Lu̱ge̱z 20:6 - Tennet

⁶ ma̱i̱je̱ ngatu ki̱ye̱le̱ke̱ rezinet bu̱u̱llo̱k i̱bbo̱nge̱t cik meelek giir ireza annit kar ku̱zu̱tte̱ lo̱ti̱nno̱k cigannik.

Lu̱ge̱z 20:6 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 14:15

Izek zin bo̱do̱k Ye̱su̱ nogo ne, “Ming irezang niga annit, elemnyyu zoz ci ka̱du̱wa̱ anna.

Kaviyak wak Abunna Ta̱mu̱ta̱dde̱no̱ eher Joni 14:21

Ming a̱gga̱m e̱e̱ti̱ zoz cinanni, kar zin bo̱do̱k kuzute lo̱ti̱nno̱k ne̱ke̱, ireza e̱e̱ti̱ neci annita. Irez atin Baba e̱e̱t neci ireza annit ke̱, kar zin bo̱do̱k anna kirez nonno kar zin ki̱ye̱le̱k ele ka̱gga̱wa̱n.”

Buk wa To̱ni̱a̱u̱ 2:39

Een muci necu cunno̱ng ki dooli cuggo̱k ki ol cik aavtte reena, e̱e̱ggi̱n ol ne̱ko̱ do̱o̱k cik awu atin Ta̱mu̱ta̱dde̱n.”

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

1 Jon 4:19

Kirezo naga e̱le̱tti̱ eci een Ta̱mu̱ta̱dde̱n ci irezet agit arrak oowa.

1 Jon 5:3

I̱ye̱la̱i̱ zin rezinet ci kireze naga Ta̱mu̱ta̱dde̱n go̱o̱le̱ ci ka̱li̱ngli̱nge̱ lo̱ti̱nno̱k ciginnek, iróng lo̱ti̱nno̱wa̱ ne̱ke̱ okkomi,

2 Jon 1:6

Een necu rezinet: abunna kabak ti̱lo̱wi̱nte̱ cinne, ki i̱yo̱ko̱ bali iziktu niga ke̱, a̱du̱wa̱ zoz ci azi ne, abaito rezinta.