Lu̱ge̱z 19:9 - Tennet

⁹ A̱nne̱k zin Manyi Muses ne, “Kokko anna ka̱kku̱nna̱ki̱ di̱i̱zo̱ce̱ ci a̱ri̱re̱, kar ol kizikta annit ming kozozo ki i̱nne̱ta̱ kar nege gon odohize kaarttek zi̱nze̱tti̱ cigge̱k zoz cunne.” Kar zin Musesi ku̱du̱wa̱k Ta̱mu̱ta̱dde̱n zoz bali u̱du̱wa̱k enne ol ke̱.

Lu̱ge̱z 19:9 ပူးပေါင်းရင်းမြစ်များ

Lu̱ge̱z 14:31

Baling icinnet olli Israilo doiz ci Ta̱mu̱ta̱dde̱no̱ ogonik olli Masiro, o̱to̱ngo̱o̱ltte̱ zin ol Manyi kar kaarttek zi̱nze̱tti̱ nonno ki Muses wa een du̱ca̱i̱t cinne ko̱.

Lu̱ge̱z 19:16

Imma nge̱rre̱t i̱i̱nya̱we̱ wa een i̱i̱yo̱, a̱ju̱l ta̱mu̱ kar kabad, anyak di̱i̱zo̱c ci a̱ri̱re̱ biya ta̱dde̱na̱, kar kanyak ture ci abuwe. A̱bba̱ri̱te̱t ol do̱o̱k nyaperita.

Lu̱ge̱z 20:21

Eraktek ol reena, imma Musesi i̱i̱zo̱ di̱i̱z ci gi̱da̱ngi̱ ngati aave Ta̱mu̱ta̱dde̱n.

Lu̱ge̱z 4:31

elemtta zin nege zoz neci. Baling iziyyet nege zoz neci, icin Manyi matiz cinne̱ng orong enne kidiman nogo kubunnta, a̱ka̱tte̱k zin nege u̱zu̱ngtti̱ lo̱o̱c kar kalac Ta̱mu̱ta̱dde̱n.

Lu̱ge̱z 4:5

Ize zin Manyi ne, “Tu̱gu̱ zoz necu ki i̱yo̱ko̱ kar olli Israilo kelemtta zoz ci Manyi Ta̱mu̱ta̱dde̱n ci be̱e̱ti̱gge̱k ki Aburaham ki I̱sa̱ko̱ ki Ya̱ko̱bo̱, i̱ye̱le̱i̱ Manyi i̱nne̱t ele de̱de̱.”

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Marko 9:7

I̱ki̱ya̱ zin di̱i̱zo̱ci̱ imma kar ku̱bu̱ng nogo, iyowa zin mului di̱i̱zo̱ca̱: “Een necu Ngeranni wa kirezi. Iziyyet zoz cinne!”

Lu̱ka̱ 10:16

“Okko e̱e̱ti̱ ci aziye zoz cunno̱ng aziye zoz cinanni; kar e̱e̱ti̱ ci abure zoz cunno̱ng abure enne zoz cinanni; ma̱i̱je̱ e̱e̱ti̱ ci aburna annita abure enne e̱e̱t bali i̱tto̱na̱na̱ ke̱.”

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.