Lu̱ge̱z 1:17 - Tennet

¹⁷ O̱to̱ngo̱o̱ltte̱ zin ngaai wak eela ngaai ti̱ra̱ ko̱ Ta̱mu̱ta̱dde̱n, iróng zin ngen ogon zoz ci orong alaani ci Masiro nogo ku̱tu̱gu̱zzo̱ ko̱; abarik nege aanycik dooli wak macik kuruget.

Lu̱ge̱z 1:17 ပူးပေါင်းရင်းမြစ်များ

Kananet 20:11

O̱bo̱de̱k zin Aburahami nonno, “Ka̱nne̱k anna ele cinanni, ‘I̱llo̱i̱ de̱de̱ ngo̱li̱ne̱t ci Ta̱mu̱ta̱dde̱no̱ ngatu, kar atin nege ku̱ru̱kta̱ annit zo̱ze̱ ci ngaa cinanni.’

Kananet 42:18

Kar i̱i̱te̱n ci een i̱i̱yo̱, a̱nne̱k zin Yosevo nogo ne, “U̱tu̱gu̱z zoz cu kar uruget, eci ke̱e̱ni̱ anna e̱e̱t ci ko̱ngo̱o̱le̱ Ta̱mu̱ta̱dde̱n:

Lu̱ge̱z 1:18

Utu zin alaani ci Masiro ngaai wak eela ngaai ti̱ra̱ ko̱, kar enne ki̱jji̱n nogo, “Nya ming ogonnu niko ko̱? Nya ming ungneku dooli cik macik kuruget ko̱?”

Lu̱ge̱z 1:21

Eci ngaai wak eela ngaai ti̱ra̱ ko̱ o̱ngo̱o̱le̱ Ta̱mu̱ta̱dde̱n, aanyik zin Ta̱mu̱ta̱dde̱n nogo bu̱k dooli cigge̱k.

Ma̱te̱yo̱ 10:28

Ma o̱ngo̱o̱li̱nnu̱ ol wak a̱ru̱k ele ci e̱e̱t ci diiri, iróng nege a̱ru̱k vongiz ci e̱e̱t ci diiri. Abarik o̱to̱ngo̱o̱ltte̱ Ta̱mu̱ta̱dde̱n wa uule kar ku̱ru̱k ele ki vongiz ci e̱e̱t ci diiri gwo̱o̱ye̱ ci apadpadi udut.

Lu̱ka̱ 12:5

Abarik atin anna ki̱ye̱le̱ku̱ng i̱ge̱ta̱ ngene ci abunna ming o̱ngo̱o̱li̱nnu̱ niga: O̱to̱ngo̱o̱ltte̱ e̱e̱t ci ming u̱ru̱k ele, kar kanyak doiz ci a̱ju̱ke̱k ele neci gwo̱o̱ ci apadpadi udut. De̱de̱ ka̱du̱wa̱kku̱ng anna i̱ge̱ta̱, o̱to̱ngo̱o̱ltte̱ nonno.

Buk wa To̱ni̱a̱u̱ 5:29

O̱bo̱dde̱k Peturu ki to̱ni̱a̱k u̱gge̱, “Abunna la̱du̱n ming ko̱ngo̱o̱le̱ Ta̱mu̱ta̱dde̱n kommog e̱e̱t ci diiri.