Lu̱ge̱z 1:7 - Tennet

⁷ Imma olli Israilo i̱ti̱rre̱t da̱ Masire oroot kar zin kabaito lo̱o̱ce̱ neci do̱o̱k.

Lu̱ge̱z 1:7 ပူးပေါင်းရင်းမြစ်များ

Kananet 1:20

I̱i̱te̱n wa een tu̱r, odola zin bo̱do̱k Ta̱mu̱ta̱dde̱n ize ne, “Anyik elegje cik aruge kabaito maame, anyik iballi ku̱ku̱lle̱t ta̱mu̱-kenga.”

Kananet 1:28

U̱mu̱yu̱k Ta̱mu̱ta̱dde̱n nogo kar kizek ne, “I̱ti̱rre̱t ibbizitanit lo̱o̱c do̱o̱k, abalit kaal cik abak nyatapare ci a̱ddi̱ki̱re̱ ki iballi ki elegje cik abak lo̱o̱ta̱ do̱o̱k.”

Kananet 12:2

“Kokko atin anna kadimani i̱nne̱t ize zu̱we̱ ci a̱ddi̱ki̱re̱ kar atin ku̱mu̱yu̱wi̱n; kanyik atin zar cigunnek ku̱bu̱lte̱, anyahak atin i̱nna̱ ol ma̱yu̱we̱ne̱t.

Kananet 13:16

Kanyik atin anna dooli cigunnek kotorte kizeto meele giir kiwagon azac, kar zin ming ikeb e̱e̱ti̱ imma azac, ikebje wo̱ye̱ dooli cik dooli cigunnek bu̱k.

Kananet 15:5

Uwe zin enne nonno reena kar kize ne, “Cin ta̱dde̱n ta̱mu̱-keng kar zin ikeb munyuny, ming wo̱ye̱ ikebi nogo de̱de̱.” Kar enne kizek nonno ne, “I̱yo̱ko̱ zin, ovvo atin dooli cigunnek e̱e̱ggi̱n niko.”

Kananet 17:16

Ka̱mu̱yu̱i̱ atin anna nonno kar ki̱ti̱rra̱i̱ i̱nne̱t do̱le̱c ci maci. Ka̱mu̱yu̱i̱ atin nonno kize e̱e̱ti̱ i̱do̱ngi̱nnu̱ kar atin alaata cik a̱ddi̱ki̱re̱ a̱vvu̱ ce̱e̱ze̱ cunne.”

Kananet 22:17

ka̱mu̱yu̱ki̱ zin atin anna i̱nne̱t de̱de̱ kar kanyik dooli cigunnek kizeto meele ku̱tu̱gu̱zzo̱ kiwagon munyunya ta̱mu̱-kenga, kar bo̱do̱k ki i̱yo̱ko̱ azac liil ti̱ti̱ma̱. Aama atin dooli cigunnek o̱ro̱gjo̱k ngati mo̱ddo̱ cigge̱k,

Kananet 26:22

U̱lu̱k zin enne uk ngamani, a̱da̱yya̱ zin bo̱do̱k du̱cca̱ha̱ cik I̱sa̱ko̱ iit imma kar i̱llo̱i̱ e̱e̱t imma ci adang nonno. Akatek zin I̱sa̱ko̱ iit neci kize Rehoboth, kar I̱sa̱ko̱ kize ne, “I̱yo̱ko̱ aanyyet Manyi nginti a̱ppwe̱, kabala atin kaal ngatu.”

Kananet 26:4

Kanyike atin dooli cigunnek ki̱ti̱rre̱t kizeto meele ki i̱yo̱ko̱ munyunya, kar bo̱do̱k kanyik nogo lo̱o̱c necu do̱o̱k, eci zo̱ze̱ ci dooli cigunnek, amuda atin ol cik lo̱o̱tu̱ do̱o̱k ma̱yu̱we̱ne̱t,

Kananet 28:14

Ovvo atin dooli cigunnek atubo ki azac ci lo̱o̱tu̱, azawonik atin dooli cigunnek lo̱o̱cco̱k cik aavtte nyigja ki je̱e̱na̱, ki bo̱do̱k i̱do̱wa̱ ki i̱do̱li̱ya̱. Ovvo olli lo̱o̱tu̱ do̱o̱k amuda ma̱yu̱we̱ne̱t ngatunne ki dooli cigunnek.

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 46:3

Izek zin Ta̱mu̱ta̱dde̱n nonno ne, “Ke̱e̱ni̱ anna Ta̱mu̱ta̱dde̱n, Ta̱mu̱ta̱dde̱n ci baatunne, ma o̱ngo̱o̱le̱ gi̱i̱ imma ngati okkoye i̱nna̱ Masire, eci kadimani atin anna i̱nne̱t ize orog ci a̱ddi̱ki̱re̱ nginati.

Kananet 47:27

Abaito zin olli Israilo Masire lo̱o̱ce̱ ci een Goshen. U̱tu̱yya̱ zin nege lo̱o̱cco̱k nginati kar kizeto bo̱to̱ro̱ kanyait dooli cik meelek giir.

Kananet 48:16

Anjilo wa eelanna annit kaale cik gerzek do̱o̱k, anyik bai nonno ka̱mu̱yu̱k logoz ne̱ko̱. Anyik bai ol kutu nogo zare cigannik ki zar cik be̱e̱ti̱ga̱ni̱k Aburaham ki I̱sa̱ko̱, anyik bai nogo ki̱ti̱rre̱t kizeto meele giir lo̱o̱ta̱ ngatu.”

Kananet 48:4

kar zin kizeya ne, ‘Kokko atin anna kaanyi ize bo̱to̱ro̱c ci anyai kaal ki dooli cik meelek. Kaanyi i̱nne̱t ize zu̱we̱ ci a̱ppwe̱, kar anna kanyik lo̱o̱c cu dooli cik dooli cigunnek kize cinne̱ng udut.’”

Kananet 9:1

U̱mu̱yu̱k zin Ta̱mu̱ta̱dde̱n Nowa ki logoz ciginnek a̱nne̱k ne, “I̱ti̱rre̱t kar otorta e̱le̱tti̱ kar ibbizitanit lo̱o̱c.

Lu̱ge̱z 1:12

Abarik ming a̱gi̱d olli Masiro nogo oroot, a̱rri̱t zin abarik nege oroot bak azanonnik lo̱o̱c; o̱to̱ngo̱o̱ltte̱ zin olli Masiro Israil,

Lu̱ge̱z 12:37

Baling u̱lu̱ge̱t olli Israilo Masire, owo zone ingazi Ramesesa rok nginti een zara Succoth. E̱e̱ggi̱n nege i̱bbo̱nge̱t obet torkonom (600,000) ol cik macik do̱, iróng ka̱gi̱l ngaai ki dooli.

Lu̱ge̱z 5:5

Ize zin bo̱do̱k alaani ci Masiro ne, “Icinnet, izeto ol ne̱ko̱ meele giir, kar abarik niga abilizzu nogo li̱ngli̱ngo̱na̱.”

Buk wa To̱ni̱a̱u̱ 13:17

Atahala Ta̱mu̱ta̱dde̱n ci Israilo ko̱ ji̱ji̱ti̱gga̱c; kar kaanyik ol eezet baling aavtte nege Masira, kar zin komize cinne, u̱lu̱ga̱i̱ enne nogo Masira,