Lu̱ge̱z 3:12 - Tennet

¹² Kar Ta̱mu̱ta̱dde̱n kize ne, “Keelani atin anna i̱nne̱ta̱. Een atin necu baayenit ci ki̱tto̱ni̱n: Ming aara anyaha olli Israilo Masire, ala atin i̱nna̱ Ta̱mu̱ta̱dde̱n biye cu.”

Lu̱ge̱z 3:12 ပူးပေါင်းရင်းမြစ်များ

Kananet 15:1

Imma bali vu̱rrta̱, i̱ki̱ya̱k zoz ci Manyi Aburam o̱no̱zo̱we̱: “Ma o̱ngo̱o̱le̱ zoz imma Aburam. Ke̱e̱ni̱ anna i̱li̱b cunne, kazunni atin anna i̱nne̱t oroot.”

Kananet 15:8

Abarik Aburami ize ne, “Manyi wa abal kaal do̱o̱k, ka̱gga̱ atin anna ku̱ okko looci cu een cinanni?”

Kananet 26:3

A̱vvu̱ lo̱o̱ce̱ necu do̱yo̱i̱t, kaave atin anna ki i̱nne̱ta̱ kar atin ka̱mu̱yu̱i̱ i̱nne̱ta̱. Eci kanyike atin anna i̱nne̱t ki dooli ki dooli cigunnek lo̱o̱cco̱k ne̱ko̱, kar atin nege ku̱zu̱tte̱ olom bali ku̱du̱wa̱ anna baatunne Aburaham ke̱.

Kananet 31:3

A̱nne̱k zin Manyi Ya̱ko̱bo̱ ne, “Mi̱re̱, bit lo̱o̱ce̱ ci be̱e̱ti̱gu̱nne̱k ki boor cigunnek, kaave atin anna ngatunne.”

Lu̱ge̱z 18:5

I̱ki̱ya̱k zin i̱nyi̱k ci Musesi, Jethro ki ngaa ci Musesi ki logoz ciginnek nonno balala, nyaperite ci aave ojonun ki be ci Ta̱mu̱ta̱dde̱no̱.

Lu̱ge̱z 3:1

Uuwa da̱ Musesi eeza ki a̱zza̱ cik i̱nyi̱k cinne Jethro, e̱e̱t ci wawaco lo̱o̱ce̱ ci Midiani, egewe zin da̱ enne kaal balala kar ki̱ki̱ya̱k Horeb bee ci Ta̱mu̱ta̱dde̱no̱.

Lu̱ge̱z 3:13

Izek zin Musesi Ta̱mu̱ta̱dde̱n ne, “Ming kuwa anna rok olli Israilo kar kizek nogo ne, ‘I̱tto̱na̱na̱ Ta̱mu̱ta̱dde̱n ci be̱e̱ti̱ggo̱k annit ki̱ki̱ya̱u̱ng,’ kar nege ki̱jji̱nta̱n, ‘Een zara ciginnek ngene?’ Ka̱nne̱k atin anna nogo ne?”

Lu̱ge̱z 4:12

I̱yo̱ko̱ bito; keelani atin anna i̱nne̱t kar abunna ozozi kar ke̱de̱me̱zi̱ zoz ci okko atin i̱nna̱ a̱du̱wa̱.”

Lu̱ge̱z 4:15

Abunna ming ozozik nonno zoz ci okko enne a̱du̱wa̱; keelannung atin anna i̱ge̱t do̱o̱k kar atin kedemezteung gi̱i̱ ci ovvo niga ogonnu.

Lu̱ge̱z 8:27

Abunna ka̱lu̱gja̱ lo̱o̱ce̱ cu kar ko̱o̱tta̱ balala i̱i̱nya̱ i̱i̱yo̱ kar kapaktek Manyi Ta̱mu̱ta̱dde̱n cinna kaal ki bali u̱du̱wa̱ enne ke̱.”

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Marko 16:20

Oot zin nuyaha uwaktek ol zoz ci Ta̱mu̱ta̱dde̱no̱ lo̱o̱co̱we̱ do̱o̱k. I̱li̱ngli̱ng zin Manyi ki nogo kar kaanyik zoz cinne ku̱tu̱gu̱we̱ go̱o̱le̱ ci ogone nege kaal cik a̱vu̱la̱.

Buk wa To̱ni̱a̱u̱ 11:21

Aave bali komizi ci Manyi ki nogo, u̱tu̱we̱t ol cik meelek kar zin kunuwet Manyi Ye̱su̱.

Buk wa To̱ni̱a̱u̱ 7:7

Ma̱i̱je̱ atin anna ke̱de̱zi̱ ol ne̱k aanyik nogo kizeto du̱cca̱k ke̱, imma vu̱rrta̱ ovvo atin nege iyowa lo̱o̱ce̱ neci kar kalayya annita ngatu.’

Roma 8:31

Kozoz wo̱ye̱ naga bo̱do̱k nya zo̱zzo̱we̱ ne̱k odola Manyi ko̱ do̱o̱k? Ming aave Ta̱mu̱ta̱dde̱n de̱de̱ o̱to̱ne̱ cinna, ngene wo̱ye̱ bo̱do̱k ci acinnet gerzet?

I̱bu̱ru̱ 13:5

Ma amanikku o̱ro̱bi̱ya̱ cik ollu, e̱le̱zzo̱ ki cik aanyai i̱nna̱ ko̱. Eci ize Ta̱mu̱ta̱dde̱n ne, “Iróng atin anna ko̱do̱te̱kku̱ng i̱ge̱t lo̱o̱c, iróng atin anna kungnekkung lo̱o̱c.”