Lu̱ge̱z 3:16 - Tennet

¹⁶ “Bit, lut lo̱ddi̱ki̱re̱ cik Israilo kar izek nogo ne, ‘A̱nne̱ka̱ Manyi, Ta̱mu̱ta̱dde̱n ci be̱e̱ti̱ggo̱k ki Aburaham, I̱sa̱ko̱ ki Ya̱ko̱bo̱ ne: Koroota baiz ci a̱gi̱ddu̱ng ol Masire.

Lu̱ge̱z 3:16 ပူးပေါင်းရင်းမြစ်များ

Kananet 1:7

U̱tu̱gu̱we̱ zin zoz neci ki baling u̱du̱wa̱ Ta̱mu̱ta̱dde̱n, enger maam cik aavtte bobora ki maam cik aavtte ta̱dde̱na̱.

Kananet 21:1

Aanyik zin Manyi Sarah eezet kedete ki bali a̱nne̱k enne ke̱, kar Manyi ku̱tu̱gu̱we̱k Sarah zoz bali u̱du̱wa̱ enne ke̱.

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Kananet 48:15

U̱mu̱yu̱k zin enne Yosevo kar kize ne, “Anyik bai Ta̱mu̱ta̱dde̱n ci be̱e̱ti̱ga̱ni̱k Aburaham ki I̱sa̱ko̱ bali owo ki nonno ke̱, Ta̱mu̱ta̱dde̱n wa een bali tuwayoit cinanni i̱i̱nya̱ do̱o̱k baize cinanni rok i̱i̱te̱n cu,

Kananet 50:24

Izek zin Yosevo gotonoggi ne, “Ize annit ojon daizi. Ka̱gga̱ zin abarik anna, okko atin Ta̱mu̱ta̱dde̱n eelannung okkoyyung lo̱o̱ce̱ cu rok lo̱o̱c bali ogone enne olom ki Aburaham, ki I̱sa̱ko̱ ki Ya̱ko̱bo̱ ke̱.”

Lu̱ge̱z 1:8

I̱ki̱ya̱ zin alaani ci een jor a̱gga̱m lo̱o̱c ci Masiro, iróng zin da̱ enne a̱gga̱ kaal cik u̱tu̱gu̱ Yosevo.

Lu̱ge̱z 13:19

Aanyik zin Musesi nogo kodongta ki emme cik Yosevo eci enne aanyik ba̱li̱ye̱ olli Israilo ku̱tu̱gu̱zzo̱ olom zo̱ze̱ ci emme ciginnek. Ize enne ne, “De̱de̱ a̱kku̱ atin Ta̱mu̱ta̱dde̱n ki̱ki̱ya̱ keelaung, kar atin odongit emme cigannik bu̱k ngatu.”

Lu̱ge̱z 15:14

Aziye atin lo̱o̱co̱wa̱ do̱o̱k doiz ki di̱ngdi̱ngo̱n cunne kar kaanyik nogo bba̱ri̱to̱n ci a̱ppwe̱ oroot; ming ovvo nege aziye kaal cik a̱vu̱la̱ ogone orgene ci olli Philistia, o̱ngo̱o̱le̱ atin nege oroot.

Lu̱ge̱z 17:5

Abarizek zin Manyi Muses zoz necu, “Too o̱o̱we̱ ci ollu. Orkorrit zin ki lo̱ddi̱ki̱re̱ cik olli Israilo u̱gge̱ kar nyak ki cool bali a̱ru̱we̱ i̱nna̱ liil ci een Nail ke̱, kar zin bito.

Lu̱ge̱z 18:12

Kar zin Jethro i̱nyi̱k ci Musesi kanyaha kaal cik apahek enne Ta̱mu̱ta̱dde̱n kize ci atuzek enne nonno. Kar zin Aaroni ki lo̱ddi̱ki̱re̱ cik Israilo do̱o̱k ki̱vi̱ta̱ kadakto ki i̱nyi̱k ci Musesi ngu̱me̱ ci Ta̱mu̱ta̱dde̱no̱.

Lu̱ge̱z 2:25

Icin zin Ta̱mu̱ta̱dde̱n olli Israilo ming apirna kar zin enne katamatek nogo.

Lu̱ge̱z 3:2

Imma nginati, i̱ye̱la̱k zin anjilo ci Manyi nonno ele ki i̱yo̱ko̱ gwa̱a̱ gon garuwe ko̱. Icin Musesi zari ci anyak gwo̱o̱ ming alanyiti iróng zin garuwoci neci atuze.

Lu̱ge̱z 3:6

Kar zin enne kize ne, “Ke̱e̱ni̱ anna Ta̱mu̱ta̱dde̱n ci baatunne, Ta̱mu̱ta̱dde̱n ci Aburahami, Ta̱mu̱ta̱dde̱n ci I̱sa̱ko̱ ki Ta̱mu̱ta̱dde̱n ci Ya̱ko̱bo̱.” Imma zin zo̱ze̱ necu, u̱lu̱gu̱ny Musesi ngu̱m cinne, eci enne o̱ngo̱o̱le̱ kar kicin Ta̱mu̱ta̱dde̱n.

Lu̱ge̱z 4:1

O̱bo̱de̱k zin Musesi Manyi a̱nne̱k ne, “Ma atidic ming iróng olli Israilo aziknan, icima iróng elemi ming i̱ye̱la̱ Manyi annit ele de̱de̱?”

Lu̱ge̱z 4:29

U̱lu̱tta̱ zin Musesi ki Aaron lo̱ddi̱ki̱re̱ cik Israilo do̱o̱k,

Lu̱ge̱z 4:31

elemtta zin nege zoz neci. Baling iziyyet nege zoz neci, icin Manyi matiz cinne̱ng orong enne kidiman nogo kubunnta, a̱ka̱tte̱k zin nege u̱zu̱ngtti̱ lo̱o̱c kar kalac Ta̱mu̱ta̱dde̱n.

Lu̱ge̱z 4:5

Ize zin Manyi ne, “Tu̱gu̱ zoz necu ki i̱yo̱ko̱ kar olli Israilo kelemtta zoz ci Manyi Ta̱mu̱ta̱dde̱n ci be̱e̱ti̱gge̱k ki Aburaham ki I̱sa̱ko̱ ki Ya̱ko̱bo̱, i̱ye̱le̱i̱ Manyi i̱nne̱t ele de̱de̱.”

Ma̱te̱yo̱ 26:3

Imma zin i̱i̱te̱n neci, u̱lu̱tte̱ alaata cik olli wawaco ki lo̱ddi̱ki̱re̱ cik ollu ce̱e̱ze̱ ci alaan ci a̱ddi̱ki̱re̱ wawaco ci een zara Kaipas,

Lu̱ka̱ 1:68

“Kinnati Manyi Ta̱mu̱ta̱dde̱n ci Israilo, eci enne i̱ki̱ya̱ i̱ti̱ri̱z ol ciginnek.

Lu̱ka̱ 19:44

Orocekung atin nege i̱ge̱ta̱ ki dooli do̱o̱k di̱la̱twa̱ cuggo̱k ecito. Iróng atin nege ungnek bee co̱de̱ ka̱vvu̱ o̱o̱we̱ ci gononi, eci iróng niga ba̱li̱ye̱ elemnyyu i̱i̱te̱n ci a̱kku̱na̱kku̱ng Ta̱mu̱ta̱dde̱n i̱ge̱ta̱.”

Buk wa To̱ni̱a̱u̱ 11:30

U̱lu̱tta̱ zin nege kaal cigge̱k kar ki̱jji̱nne̱t Barnabas ki Saul abunna ovvo anyike ol cik a̱ddi̱ki̱re̱ muci cigge̱k ko̱.

Buk wa To̱ni̱a̱u̱ 15:14

Oobekket Si̱mo̱ne̱ zoz wa a̱kku̱na̱ke̱ Ta̱mu̱ta̱dde̱n ol cik iróng een Ya̱u̱d, orong kanyaha ol ne̱ko̱ u̱gge̱ kizeto ciginnek.

Buk wa To̱ni̱a̱u̱ 20:17

Baling arawa Pa̱u̱lo̱ orog ci een zara Miletus, i̱tto̱ne̱k enne waraga lo̱ddi̱ki̱re̱ cik ke̱le̱ci̱a̱k o̱rge̱ ci Ephesusi.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

Buk ci ozoz zoz ci ngaa ci een Ruz 1:6

Baling izik Naomi Moaba zoz ci eelanne Manyi ol ciginnek aanyik da̱i̱ne̱t, orong zin Naomi ki alawanet ciginnek ki̱mi̱rte̱ koot olo.