Lu̱ge̱z 19:5 - Tennet

⁵ I̱yo̱ko̱ ming o̱ngo̱o̱li̱nna̱ng niga annita oroot kar u̱zu̱tte̱ olom cinanni, ovvo atin niga e̱e̱ggi̱nnu̱ ol cigannik ele orgene ci ollu do̱o̱k. Ming nu̱nu̱n een looci cu do̱o̱k cinanni,

Lu̱ge̱z 19:5 ပူးပေါင်းရင်းမြစ်များ

Lu̱ge̱z 15:26

A̱nne̱k nogo ne, “Ming aziknnu niga ju̱rru̱m muluk ci Manyi Ta̱mu̱ta̱dde̱n cunno̱ng kar u̱tu̱gu̱z zoz ci een de̱de̱ ngu̱me̱ cinne, kar bo̱do̱k ming ogonnu kaal cik abunna orong Manyi, iróng atin kanyahakung zeret imma ci ogon ki bali zeret ci i̱i̱na̱k olli Masiro ke̱, eci anna ke̱e̱ni̱ Ta̱mu̱ta̱dde̱n ci kangaru ol mo̱ri̱zo̱we̱.”

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

Lu̱ge̱z 9:29

O̱bo̱de̱k zin Musesi nonno, “Ming kiyowa anna orgato, kokko kala Manyi kabanyik azzin. Abile atin borowoci, iróng atin biyena ngen i̱i̱na̱k lo̱o̱c, kar atin a̱gga̱c een looci cu ci Manyi.

1 Ko̱ri̱nto̱ 10:26

E̱he̱rye̱ warage wa Ta̱mu̱ta̱dde̱no̱ zoz ci azi ne, “Een looci ki kaal wak lo̱o̱tu̱ do̱o̱k, kaal cik Manyi Ta̱mu̱ta̱dde̱no̱.”

I̱bu̱ru̱ 11:8

Imma bo̱do̱k tu̱we̱nte̱ ci e̱e̱t ci een zara Aburaham, elema zoz ci Ta̱mu̱ta̱dde̱no̱ baling awu nonno ke̱, kar kuk lo̱o̱ce̱ bali a̱nne̱k Manyi anyik nonno kuk ke̱, kar atin kuuwe lo̱o̱c neci kize cinne. Okko enne ming iróng a̱gga̱ lo̱o̱c neci nu̱nu̱n.

1 Ko̱ri̱nto̱ 10:28

Abarik ming a̱nne̱kku̱ng e̱e̱ti̱ imma ne, “Etted ol i̱di̱ng necu kize ci ta̱mu̱ta̱dde̱ne̱t wak adimanai azzine,” ma adakku, kar e̱e̱ti̱ ci a̱du̱wa̱kku̱ng ko̱ iróng ogon mu̱nye̱n, kar bu̱k enne ki i̱ge̱t iróng anyakku i̱no̱ni̱ ci gerze zi̱nze̱tti̱nne̱.

I̱bu̱ru̱ 8:9

Iróng atin ogon ki olomi bali kadimani anna ki ji̱ji̱ti̱gge̱k baling ka̱gga̱ma̱ nogo azzine kaara lo̱o̱ce̱ ci Masiro, eci iróng nege azunne olom cinanni, kar anna kutuhuwek nogo bo̱i̱c, u̱du̱wa̱ Manyi.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

Kananet 17:9

Iizek zin bo̱do̱k Ta̱mu̱ta̱dde̱n Aburaham ne, “Imma ngatunne, abunna la̱du̱n i̱nna̱ ming azunne olom cinanni, i̱nne̱t ki dooli cigunnek ki bu̱u̱llo̱k cik atin a̱vvu̱ ke̱.

Lu̱ge̱z 6:7

Ka̱a̱nyu̱ng atin izet ol cigannik, ke̱e̱ni̱ atin anna Ta̱mu̱ta̱dde̱n cunno̱ng. Kar atin niga a̱gga̱c ke̱e̱ni̱ anna Manyi Ta̱mu̱ta̱dde̱n cunno̱ng, wa aarannung baize ci e̱e̱ggi̱nnu̱ du̱cca̱k azzine cik olli Masiro.

Lu̱ge̱z 8:22

“‘Imma i̱i̱te̱ne̱ neci, kogonni atin anna zoz cinne̱ng ka̱vvu̱ do̱, kanyike atin lo̱o̱c ci abahe olli Gosheni ki̱zze̱c ironga to, lo̱o̱c ci abahe ol cigannik, kar atin abunna ming a̱gga̱ ke̱e̱ni̱ anna Manyi, kaave anna lo̱o̱ce̱ necu.