Lu̱ge̱z 11:1 - Tennet

¹ A̱nne̱k zin Manyi Muses i̱yo̱ko̱ ne, “Kokko anna ke̱de̱zi̱ alaan ci Masiro ki ol ciginnek kanyike zeret imma co̱de̱. Imma vu̱rrta̱, okko atin enne a̱a̱nyu̱ng i̱ge̱t u̱lu̱ge̱t, ming okko enne elemi, ottokung atin kar u̱lu̱ge̱t niga do̱o̱k.

Lu̱ge̱z 11:1 ပူးပေါင်းရင်းမြစ်များ

Kananet 15:14

Ma̱i̱je̱ atin anna ke̱de̱zi̱ ol cik aanyik nogo kizeto du̱cca̱k ke̱, imma vu̱rrta̱, ovvo atin nege iyowa lo̱o̱ce̱ necu ki kaal cik meelek giir.

Lu̱ge̱z 12:29

Imma ba̱a̱li̱n kenga, u̱ru̱k zin Manyi a̱bu̱nya̱ cik Masiro, akane ngati a̱bu̱ ci alaano, ki a̱bu̱nya̱ cik ol wak e̱ce̱bje̱ lagama. Kar bo̱do̱k ku̱ru̱k a̱bu̱nya̱ cik e̱le̱gje̱nnu̱ bu̱k.

Lu̱ge̱z 3:20

Ki̱tto̱ni̱ atin a̱zzi̱t cinanni kar ku̱ru̱k olli Masiro kaale cik a̱vu̱la̱. Imma vu̱rrta̱ a̱a̱nyu̱ng atin enne i̱ge̱t gool.

Lu̱ge̱z 6:1

A̱nne̱k zin Manyi Muses ne, “I̱yo̱ko̱ okko atin i̱nna̱ acinni gi̱i̱ ci kogonik anna alaan ci Masiro: Eci komize cinanni, aanyik atin enne nogo koot; eci komize cinanni ottok atin enne nogo lo̱o̱ce̱ cinne.”

Lu̱ge̱z 9:14

icima kokko atin ki̱tto̱nna̱k zeret ol cik a̱li̱ngli̱ngnyu̱ bu̱k ko̱ ki olli o̱rgu̱ do̱o̱k, kar abunna ming a̱gga̱ i̱llo̱i̱ e̱e̱t imma ci ogon ki anna lo̱o̱ce̱ cu do̱o̱k.

O̱no̱zzo̱k 16:9

Ovoc zin a̱bu̱re̱zi̱ neci ol oroot zee kar zin ol kotorit zar cik Ta̱mu̱ta̱dde̱no̱, wa anyak komiz ci alame zerenin ne̱ko̱ do̱o̱k, abarik utuburet iróng ngen urta mu̱nye̱n cigge̱k kar ki̱di̱ngdi̱nga̱ni̱t nonno.