Lu̱ge̱z 3:18 - Tennet

¹⁸ “Aziye atin lo̱ddi̱ki̱re̱ cik Israilo zoz cunne. Kar oot ngati alaan ci Masiro i̱nna̱ ki lo̱ddi̱ki̱re̱ do̱o̱k izektek nonno ne, ‘I̱ki̱ya̱k Manyi Ta̱mu̱ta̱dde̱n ci olli I̱bu̱ru̱ u̱ru̱mto̱ ki agita. Kotoz i̱i̱nya̱ i̱i̱yo̱ balala kar kapaktek wawa Manyi Ta̱mu̱ta̱dde̱n cinna.’

Lu̱ge̱z 3:18 ပူးပေါင်းရင်းမြစ်များ

Kananet 12:1

Iizek zin Manyi Aburam ne, “Tungek orog cunne lo̱o̱c, ki boor cigunnek ki olli baatunne, kar bit lo̱o̱ce̱ ci kokko atin anna ki̱ye̱le̱ki̱n.

Kananet 14:13

Ma̱i̱je̱ e̱e̱ti̱ ci da̱ a̱vi̱r alaate ne̱k e̱e̱ggi̱n we̱c ke̱ i̱ki̱ya̱ u̱du̱wa̱k zoz neci Aburam wa een I̱bu̱ru̱ ko̱. Abak da̱ Aburami ngati ojono ki keen cik a̱ddi̱ki̱re̱ cik e̱e̱t ci een Mamre, e̱e̱t ci Amorites een gotoni Eshcol ki Aner, iddong nege do̱o̱k zoz ki Aburam.

Kananet 15:1

Imma bali vu̱rrta̱, i̱ki̱ya̱k zoz ci Manyi Aburam o̱no̱zo̱we̱: “Ma o̱ngo̱o̱le̱ zoz imma Aburam. Ke̱e̱ni̱ anna i̱li̱b cunne, kazunni atin anna i̱nne̱t oroot.”

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 48:3

Izek zin Ya̱ko̱bo̱ Yosevo ne, “I̱ye̱le̱ya̱ Ta̱mu̱ta̱dde̱n wa anyak Komiz do̱o̱k ele cinne ngati een Luz, lo̱o̱ce̱ ci Kanaani, kar enne ku̱mu̱yu̱wa̱ annit nginati,

Lu̱ge̱z 10:3

Oot zin Musesi ki Aaron rok alaan kar kizettek ne, “Icu zoz ci a̱du̱wa̱ Manyi Ta̱mu̱ta̱dde̱n ci olli I̱bu̱ru̱, azi ne, ‘Rok atinga iróng i̱nna̱ aziyi zoz cinanni? Anyik ol cigannik ku̱lu̱ge̱t, abunna ovvo nege alayan.

Lu̱ge̱z 17:5

Abarizek zin Manyi Muses zoz necu, “Too o̱o̱we̱ ci ollu. Orkorrit zin ki lo̱ddi̱ki̱re̱ cik olli Israilo u̱gge̱ kar nyak ki cool bali a̱ru̱we̱ i̱nna̱ liil ci een Nail ke̱, kar zin bito.

Lu̱ge̱z 19:1

Imma i̱i̱te̱ne̱ ci een oo nye̱lo̱we̱ ci een i̱i̱yo̱ ngati u̱lu̱ge̱to̱ olli Israilo Masire, kar zin ku̱zu̱cca̱ Balal ci een zara Sinai i̱i̱te̱n neci.

Lu̱ge̱z 3:12

Kar Ta̱mu̱ta̱dde̱n kize ne, “Keelani atin anna i̱nne̱ta̱. Een atin necu baayenit ci ki̱tto̱ni̱n: Ming aara anyaha olli Israilo Masire, ala atin i̱nna̱ Ta̱mu̱ta̱dde̱n biye cu.”

Lu̱ge̱z 3:16

“Bit, lut lo̱ddi̱ki̱re̱ cik Israilo kar izek nogo ne, ‘A̱nne̱ka̱ Manyi, Ta̱mu̱ta̱dde̱n ci be̱e̱ti̱ggo̱k ki Aburaham, I̱sa̱ko̱ ki Ya̱ko̱bo̱ ne: Koroota baiz ci a̱gi̱ddu̱ng ol Masire.

Lu̱ge̱z 4:1

O̱bo̱de̱k zin Musesi Manyi a̱nne̱k ne, “Ma atidic ming iróng olli Israilo aziknan, icima iróng elemi ming i̱ye̱la̱ Manyi annit ele de̱de̱?”

Lu̱ge̱z 4:23

kar anna ku̱du̱wa̱i̱n, “Anyik ngeranni kuk, kar enne atin kalawan.” Abarik i̱nna̱ a̱ju̱ra̱ne̱ iróng anyik nonno kuk; i̱yo̱ko̱ zin kokko atin anna ka̱ru̱i̱ a̱bu̱nya̱ cuggo̱k macik.’”

Lu̱ge̱z 4:24

Imma bali ovvo nege ooginne goola ngati ovvoye nege Masire, i̱ki̱ya̱k Manyi Muses orong kar ku̱ru̱k nonno.

Lu̱ge̱z 4:31

elemtta zin nege zoz neci. Baling iziyyet nege zoz neci, icin Manyi matiz cinne̱ng orong enne kidiman nogo kubunnta, a̱ka̱tte̱k zin nege u̱zu̱ngtti̱ lo̱o̱c kar kalac Ta̱mu̱ta̱dde̱n.

Lu̱ge̱z 5:1

Bali vu̱rrta̱ oot Musesi ki Aaron rok alaan ci Masiro kar kizettek ne, “Een necu zoz ci a̱du̱wa̱ Manyi, Ta̱mu̱ta̱dde̱n ci Israilo: ‘Anyik ol cigannik koot, kar zin atin kadait kwo̱o̱r cinanni balala.’”

Lu̱ge̱z 5:3

Izeto zin nege ne, “I̱ki̱ya̱ Manyi Ta̱mu̱ta̱dde̱n ci olli I̱bu̱ru̱ ku̱ru̱mto̱wa̱ ki agita. I̱yo̱ko̱ inyet keronta i̱i̱nya̱ i̱i̱yo̱ balala kar kapaktek wawa Manyi Ta̱mu̱ta̱dde̱n cinna. Ming iróng kogon niko, okko wo̱ye̱ atidic enne egerzanet zereta icima illawa.”

Lu̱ge̱z 7:16

Kar izek nonno ne, ‘I̱tto̱na̱na̱ Manyi Ta̱mu̱ta̱dde̱n ci olli I̱bu̱ru̱ rok i̱nne̱ta̱ abunna ming kazi ne: Anyik ol cigannik ku̱lu̱ge̱t koot, kar abunna ovvo alaya annit balala. Abarik rok i̱yo̱ko̱ niko ko̱, iróng i̱nna̱ orongi zik zoz necu.

Lu̱ge̱z 8:1

A̱nne̱k zin bo̱do̱k Manyi Muses ne, “Bit ngati alaan ci Masiro, kar ize ne, ‘Icu zoz ci a̱du̱wa̱ Manyi: Anyik ol cigannik koot ku̱lu̱ge̱t lo̱o̱ce̱ cunne ko̱, kar atin nege kalayya annita.

Lu̱ge̱z 8:20

A̱nne̱k zin Manyi Muses ne, “Tinga je̱e̱na̱ loza nge̱rre̱t ingani kar oot u̱ru̱mto̱ ki alaan ci Masiro go̱o̱le̱ ci okkoye enne liila, kar du̱wa̱k nonno zoz cu, ‘Icu zoz ci a̱du̱wa̱ Manyi: Anyik ol cigannik koot, kar atin koot nege kalayya annita.

Lu̱ge̱z 8:23

Kogonni atin ngerow ngati ol cigannik ki ol cigunnek. Okko gi̱i̱ ci a̱vu̱la̱ i̱ye̱la̱i̱ loza.’”

Lu̱ge̱z 9:1

Kar zin Manyi kizek Muses ne, “Bit rok alaan ci Masiro, kar du̱wa̱k nonno, izek ne, ‘Zoz ci a̱du̱wa̱ Manyi Ta̱mu̱ta̱dde̱n ci olli I̱bu̱ru̱ icu, azi ne, “Anyik ol cigannik ku̱lu̱ge̱t koot abunna ovvo nege alayan.”

Lu̱ge̱z 9:13

A̱nne̱k zin Manyi Muses ne, “Tinga je̱e̱na̱ ingani nge̱rre̱t ri̱ri̱wo̱na̱, ditozik alaan ci Masiro kar izek nonno ne, ‘Icu zoz ci a̱du̱wa̱ Manyi, Ta̱mu̱ta̱dde̱n ci olli I̱bu̱ru̱: Anyik ol cigannik ku̱lu̱ge̱t koot, kar atin nege kalayya annita,