

Anjilo wa eelanna annit kaale cik gerzek do̱o̱k, anyik bai nonno ka̱mu̱yu̱k logoz ne̱ko̱. Anyik bai ol kutu nogo zare cigannik ki zar cik be̱e̱ti̱ga̱ni̱k Aburaham ki I̱sa̱ko̱, anyik bai nogo ki̱ti̱rre̱t kizeto meele giir lo̱o̱ta̱ ngatu.”

Lu̱ge̱z 19:18

Imma be ci een Sinai ko̱ u̱bu̱ng bbu̱rre̱ti̱ veelek, eci Manyi ulucak be gwo̱o̱ya̱. Iyowa bbu̱rre̱ti̱ biya ogon ki ci iyowa caala, otomowe be veelek ki ci een looci jo̱o̱re̱,

Lu̱ge̱z 3:16

“Bit, lut lo̱ddi̱ki̱re̱ cik Israilo kar izek nogo ne, ‘A̱nne̱ka̱ Manyi, Ta̱mu̱ta̱dde̱n ci be̱e̱ti̱ggo̱k ki Aburaham, I̱sa̱ko̱ ki Ya̱ko̱bo̱ ne: Koroota baiz ci a̱gi̱ddu̱ng ol Masire.

Marko 12:26

Ma̱i̱je̱ zin zo̱ze̱ ci ingazi ol daiza, ngen niga ikebit buwe ci Musesi, baling atuz gwa̱a̱ zari ngu̱me̱ ci Musesi, a̱nne̱k Ta̱mu̱ta̱dde̱n nonno ne, ‘Ke̱e̱ni̱ anna Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱’?

Lu̱ka̱ 20:37

Ma̱i̱je̱ zo̱ze̱ ci zari bali atuze ke̱, i̱ye̱la̱ zin bali Musesi bu̱k ingazi atin ol daiza, eci enne awu Manyi azi ne, ‘Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.’

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.