Lu̱ge̱z 1:14 - Tennet

¹⁴ Aanyik baiz cinne̱ng kize gerza ngati aanyik ol nogo ki̱li̱ngli̱nge̱t oroot, a̱ru̱k tu̱u̱p kar kongotanit gi̱i̱ ci een zara moota ci a̱di̱le̱ nege ce̱e̱zi̱ kar bo̱do̱k kanycik li̱ngli̱ngo̱no̱k cik aavtte do̱ do̱ a̱ppi̱nte̱k ma̱ne̱ne̱.

Lu̱ge̱z 1:14 ပူးပေါင်းရင်းမြစ်များ

Kananet 15:13

Izek zin Manyi Aburam ne, “Ka̱gga̱ niko ovvo atin dooli cik dooli cigunnek e̱e̱ggi̱n i̱do̱ngi̱ lo̱o̱ce̱ ci iróng een cinne̱ng, ovvo atin nege e̱e̱ggi̱n du̱cca̱k e̱rki̱nya̱ obet we̱c (400).

Lu̱ge̱z 1:11

I̱vi̱ta̱ zin lo̱ddi̱ki̱re̱ cik Masiro kar idimtta ol u̱gge̱ ngatinne̱ng kizeto lo̱ddi̱ki̱re̱ cik du̱cca̱k cik Israilo kar kadangtek nogo ki̱li̱ngli̱nge̱t oroot ngati eenyce nege orog ci een zara Pithom ki bo̱do̱k Rameses, kizeto de̱he̱rwa̱ cik alaan ci Masiro.

Lu̱ge̱z 1:13

kar zin kadangtek nogo li̱ngli̱ngo̱n ci a̱ppwe̱.

Lu̱ge̱z 1:15

A̱nne̱k zin alaani ci Masiro Shiphrah ki Puah, ngaai cik I̱bu̱ru̱ gon eela ngaai cik I̱bu̱ru̱ tuyanta ko̱ ne,

Lu̱ge̱z 2:23

Imma zin vu̱rrta̱, a̱da̱k alaani ci Masiro. Ma̱i̱je̱ olli Israilo ngen abalac ngati a̱gi̱dde̱ ol ne̱ke̱ nogo kizeto du̱cca̱k. U̱tu̱lu̱zzo̱ zin nege oroot orongit Ta̱mu̱ta̱dde̱n keela nogo.

Lu̱ge̱z 20:2

“Ke̱e̱ni̱ anna Manyi Ta̱mu̱ta̱dde̱n cunno̱ng, wa bali ka̱lu̱ga̱nu̱ng Masire lo̱o̱ce̱ bali a̱gi̱ddu̱ng ol ngati e̱e̱ggi̱nnu̱ du̱cca̱k ke̱.

Lu̱ge̱z 6:9

U̱du̱wa̱k zin Musesi zoz necu olli Israilo, abarik iróng nege ngen orong kiziyet zoz neci eci utuburet nege nong zo̱ze̱ bali a̱gi̱dde̱ olli Masiro nogo kizeto du̱cca̱k ke̱.

Buk wa To̱ni̱a̱u̱ 7:19

A̱gga̱m alaani neci ol cigga̱c gerzet kar gon kadangek ji̱ji̱ti̱gga̱c ku̱ju̱ktte̱k zari dooli cik macik ngen a̱rri̱ta̱i̱ jor abunna ming ovvo a̱da̱i̱.

Buk wa To̱ni̱a̱u̱ 7:34

Kicina anna de̱de̱ piryanzet ci ol cigannik Masire. Kiziya anna u̱lu̱wa̱ cinne̱ng, ka̱kku̱na̱k anna lo̱o̱c kar ki̱ki̱ya̱ keela nogo. I̱yo̱ko̱ zin, i̱jja̱, ki̱tto̱nni̱ atin anna i̱nne̱t mi̱re̱ bit Masire.’

Buk ci ozoz zoz ci ngaa ci een Ruz 1:20

Izek zin enne nogo ne, “Ma awuyang zare cik een Naomi, abarik u̱tu̱ya̱ng zare cik een Mara, ma̱rri̱t Ta̱mu̱ta̱dde̱n anyak Komiz do̱o̱k ming utuhu baiz cinanni kize gerza.