Lu̱ge̱z 2:24 - Tennet

²⁴ Izik zin Ta̱mu̱ta̱dde̱n u̱lu̱wa̱ cinne̱ng kar ka̱a̱da̱ olom cinne ki Aburaham, ki I̱sa̱ko̱ ki Ya̱ko̱bo̱.

Lu̱ge̱z 2:24 ပူးပေါင်းရင်းမြစ်များ

Kananet 15:13

Izek zin Manyi Aburam ne, “Ka̱gga̱ niko ovvo atin dooli cik dooli cigunnek e̱e̱ggi̱n i̱do̱ngi̱ lo̱o̱ce̱ ci iróng een cinne̱ng, ovvo atin nege e̱e̱ggi̱n du̱cca̱k e̱rki̱nya̱ obet we̱c (400).

Kananet 16:11

Iizek bo̱do̱k anjilo ci Ta̱mu̱ta̱dde̱no̱ Hagar ne, “Een do̱le̱c ci anyai i̱nna̱ kenga ko̱ lo̱gu̱t ci maci. Ming utuyai, katek zar kize Ismail ma̱rri̱t Manyi izik matiz cunne.

Kananet 17:7

Kazunne atin anna olom cinanni ki i̱nne̱t kize ci aave udut ku̱ru̱m ci doolinnu veelek bu̱u̱llo̱k ki bu̱u̱llo̱k, ke̱e̱ni̱ Ta̱mu̱ta̱dde̱n cunne ki bu̱u̱llo̱k cik a̱vvu̱ vu̱rrta̱.

Kananet 18:18

Ovvo atin dooli cik Aburahami e̱e̱ggi̱n ol cik okkomi, kar i̱do̱ngi̱ do̱o̱k lo̱o̱ta̱ ngatu kurubta ma̱yu̱we̱ne̱t ngatinne.

Kananet 22:16

a̱nne̱k ne, “Ki̱tto̱ni̱k anna ele cinanni, ming ozoz Manyi, eci i̱nna̱ u̱tu̱gu̱ zoz necu iróng a̱ju̱ra̱ne̱ ngerunne wa o̱de̱ ṯok,

Kananet 26:2

Ozozek zin Manyi I̱sa̱ko̱ o̱no̱zo̱we̱, “Ma aluce okko Masire; bak lo̱o̱ce̱ ci ka̱du̱wa̱ki̱ abunna ming abahe ko̱.

Kananet 26:24

Okko ba̱a̱li̱n neci, i̱ye̱le̱k Manyi I̱sa̱ko̱ ele kar kize ne, “Ke̱e̱ni̱ anna Ta̱mu̱ta̱dde̱n ci baatunne Aburaham. Ma o̱ngo̱o̱le̱, eci anna kaave ngatunne; ka̱mu̱yu̱ki̱ atin anna i̱nne̱ta̱ kar atin kanyik dooli cigunnek kizeto meele zo̱ze̱ ci du̱ca̱i̱t cinanni Aburaham.”

Kananet 26:3

A̱vvu̱ lo̱o̱ce̱ necu do̱yo̱i̱t, kaave atin anna ki i̱nne̱ta̱ kar atin ka̱mu̱yu̱i̱ i̱nne̱ta̱. Eci kanyike atin anna i̱nne̱t ki dooli ki dooli cigunnek lo̱o̱cco̱k ne̱ko̱, kar atin nege ku̱zu̱tte̱ olom bali ku̱du̱wa̱ anna baatunne Aburaham ke̱.

Kananet 32:28

Ize zin e̱e̱ti̱ neci ne, “Iróng zara cigunnek bo̱do̱k ngen een Ya̱ko̱bo̱, abarik anyik zar cigunnek kizeto Israil, eci i̱nna̱ ocodou ki Ta̱mu̱ta̱dde̱n ki bo̱do̱k ol, ommogu zin i̱nna̱ nogo do̱o̱k.”

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 35:12

Imma lo̱o̱c bali kanyike anna Aburaham ki I̱sa̱ko̱, kaanyi anna i̱nne̱t bu̱k, kanyike atin anna lo̱o̱c necu dooli cik dooli cigunnek.”

Kananet 8:1

I̱no̱n zin Ta̱mu̱ta̱dde̱n zoz ci Nowa ki ollinne ki kaal ki elegje balik aavtte ki nonno i̱ba̱ ke̱, kar zin ki̱tto̱na̱ ngoot ku̱vu̱wa̱n lo̱o̱c, kar zin maama koot lo̱o̱ta̱ todowai.

Lu̱ge̱z 6:5

I̱yo̱ko̱, kicina matiz ci apirnane olli Israilo ngati aanyik olli Masiro nogo kizeto du̱cca̱k cigge̱k, ka̱a̱da̱ zin anna olom bali nanni ke̱.

Buk wa To̱ni̱a̱u̱ 7:34

Kicina anna de̱de̱ piryanzet ci ol cigannik Masire. Kiziya anna u̱lu̱wa̱ cinne̱ng, ka̱kku̱na̱k anna lo̱o̱c kar ki̱ki̱ya̱ keela nogo. I̱yo̱ko̱ zin, i̱jja̱, ki̱tto̱nni̱ atin anna i̱nne̱t mi̱re̱ bit Masire.’