Lu̱ge̱z 2:16 - Tennet

¹⁶ Anyak da̱ e̱e̱ti̱ ci Midiani wawaco lo̱o̱ce̱ neci dooli cik nga̱a̱ye̱k een turgerem, a̱vvu̱ ṯu̱k ovvo aṯila maam kar bo̱do̱k ke̱e̱ltti̱k u̱gge̱ i̱bo̱ kuudet eezena ki a̱zza̱ cik be̱e̱ti̱nne̱ng.

Lu̱ge̱z 2:16 ပူးပေါင်းရင်းမြစ်များ

Kananet 14:18

Anyahak zin Melchizedeki alaani ci Salemi merte ki da̱i̱ne̱t. Een da̱ enne e̱e̱t ci wawaco Ta̱mu̱ta̱dde̱n wa A̱ddi̱ki̱re̱ Veelek,

Kananet 24:11

Aanyik zin enne naganaget kakatit u̱zu̱ngti̱nne̱ iit ojonun, orog abanyca; ize da̱ looci yo̱mo̱n, i̱i̱ ci ovvoye ngaai ṯu̱wa̱ ovvo aṯila maam.

Kananet 24:13

Cinno, kabili anna ṯu̱we̱ cu abanyca, ovvo buuwecci cik o̱rgu̱ a̱vvu̱ ovvo aṯila maam.

Kananet 29:2

Imma nginati icin enne iit, anyak tenyani cik eezau e̱e̱ggi̱n i̱i̱yo̱ eel iit abanyca, eci auduz ol kaal nginati. Okko bee ci aave utuge ci iit neci ke̱ a̱ddi̱ki̱re̱ oroot.

Kananet 41:45

Akatek zin alaani Yosevo zar cik een Zaphenath-Paneah kar kaanyik nonno bo̱do̱k ki̱ti̱k do̱le̱c ci azi zar ne Asenath, buweenyi e̱e̱t ci een Potiphera, e̱e̱t ci wawaco o̱rge̱ ci een On. Kar zin Yosevo ka̱lu̱c lo̱o̱c ci Masiro do̱o̱k.

Lu̱ge̱z 18:1

Een Jethro e̱e̱t ci wawaco o̱rge̱ ci een Midian kar bo̱do̱k kize i̱nyi̱k ci Musesi, izik kaal do̱o̱k cik ogonek Ta̱mu̱ta̱dde̱n Muses ki ol ciginnek Israil, ki bo̱do̱k gool ci anyahane Manyi olli Israilo Masire.

Lu̱ge̱z 18:12

Kar zin Jethro i̱nyi̱k ci Musesi kanyaha kaal cik apahek enne Ta̱mu̱ta̱dde̱n kize ci atuzek enne nonno. Kar zin Aaroni ki lo̱ddi̱ki̱re̱ cik Israilo do̱o̱k ki̱vi̱ta̱ kadakto ki i̱nyi̱k ci Musesi ngu̱me̱ ci Ta̱mu̱ta̱dde̱no̱.

Lu̱ge̱z 3:1

Uuwa da̱ Musesi eeza ki a̱zza̱ cik i̱nyi̱k cinne Jethro, e̱e̱t ci wawaco lo̱o̱ce̱ ci Midiani, egewe zin da̱ enne kaal balala kar ki̱ki̱ya̱k Horeb bee ci Ta̱mu̱ta̱dde̱no̱.