Lu̱ge̱z 3:14 - Tennet

¹⁴ Izek Ta̱mu̱ta̱dde̱n Muses ne, “Du̱wa̱k nogo ke̱e̱ni̱ anna Ta̱mu̱ta̱dde̱n wa een zara annita. Icu zoz ci a̱du̱wa̱k i̱nna̱ olli Israilo, ‘Annit ci i̱tto̱na̱na̱ annit rok i̱ge̱ta̱.’”

Lu̱ge̱z 3:14 ပူးပေါင်းရင်းမြစ်များ

Lu̱ge̱z 15:3

Manyi ci oor illa oroot; een zara ciginnek Manyi.

Lu̱ge̱z 3:13

Izek zin Musesi Ta̱mu̱ta̱dde̱n ne, “Ming kuwa anna rok olli Israilo kar kizek nogo ne, ‘I̱tto̱na̱na̱ Ta̱mu̱ta̱dde̱n ci be̱e̱ti̱ggo̱k annit ki̱ki̱ya̱u̱ng,’ kar nege ki̱jji̱nta̱n, ‘Een zara ciginnek ngene?’ Ka̱nne̱k atin anna nogo ne?”

Lu̱ge̱z 6:2

A̱nne̱k bo̱do̱k Ta̱mu̱ta̱dde̱n Muses ne, “Ke̱e̱ni̱ anna Manyi.

Lu̱ge̱z 6:3

Ki̱ye̱le̱ya̱ anna ba̱li̱ye̱ ele Aburaham, ki I̱sa̱ko̱ ki Ya̱ko̱bo̱, ke̱e̱ni̱ Ta̱mu̱ta̱dde̱n wa anyak Komiz do̱o̱k, ma̱i̱je̱ zara cigannik een Manyi. Ngen anna ku̱du̱wa̱k nogo zar cigannik.

Ma̱te̱yo̱ 18:20

Eci ming alute ol cik een rama icima i̱i̱yo̱ zo̱ze̱ ci zar cigannik, kaave anna orgene cinne̱ng.”

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Kaviyak wak Abunna Ta̱mu̱ta̱dde̱no̱ eher Joni 8:24

Ku̱du̱wa̱u̱ng anna i̱ge̱ta̱ ka̱nne̱kku̱ng ne, a̱da̱knnu̱ atin mu̱nye̱ne̱ cuggo̱k. Ming iróng a̱tu̱yya̱ng annit, a̱da̱knnu̱ atin mu̱nye̱ne̱ cuggo̱k.”

Kaviyak wak Abunna Ta̱mu̱ta̱dde̱no̱ eher Joni 8:28

Izek zin nogo ne, “Ming odongteu Ngerrti E̱e̱to̱ ta̱dde̱n, a̱gga̱yyu̱ atin ke̱e̱ni̱ anna nonno, kar bo̱do̱k a̱gga̱c iróng anna kogonni gi̱i̱ imma doize cinanni. Abarik kozozi ki bali ming edemeza Baba ke̱.

Kaviyak wak Abunna Ta̱mu̱ta̱dde̱no̱ eher Joni 8:58

A̱nne̱k Ye̱su̱ nogo ne, “Ka̱du̱wa̱kku̱ng zoz ci een de̱de̱, baling ngen Aburahami ki̱ti̱rra̱i̱, ka̱vvu̱ anna to la̱du̱n.”

2 Ko̱ri̱nto̱ 1:20

U̱du̱wa̱ Ye̱su̱ zo̱zzo̱k cik Ta̱mu̱ta̱dde̱no̱ do̱o̱k een de̱de̱. Ka̱di̱ngdi̱nga̱n zin gon naga nonno ngati ka̱nne̱ke̱ ne Amin.

I̱bu̱ru̱ 13:8

Iróng Ye̱su̱ Ki̱ri̱sto̱ uhu zoz cinne! Aave niko baliwaz, wazin necu kar bo̱do̱k ka̱vvu̱ udut.

O̱no̱zzo̱k 1:17

Baling kicina anna nonno, kuduwa lo̱o̱c zoone ciginnek kiwagon e̱e̱ti̱ ci a̱da̱ha̱. Kar zin enne katadeya annit a̱zzi̱t cinne a̱zzo̱ kar kize ne: “Ma o̱ngo̱o̱le̱ gi̱i̱ imma. Annit ci ke̱e̱ni̱ Oo ki Vu̱rru̱t.

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 1:8

Azi Manyi Ta̱mu̱ta̱dde̱n ne, “Ke̱e̱ni̱ anna Kananet ki Ṯurnenet, annit ci kaave i̱yo̱ko̱, annit ci kaave ba̱li̱ye̱, annit ci atin kokko ka̱kku̱ni̱, annit ci ke̱e̱ni̱ Ta̱mu̱ta̱dde̱n ci kanyai Komiz do̱o̱k.”

O̱no̱zzo̱k 4:8

Ovvo kaala ne̱k e̱e̱ggi̱n we̱c aruge ko̱, anyak ngenngene ṯaabani torkonom, anyak bo̱do̱k ebere ṯaabete do̱o̱k rok ecito. E̱be̱ne̱ nege wazin ki ba̱a̱li̱n kaal azi ne: “A̱li̱le̱, a̱li̱le̱, a̱li̱le̱ nonno ci een Manyi Ta̱mu̱ta̱dde̱n ci anyak Komiz do̱o̱k, wa bali aave, kar i̱yo̱ko̱, kar atin okko a̱kku̱.”