Lu̱ge̱z 18:12 - Tennet

¹² Kar zin Jethro i̱nyi̱k ci Musesi kanyaha kaal cik apahek enne Ta̱mu̱ta̱dde̱n kize ci atuzek enne nonno. Kar zin Aaroni ki lo̱ddi̱ki̱re̱ cik Israilo do̱o̱k ki̱vi̱ta̱ kadakto ki i̱nyi̱k ci Musesi ngu̱me̱ ci Ta̱mu̱ta̱dde̱no̱.

Lu̱ge̱z 18:12 ပူးပေါင်းရင်းမြစ်များ

Kananet 12:7

I̱ye̱le̱k zin Manyi Ta̱mu̱ta̱dde̱n Aburam ele kar kizek ne, “Lo̱o̱c ci kokko atin anna kanyik dooli cik dooli cigunnek icu.” Eteehenyek zin Aburami i̱te̱le̱ ngineci kize ci Manyi bali i̱ye̱le̱k nonno ele ke̱.

Kananet 26:25

Idiman zin I̱sa̱ko̱ i̱te̱le̱ nginati kar kala Manyi. Kar keteehenyek ti̱te̱t cigge̱k ngin neci, kar du̱cca̱ha̱ ciginnek ka̱da̱c iit nginati.

Kananet 26:30

Idimanek zin I̱sa̱ko̱ nogo da̱i̱ne̱t cik meelek, kar kadakto kar bo̱do̱k kuudde.

Kananet 31:54

Kar zin enne kapahek wawac bee neci kar kutu ol ciginnek do̱o̱k ki̱vi̱ta̱ kadakto. Baling adakto nege, a̱ta̱gu̱zzo̱ zin nginati kaal.

Kananet 4:4

Ma̱i̱je̱ Abeli bo̱do̱k otodongek Ta̱mu̱ta̱dde̱n a̱zze̱t. Atahala enne nyoon ci een a̱bu̱ kar zin kumuc Ta̱mu̱ta̱dde̱n i̱di̱nge̱ ci adiye. Atali zin Manyi baiz ci Abeli ki mucenet cinne.

Kananet 43:25

Idimanit zin nege muci cigge̱k ming okko Yosevo a̱kku̱ wazin kenga, eci nege iziyyet ovvo nege adakce nginati.

Kananet 8:20

Idimanek zin Nowa Manyi i̱te̱le̱ kar kalawe nonno. Idima elegje wak abunna adak ol ki iballi bu̱k, kar zin kapahek Ta̱mu̱ta̱dde̱n.

Lu̱ge̱z 18:13

Imma i̱i̱te̱n ci reng, a̱vvu̱ Musesi lecere cinne kize alaan ci lo̱ki̱ko̱, kar ol kibilet aburuk nonno nge̱rre̱t zee kize looci yo̱mo̱n.

Lu̱ge̱z 2:16

Anyak da̱ e̱e̱ti̱ ci Midiani wawaco lo̱o̱ce̱ neci dooli cik nga̱a̱ye̱k een turgerem, a̱vvu̱ ṯu̱k ovvo aṯila maam kar bo̱do̱k ke̱e̱ltti̱k u̱gge̱ i̱bo̱ kuudet eezena ki a̱zza̱ cik be̱e̱ti̱nne̱ng.

Lu̱ge̱z 2:20

I̱jji̱n zin be̱e̱ti̱nne̱ng nogo, “I̱nno̱ zin e̱e̱t neci? Nya ming ungneku nonno lo̱o̱c ko̱? U̱tu̱ya̱ nonno ki̱ki̱ya̱ kadaho.”

Lu̱ge̱z 20:24

“‘Eteheenyycang i̱te̱le̱ lo̱o̱ta̱ ngatu kar apaktek muci ci i̱va̱du̱ gi̱i̱ ci anyikku Ta̱mu̱ta̱dde̱n ki muci ci owowonu niga, apahekku a̱zza̱ ki eeza ki tiin. Ming katahala anna nginti alawe ol zar cigannik, kokko anna ka̱kku̱na̱ku̱ng kar atin ka̱mu̱yu̱ng.

Lu̱ge̱z 3:1

Uuwa da̱ Musesi eeza ki a̱zza̱ cik i̱nyi̱k cinne Jethro, e̱e̱t ci wawaco lo̱o̱ce̱ ci Midiani, egewe zin da̱ enne kaal balala kar ki̱ki̱ya̱k Horeb bee ci Ta̱mu̱ta̱dde̱no̱.

Lu̱ka̱ 14:1

Imma I̱i̱te̱ne̱ wa Yu̱bze̱nto̱ co̱de̱, baling okko da̱ Ye̱su̱ da̱i̱ne̱t ce̱e̱ze̱ ci e̱e̱t ci Varacisi a̱ddi̱ki̱re̱, egelem da̱ ol nonno oroot.

Lu̱ka̱ 14:15

Baling izik e̱e̱ti̱ bali adakce ki Ye̱su̱ nga̱to̱de̱ ke̱ zoz neci, izek zin enne Ye̱su̱ ne, “A̱mu̱yu̱k atin Ta̱mu̱ta̱dde̱n e̱e̱t ci atin adak kwo̱o̱r ba̱a̱li̱nte̱ ci Ta̱mu̱ta̱dde̱no̱.”

1 Ko̱ri̱nto̱ 10:18

I̱no̱ni̱t da̱ niga keerani cik olli Israilo. Anyak ol u̱gge̱ ngatinne̱ng cik adak kaal cik apahek ol Ta̱mu̱ta̱dde̱n i̱te̱la̱.

1 Ko̱ri̱nto̱ 10:21

Iróng wo̱ye̱ abunna ming audenu niga uduce ci Manyi Ye̱su̱ ki bo̱do̱k uduce ci kuulo cik lo̱rye̱nta̱k. Iróng abunna ming adakku umune ci a̱a̱di̱k ol kize ele ci Manyi, kar bo̱do̱k adakku da̱i̱ne̱t cik atuvek ol kuulo.

1 Ko̱ri̱nto̱ 10:31

Ka̱nne̱kku̱ng zin anna i̱ge̱t ne, ming adakce icima aude icima ogoni gi̱i̱ imma ci aave do̱, tu̱gu̱ kize ci a̱di̱ngdi̱nga̱ni̱ Ta̱mu̱ta̱dde̱n.