Lu̱ge̱z 18:8 - Tennet

⁸ U̱du̱wa̱k zin Musesi i̱nyi̱k kaal cik ogonik Manyi alaan ki olli Masiro do̱o̱k zo̱ze̱ ci olli Israilo, ki pirnanet ci amuda olli Israilo goola ki eelannet ci eelanne Ta̱mu̱ta̱dde̱n nogo.

Lu̱ge̱z 18:8 ပူးပေါင်းရင်းမြစ်များ

Kananet 44:34

Kokko wo̱ye̱ anna rok baba ku̱, ming iróng anna kanyai ki do̱le̱c? I̱llo̱i̱! Ma aanya kicin matiz ci atin a̱kku̱na̱k baba.”

Lu̱ge̱z 15:16

okko atin bba̱ri̱to̱ni̱ i̱i̱na̱k nogo. Eci doize ci Ta̱mu̱ta̱dde̱no̱, okkomi atin nege kiwagon be, zee ki̱vi̱ta̱ ol cigunnek kozoroc, Manyi, zee kozoroc ol balik anyaha i̱nna̱ ke̱.

Lu̱ge̱z 15:6

Okko a̱zzi̱ti̱ cunne a̱zzo̱, Oh Manyi, wa anyak doiz. Okko a̱zzi̱ti̱ cunne a̱zzo̱ Manyi, idita mo̱ddo̱ cigunnek.

Lu̱ge̱z 16:3

A̱nne̱k olli Israilo nogo ne, “Maya ming ka̱da̱kna̱ a̱tte̱ ci Manyi Masire! Kabak ba̱li̱ye̱ Masire labak, kanyak i̱jjo̱nyya̱ cik abbize i̱di̱, kadak da̱i̱ne̱t cik korongnya naga, abarik niga a̱lu̱ga̱ne̱tu̱ abunna kovvo kapirnanna balala ngatu, aditai atin zu̱we̱ cu do̱o̱k zo̱ze̱ ci magizo.”

Lu̱ge̱z 18:1

Een Jethro e̱e̱t ci wawaco o̱rge̱ ci een Midian kar bo̱do̱k kize i̱nyi̱k ci Musesi, izik kaal do̱o̱k cik ogonek Ta̱mu̱ta̱dde̱n Muses ki ol ciginnek Israil, ki bo̱do̱k gool ci anyahane Manyi olli Israilo Masire.

Lu̱ge̱z 2:25

Icin zin Ta̱mu̱ta̱dde̱n olli Israilo ming apirna kar zin enne katamatek nogo.

Lu̱ge̱z 4:23

kar anna ku̱du̱wa̱i̱n, “Anyik ngeranni kuk, kar enne atin kalawan.” Abarik i̱nna̱ a̱ju̱ra̱ne̱ iróng anyik nonno kuk; i̱yo̱ko̱ zin kokko atin anna ka̱ru̱i̱ a̱bu̱nya̱ cuggo̱k macik.’”

Lu̱ge̱z 7:4

iróng atin enne aziye zoz cunno̱ng. Ka̱du̱li̱ atin olli Masiro komize cinanni, kar kettedek nogo lo̱ki̱ko̱ oroot, kar zin ku̱lu̱ga̱i̱ ol cigannik Israilo Masira.

Lu̱ge̱z 7:5

Kar olli Masiro ka̱gga̱c atin ke̱e̱ni̱ anna Manyi ming ka̱du̱li̱ anna olli Masiro doize cinanni kar ku̱lu̱ga̱i̱ olli Israilo Masire.”