Kolosiya 3:8 - Tennet

⁸ Imma zin i̱yo̱ko̱, abunna ming odotekku kaal ne̱ko̱ do̱o̱k lo̱o̱c: burnenet nong, zi̱nze̱tti̱ cik mu̱hu̱ri̱k, baizzok cik a̱mu̱we̱, ki zoz ci volongo a̱mu̱we̱ iyowa u̱tu̱ge̱tti̱ne̱ cuggo̱k.

Kolosiya 3:8 ပူးပေါင်းရင်းမြစ်များ

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Marko 7:22

elem ci a̱ppwe̱, marnonet ol, lu̱te̱ne̱t ol, dominet, ṯeel, ruwenet ki donginet ele ki tarbalzet.

Roma 13:13

Abunna kabak baiz ci abunna ki i̱yo̱ko̱ ol wak abak vooritene ci wazino ko̱. Ma ovvoyyu ngati alutene ol cik aud merten kar kibbakte. Ma owowonu ki a̱li̱ya̱k. Ma oyohonu ki ol. Ma anyikku zi̱nze̱tti̱ kizeto a̱ppi̱nte̱k kaale cik ollu.

1 Ko̱ri̱nto̱ 3:3

Ngen zin niga abakku baiz ci olli lo̱o̱tu̱, eci ngen anyakku meder, adangonu e̱le̱tti̱ne̱ cuggo̱k. Imma zin go̱o̱le̱ necu abakku ko̱, o̱do̱wi̱nu̱ niga ki olli lo̱o̱tu̱. Ogonnu kaal cik ogon olli lo̱o̱tu̱.

2 Ko̱ri̱nto̱ 12:20

Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

Ga̱la̱ti̱a̱ 5:15

Ma̱i̱je̱ ming oronnu niga e̱le̱tti̱ne̱ adawanu gonoggu, u̱zu̱tte̱ e̱le̱tti̱, ma egerzannu gonoggu.

Ga̱la̱ti̱a̱ 5:20

ala e̱e̱ti̱ to̱do̱yyo̱k, owo e̱e̱ti̱ ngarrete, anyak e̱e̱ti̱ mootiz, amarine e̱e̱ti̱ dango, a̱ppwa̱ e̱e̱t zinin kaale cik ollu, adunye zinin ci e̱e̱to̱ ataman, anyak e̱e̱ti̱ meder, irez e̱e̱ti̱ ele cinne do̱, enger e̱e̱ti̱ lo̱o̱c, abak ki ol wak elemi zoz cinne,

Ga̱la̱ti̱a̱ 5:26

Gerza ming kodong e̱le̱tti̱, icima kanyike e̱e̱t imma kutubur nong. Gerza ming kanyak meder kaale cik ollu.

Evesos 4:22

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng.

Evesos 4:25

Imma zin baize ci een jor ko̱, ma ngen bo̱do̱k ovolongnyu, abunna gon ming a̱du̱wa̱k e̱e̱ti̱ gooni zoz ci een de̱de̱, eci naga do̱o̱k kurumte kizeto ele co̱de̱ ngati Ye̱su̱.

Evesos 4:26

“Imma ming ette aburnnu nong zo̱ze̱ emani, ma anyikku burnenet nong kuwuyung mu̱nye̱ne̱.” Ma ovvoyyu ungnyahe ming ngen aburnnu nong,

Evesos 4:29

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Evesos 5:4

Ma ngen a̱du̱wa̱nnu̱ zoz ci gerze ki zoz ci tarbali, zoz ci iróng agano ming kozozi, abarik ozozit zoz ci abunna ci anyikku Ta̱mu̱ta̱dde̱n zany.

Kolosiya 3:5

Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.

Kolosiya 3:9

Ma ovolongnyu e̱le̱tti̱ ciggo̱k, eci utungttu niga baiz bali reeni ke̱ ki kaal ciginnek do̱o̱k.

1 Ti̱mo̱te̱yo̱ 1:13

Baling ka̱gi̱di̱ ol wak a̱tu̱ zoz ci Ye̱su̱, kar zin kodom nonno nu̱nu̱n, ngen Ta̱mu̱ta̱dde̱n eelanna annit dee, alaleya mu̱nye̱n wagannik ma̱rri̱t ngen bali anna kelema zoz cinne, kar bo̱do̱k ngen ka̱gga̱ kaal ne̱k balik kogonni ke̱.

1 Ti̱mo̱te̱yo̱ 1:20

Ma̱i̱je̱ zin ol ne̱k ogon kaal ne̱ko̱ ko̱, ciko Hymenaeus ki Alizanduru, kodotiya anna nogo lo̱o̱c iróng ngen ki̱lo̱ti̱ nogo kar kedemez Sitani nogo, gerza ming odom nege Ta̱mu̱ta̱dde̱n.

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.

Je̱mi̱s 2:7

Abarik niga odomtu zare cik abunna Manyi karumene naga ko̱.

1 Peturu 2:1

Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

2 Peturu 2:7

Eela zin bali Ta̱mu̱ta̱dde̱n Lot, e̱e̱t ci bali abak baiz ci emede ngu̱me̱ ci Ta̱mu̱ta̱dde̱no̱, u̱la̱l zin nonno baizi ci abahe olli mu̱nye̱nu̱ wak abak bu̱k ko̱.

Ju̱da̱ 1:13

Imma kaala ne̱k gerzek ogon nege i̱yo̱ko̱ ko̱, atubo ki tawan ci maam wak gon apalpalan ngooti nyatapare ci a̱ddi̱ki̱re̱ ko̱, adima kaal cigge̱k gerzek arike ti̱ti̱m. Kar bo̱do̱k nege ogon ki i̱yo̱ko̱ munyunya wak owo, imma ngatu iróng aavtte nga̱to̱de̱, ovvo nege ngati mu̱hu̱ri̱ udut.

Ju̱da̱ 1:8

Kar zin go̱o̱le̱ necu bu̱k, egerzanit ol wak anyak o̱no̱zzo̱k ko̱ e̱le̱tti̱ cigge̱k, abure nege alaanzet ci Manyi kar kodomit kaal cik aruge ta̱dde̱na̱.

O̱no̱zzo̱k 16:9

Ovoc zin a̱bu̱re̱zi̱ neci ol oroot zee kar zin ol kotorit zar cik Ta̱mu̱ta̱dde̱no̱, wa anyak komiz ci alame zerenin ne̱ko̱ do̱o̱k, abarik utuburet iróng ngen urta mu̱nye̱n cigge̱k kar ki̱di̱ngdi̱nga̱ni̱t nonno.