Kolosiya 3:3 - Tennet

³ Eci a̱da̱kttu̱ niga ba̱li̱ye̱, imma i̱yo̱ko̱ a̱lu̱gnye̱ baizi cunno̱ng ki Ki̱ri̱sto̱ ngati Ta̱mu̱ta̱dde̱no̱.

Kolosiya 3:3 ပူးပေါင်းရင်းမြစ်များ

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Kaviyak wak Abunna Ta̱mu̱ta̱dde̱no̱ eher Joni 14:19

Iróng atin ol cik lo̱o̱tu̱ acinna annit arrak do̱yo̱i̱t, acinnang abarik atin niga do̱. Ma̱rri̱t ming kuruga bo̱do̱k anna, arugnu atin niga bu̱k.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 4:14

Ma̱i̱je̱ e̱e̱ti̱ ci aud maam cik kanyike anna, iróng atin a̱ru̱k koor udut, abarik ovvo maama ne̱ke̱ ogon ki maama cik a̱ri̱ya̱ anyaha ruget ci aave udut.”

Kaviyak wak Abunna Ta̱mu̱ta̱dde̱no̱ eher Joni 5:21

Ogon ki i̱yo̱ko̱ ming ingane Baba ol wak a̱tu̱we̱ daiza, kaanyik kuruget, imma zin go̱o̱le̱ necu, aanyik Ngerinne ruget ol wak orong enne kaanyik.

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Kaviyak wak Abunna Ta̱mu̱ta̱dde̱no̱ eher Joni 5:40

Abarik niga aburnnu iróng a̱vvu̱na̱kka̱ng kar urubta ruget.”

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 5:21

Ki i̱yo̱ko̱, ming anyahak zin mu̱nye̱na̱ ol daiz lo̱o̱ta̱ ngatu; imma zin deteni abal ol bunnate ci Ta̱mu̱ta̱dde̱no̱ kar kaanyyet baiz wa aave udut ngati Ye̱su̱ Ki̱ri̱sto̱ Manyitinna.

Roma 6:11

Abunna zin niga ming a̱gga̱yyu̱ niko, iróng mu̱nye̱na̱ ngen abalung bo̱do̱k, urumteu niga ki Ta̱mu̱ta̱dde̱n zo̱ze̱ ci Ye̱su̱ Ki̱ri̱sto̱.

Roma 6:2

Iróng een niko! Ming iróng mu̱nye̱na̱ ngen abalet ko̱, nya bo̱do̱k ming kobodonik naga mu̱nye̱n ko̱?

Roma 8:2

Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

1 Ko̱ri̱nto̱ 15:45

E̱he̱rye̱ Warage ci Ta̱mu̱ta̱dde̱no̱ azi ne, “Arrak bali oowa ke̱ eenyca Ta̱mu̱ta̱dde̱n e̱e̱t wa azi zara Adam, kar kanyik nonno ruget.” Imma Adami wa a̱kku̱ vu̱rrta̱, een enne Vongiz wa a̱kku̱ kar ki̱ki̱ya̱ kaanyik ol ruget.

1 Ko̱ri̱nto̱ 2:14

Ming anyak e̱e̱t ci iróng anyak Vongiz ci Ta̱mu̱ta̱dde̱no̱, iróng enne elemi kaal cik a̱vvu̱ Vongize ci Ta̱mu̱ta̱dde̱no̱, e̱e̱ggi̱n kaala ne̱ke̱ darace ngatinne, iróng kaala ne̱ke̱ i̱i̱zo̱ oo cinne, eci e̱e̱ggi̱n kaal cik Vongizo.

2 Ko̱ri̱nto̱ 5:14

Eci rezinet ci Ki̱ri̱sto̱ adangeket zoz cu, ma̱rri̱t naga ka̱gga̱c a̱da̱k e̱e̱ti̱ co̱de̱ zo̱ze̱ ci ollu do̱o̱k, kar ol do̱o̱k ka̱da̱i̱to̱.

2 Ko̱ri̱nto̱ 5:7

Kabak ngati ka̱tu̱we̱ Ta̱mu̱ta̱dde̱n, iróng kabak ngati kacine kaal eberene.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Evesos 3:9

Ta̱mu̱ta̱dde̱n ci eenyca kaal do̱o̱k, orongnya zin enne annit ki̱li̱ngli̱ng zoz cinne kar keela ol do̱o̱k ka̱gga̱c zoz bali ninne a̱lu̱gnye̱ ke̱.

Vilipia 4:7

Kar gano ci Ta̱mu̱ta̱dde̱no̱ wa ommog genyiz ci e̱e̱t ci diiri do̱o̱k, kuzute zi̱nze̱tti̱ ki i̱no̱ni̱ cuggo̱k ngati Ye̱su̱ Ki̱ri̱sto̱.

Kolosiya 1:5

Een tu̱we̱ne̱t necu ki rezinet ci a̱kku̱ zo̱ze̱ ci arikku niga zi̱nze̱tti̱ zoz ci e̱re̱yyu̱ niga aave ta̱mu̱-kenga, iziktu niga zoz neci zo̱ze̱ ci een de̱de̱, kaviyahe cik abunna

Kolosiya 2:20

Urumteziu niga Ki̱ri̱sto̱ daize cinne, kar aarta e̱le̱tti̱ baize ci lo̱o̱tu̱ ko̱. Nya bo̱do̱k ming abakku ki ci ngen o̱ngo̱o̱li̱nnu̱ kaal cik lo̱o̱tu̱ ogon ki ne̱ko̱ ko̱:

Kolosiya 2:3

A̱lu̱gnye̱ zoz ci genyizo ki arizet do̱o̱k ngatinne.

Kolosiya 3:4

Ming okko Ki̱ri̱sto̱ wa een baiz cunno̱ng ko̱ i̱ye̱la̱ ele cinne, ovvo niga bu̱k i̱ye̱la̱nu̱ e̱le̱tti̱ cuggo̱k ki nonno ngati di̱ngdi̱ngo̱n cinne.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

1 Peturu 3:4

Abarik zin abunna ming a̱kku̱ zi̱zi̱wo̱ni̱ cunne zinina, zi̱zi̱wo̱n ci iróng aditai ki zinin ci abunna, een necu zoz ci riili ngu̱me̱ ci Ta̱mu̱ta̱dde̱no̱.

1 Peturu 4:2

I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.