Kolosiya 4:11 - Tennet

¹¹ I̱tto̱na̱ e̱e̱ti̱ ci een zara Ye̱su̱ wa azi zar u̱gge̱ bo̱do̱k ne Justus ko̱, zawinet cinne. E̱e̱ggi̱n ol ne̱k izayung ko̱ Ya̱u̱d wak a̱tu̱ zoz ci Ye̱su̱, ka̱li̱ngli̱ngnya̱ zin bu̱k zo̱ze̱ ci ba̱a̱li̱ne̱t ci Ta̱mu̱ta̱dde̱no̱, nogo do̱ cik eelanna annit oroot.

Kolosiya 4:11 ပူးပေါင်းရင်းမြစ်များ

Buk wa To̱ni̱a̱u̱ 10:45

U̱ku̱lte̱k ol balik a̱tu̱we̱ een Ya̱u̱d etted wucic vi̱ca̱vi̱ca̱ orkora ki Peturu ke̱ je̱e̱n, eci Vongizi ci A̱li̱le̱ i̱ki̱ya̱k ol cik iróng een Ya̱u̱d bu̱k.

Buk wa To̱ni̱a̱u̱ 11:2

Baling okko Peturu rok Jerusalem, adangit ol wak a̱tu̱we̱ etted wucic vi̱ca̱vi̱cce̱t ko̱ nonno,

Roma 16:3

Izayeang Priscilla ki mac cinne Akuila balik ka̱li̱ngli̱ngnya̱ ki nogo nga̱to̱de̱ zo̱ze̱ ci Ye̱su̱ Ki̱ri̱sto̱ bu̱k ke̱.

Roma 4:12

Een enne bo̱do̱k be̱e̱ti̱ ol do̱o̱k wak etted wucic vi̱ca̱vi̱ca̱, iróng nege ettede do̱, abarik annu gool ci tu̱we̱nto̱ ci owoye be̱e̱ti̱nna̱ Aburahami baling ngen enne kettede.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

Evesos 2:11

Abunna zin ming a̱a̱da̱nnu̱ iróng niga e̱e̱ggi̱nnu̱ olli Ya̱u̱do̱. Awuyung ba̱li̱ye̱ ol wak etted wucic vi̱ca̱vi̱cce̱t ko̱ izet ol cik iróng etted wucic vi̱ca̱vi̱cce̱t.

Vilipia 4:3

Ka̱jji̱ni̱n goona de̱de̱, kar eela ngaai ne̱k arike e̱le̱tti̱ ki annita li̱ngli̱ngo̱ne̱ ci kaviyak cik abunna, ki bo̱do̱k e̱e̱t ci een Kelemen ki ol u̱gge̱ wak ka̱li̱ngli̱ngnya̱ bu̱k, ol wak e̱he̱rye̱ zara cigge̱k buwe ci rugeto.

Kolosiya 4:7

A̱du̱wa̱kku̱ng atin e̱e̱ti̱ ci een zara Tychicos kaviyak cik obod ki annita. Een enne gotonet ci kirezi anna oroot, azunne zoz ci Manyi, ka̱li̱ngli̱ngnya̱ ki nonno zoz ci Manyi ju̱rru̱m.

1 Te̱se̱lo̱ni̱ka̱ 3:2

Ki̱tto̱ntta̱ gotonet Ti̱mo̱te̱yo̱ wa ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱ ngati kuwaheka ol kaviyak cik abunna, kar ki̱ki̱ya̱ ki̱ti̱lo̱u̱ng zo̱ze̱ ci Ki̱ri̱sto̱ kar bo̱do̱k keelaung ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱.

1 Te̱se̱lo̱ni̱ka̱ 3:7

Ki i̱yo̱ko̱ ming kizikta ngati Ti̱mo̱te̱yo̱ tu̱we̱ne̱t ci odoknannu niga tu̱we̱nte̱ ci a̱tu̱yyu̱ Ye̱su̱ niko, ming nu̱nu̱n kapirnanna gi̱de̱ne̱t ci ollu oroot, aanyyet agit zoz ci azunnu niga zoz ci Ye̱su̱ ko̱ kizeto voore zi̱nze̱tti̱, eci niga ngen a̱tu̱yyu̱ zoz cinne.

Ti̱to̱ 1:10

Anyak ol cik meelek ibbez de̱mzi̱ne̱t wa een de̱de̱, edemez nege ol de̱mzi̱ne̱t ci een darace kar ku̱lu̱te̱t ol. Een zoz necu de̱de̱ ngati ollik Ya̱u̱do̱ wak orong ol kettedit wucic vi̱ca̱vi̱cce̱t kar kurubta ti̱ri̱ze̱ne̱t.

Vilomene 1:1

Ki̱tto̱na̱ waraga cu anna Pa̱u̱lo̱ wa kecebje lagama zo̱ze̱ ci Ye̱su̱ Ki̱ri̱sto̱. Keherya waraga cu anna ki Ti̱mo̱te̱yo̱ gotonet tu̱we̱nta̱. Keherika Vilomene gotonet tu̱we̱nta̱ kar bo̱do̱k ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱.

Vilomene 1:24

I̱tto̱na̱ bo̱do̱k Marko, ki Aristarkas, ki Demas ki Lu̱ka̱ zawinet cinne̱ng. E̱e̱ggi̱n nege ol cik ka̱li̱ngli̱ngnya̱ bu̱k nga̱to̱de̱.